بعيري شعيل طارت به حوايمـهـا
هذه القصيده القيتها أمام الشيخ زايد آل نهيان (رحمه الله رحمة واسعه) في قصره بابوظبي قبل حوالي 8 سنين
آمل أن تحوز على إعجابكم وإستحسانكم. ***** [poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="outset,2,sienna" type=0 line=0 align=center use=ex num="0,black"] سلام مني لإبن سلطان في داره=الشيخ زايد امعز الشعب حاكمها شيخٍ عظيمٍ عِظم شانه ومقداره=حاكم ومن لابةٍ نارٍ محازمها شوخ على القوم لاثارت لهم غاره=تسقي اعداها سموم الموت تطعمها ماهمهم لو تطول الحرب بأوزاره=ماهمهم كثرت العدوان تهزمها شوخ اليا جالهم محتاج بزياره=يلقى السعد عند من يقضي لوازمها ماخاب من جالهم وأعطاهم أسراره=عز الله انه رجع يمناه مدسمها ياعزّ من جالكم محتار من داره=جاكم وإله حاجة بالصدر كاتمها أنشهد إنه وصل للحّر بأوكاره=وإرتاح باله وهانت له عظايمها ياليتني في حماكم وأحمل الشاره=شارت شرف للعتيبي حيل رايمها وأعيش ما بينكم حرٍ مع أحراره=وأنسى هموم ابجوف القلب كاظمها ياشيخ انا الوقت ذوقني من أمراره=كاسات منها الفتى مبناه يهدمها لو كانت النفس للوعات صبّاره=غصب عليّه ردي الوقت يظلمها والحظ عيا يقوم وطفّيّت ناره=وابعيري اشعيل طارت به حوايمها ياشيح لن جاد حظي بعطي بشاره=والروح تفداك ترخص لك وأقدمها وأرخص لك اللي غلا لو زادت أسعاره=واللي عطا الناس والأرزاق قاسمها ياشيخ جيتـك وبيت الطيب بأذكاره=والطيب عندك مقره وانت حاتمها والجود يمك مواريده وصداره=وأنت الذي ربنا يمناك مكرمها والله لو أسرد القيفان وأشعاره=مااوفاك حقك يابو سلطان ناظمها والعذر لو الشعر ماقلت أثماره=لكن بالعذر حرف الشعر نختمها وصلاة ربي عدد ماطارت أطياره=واعداد من طاف بالكعبه وصايمها على نبي حماه الله في غاره =شفيع الأمه لياهبت سمايمها سفر مشعان العتيبي[/poem] أستمع للقصيده [rams]http://hfte.net/upload/zayed.rm[/rams] |
صح لسانك ياسفر ويعطيك الف عافيه ويستاهل زايد الخير
غريق |
[color=#0066FF][size=4][B]صح لسانك يولد العم يبوطلال
يعطيك الف عافية ويستاهل بو خليفة هالقصيدة رحمة الله عليه رحمة واسعة ودمت بالف خير[/B][/size][/color] |
صح السانك يابن مشعان ولاهنت طال عمرك
قصيده جزله من جزل يالقرم تسلم يمينك ودمت كما تحب |
صح لسانك ياولد غابي
والله يرحم الشيخ زايد |
الأخوان الاعزاء
شكرا على مروركم وصحت ابدنكم لكم تحياتي ابو طلال |
صح لسانك ياولد غابي
رحم الله الشيخ زايد |
صح لسانك اخوي ابو طلال
وبيض الله وجهك يا الغالي تحياتي لك ،،،،، |
صح السانك يابو طلال قصيده ممتازه بس عساها ما راحت خساره عسى الشيخ زايد الله يرحمه شرهك شرهة طيبه
تحياتي |
جميع الأوقات بتوقيت GMT. الساعة الآن 10:11 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها