منتديات عتيبه - قصيدة ( شاعر الوطن ) في مهرجان الجنادرية ( 24 ) لعام 1430 هـ ( فيديو + صوت + كتابية ) .

[align=center][size=5][color=#8B0000]السلام عليكم ورحمة الله وبركاته[/color]

[color=#008000]أخواني [color=#FF0000]أعضاء [/color]وزوار [color=#2E8B57]منتديات قبيلة عتيبه[/color] الكرام[/color]

[color=#FF0000]أقدم [color=#0000FF]لكم قصيدة[/color] شاعر الوطن [color=#0000FF]سعادة اللواء[/color] :- [color=#800080]خلف بن هذال العتيبي[/color][/color]

[color=#FF0000][color=#00008B]في [/color]مهرجان [color=#00008B]الجنادرية [/color]( [color=#000000]24 [/color]) [color=#00008B]لعام [/color][color=#000000]1430 [/color][color=#00008B]هـ[/color][/color]

[URL=http://up.arab-x.com/][img]http://up.arab-x.com/pic/CRC54784.jpg[/img][/url]

[color=#FF0000]هنا [color=#008000]بالفيديو [/color]:-[/color][/size]

[url]http://www.youtube.com/watch?v=DRB-DbOOphE[/url]

[size=5][color=#FF0000]وهنا [color=#008000]بالصوت [/color]:-[/color][/size]

[rams]http://www.5ymah.net/inf/voicesm/3262.ra[/rams]

[size=5][color=#FF0000]وهنا [color=#008000]كتابية [/color]:-[/color][/size]

[poem=font="Arial,5,white,bold,normal" bkcolor="transparent" bkimage="backgrounds/21.gif" border="ridge,7,deeppink" type=0 line=1 align=center use=ex num="0,black""]

سلام الله وصلى الله على نبينا المرسول = شفيع الخلق في يوم (ن) يشيب الراس من هوله

نبي (ن) خصه الله بالرسالة بالعفو مامول = عفا عن كعب واعطاه الأمان وقربه حوله

بعد ما ضاق به كل الفضا والأرض عرض وطول = وهذي فطرة (ن) في الانبياء بالعفو مجبوله

عطاه البردة اللي سدوها بالمنشزه مغزول = من أحسن مالبس هذا الكرم معناه ودلوله

واثني بالسلام لسيدي مصدر فخر وفعول = تواريخ (ن) تسجل بالشرف والمجد مصقوله

لك الترحيب يا صنديد ابن صنديد يا مشغول = بشؤون المسلمين ولا تريد العرب مذلوله

جمعت الشمل والله ما يجمع من بعدك شمول = واقول ادعوا لعبد الله ثم ادعوا له ثم ادعوا له

ولاغيرك لنا قايد وبالعمرالطويل تطول = طويل ذراع راهي باع ليث (ن) تكسب الجوله

تحملت المهمة يا ملكنا والزمان يهول = فلا نامت عيون اللي بحلو النوم مكحوله

أخصك ثم أخصك في الكلام الطيب المعسول = مشاعر شاعر (ن) يهدي لك الأبيات مفتوله

غزايز مالقيته والتقيته من خيار الشول = بكار(ن) وضح نخبة من خيال الشعر مشموله

بدهن المسك والورد الندي والعنبرالمعمول = واخذ فنجال رسلانية (ن) بالهيل مزلوله

إي والله شارب (ن) يستاهل الفنجال فعل وقول = لك الهيبة بك الطيبة بك الأوطان مكفوله

تحني والبسي له وانثري فوق النحر مجدول = لكساب الجميل وفي عيون الناس مجموله

تخطي واسحبي ثوب الحريربعرشك المحمول = على أكتاف المليك وتعرفين الملك منهو له

فحل والله فحل يابن الفحل واللي جذبك فحول = من أولكم لتاليكم عطا واحسان وبطوله

خطبة الخطبة اللي بالكويت إداوي المعلول = تطيب إبها النفوس ولا تجي وتروح بسهوله

خطاب الصارمة يا قف بها شعرالولد مذهول = دهاء وموقف (ن) حازم وعزم وجزم ورجوله

تحل الشفره اللي مالها في العالمين حلول = صحيح إن كان ما حليتها ما هيب محلوله

هذا اللغز الكبيراللي يخلد بالزمان زحول = ألا يازحلنا ياللي لك الأزمات محيوله

نشم العز من عزك شربنا الصافي الشهلول = على يمناً تدفق ساقية على الشعب معدوله

ومن عطفك ومن لطفك سكنت المارد المنهول = على الطفل وعلى الطفلة رعاية منك مشموله

ترى الأيتام في ذمتك وامسح دمعة المكفول = ينجيك الكريم ودعوة الأيتام مقبوله

ولا ننسى ولي العهد جعل الباس عنه يزول = يجي سالم وغانم والقلوب تحن مشغوله

ياكم من مخلص(ن) كمه غدا من عبرته مبلول = على بعده تردد سورة الرحمن مرتوله

ألا يا الله ترد اللي لمستور الحوال يعول = تفرج عن غريب(ن) بالمغيبه ضايق (ن) جوله

نبي شوفه ومعروفه نعد اليوم كنه حول = هل الحاجات بعد الله على سلطان متكوله

تحياتي لمسلولة العرق وبجهدها المبذول = يصد المعتدين وديرته بالأمن معقوله

هذا نايف وزير الداخلية بالسلاح يحول = يذود عن الوطن ويقوم في واجب علم دوله

ولد عبد العزيز ببندقة وسيفه المسلول = يعدل روس كانت في سبيل إبليس مغسوله

محاميل الرجال الواجبات وللجمال حمول = إليا ثار الجمل بالحمل قام الرجل بحموله

من المسؤول عن ما صار في غزه من المسؤول = مجازر نفذت بالظلم واسرائيل مسؤوله

إطبق محرقة هتلر على شعب (ن) عزل معزول = عن العالم وغزه في مهب الريح معزوله

هذا شعب (ن) دعا الله فيه لا القاتل ولا المقتول = ضعوف (ن) تحت ضغط النار بالغارات مسحوله

ولا حول (ن) ولاقوة على ما صابهم لاحول = قضية بركت في منحرالتهويد مقتوله

كلام بلا سلام ولا احترام وكلمة المعقول = عليه اقرو سلام وفارس القسام قولوا له

يواصل في كفاحه بس لا يذبح همم وعقول = حرام ودبرة (ن) ماهيب في الإسلام معقوله

يقولون الكريم إليا نزل صكت عليه نزول = تشوف الخير فيه وجرته بالخيرمدهوله

واليا مريت لك قاع (ن) قحط عج ودهر ومحول = تعده وانص دار (ن) من صدوق الغير مسيوله

ولا نفلس من العاقل ولا نسمع من المهبول = ولا ناخذ مشورة جاهل (ن) ما بان مفعوله

ولا يختل ذكي والا الغبي مع غاربه مختول = ولا توخذ عرب بعد النذر بالغدر مختوله

أوادم مالها صرفه ولا حرفه ولا مدلول = تعالي يا جزور ولحمة الجزار ماكوله

نصحناهم فلاكن ما يفيد النصح ويش نقول = فرق متفرقة واحزاب منفله ومفلوله

أيادي تشتغل وتحط من خلف الروؤس ذيول = شتات ومشكلة متمشكلة بالطبع مفعوله

مصيبتنا عروبتنا تراوح في وحل وغيول = تخلت عن مباديها ونارالحرب مشعوله

ولا نعلم ولا ندري عن المستقبل المجهول = تمر أحداث مشحونة بعلم الغيب مجهوله

جرايم محزنة سودا تثبتها الرجال عدول = تصرف مجرم (ن) خلى كبود الناس معلوله

يهددهم شبح موت (ن) تمثل في وصايف غول = حيوان (ن) مفترس جاهم يشيل الموت بحثوله

على غزه دمار وعار شعب (ن) بالشرك محبول = عسى رجل (ن) سعت في شقت الصفين مشلوله

عليها الطايرالمشؤوم بانواع العذاب يجول = بلاد (ن) واقع الشرقي رفح بالجن منزوله

ياربي تنقذ الغبراء ولا يبقى عليها زول = من أم العنصرية والخبر عاجل لها زوله

ولا يكسر خشوم القوم غير المدفع المكيول = وقوم (ن) ماتخاف عقابنا خسرى ومخذوله

بزند بواردي (ن) فاسر (ن) عن ساعد (ن) مفتول = إلى منه ثنى الركبه يحشر الجمع بفعوله

فتحنا القدس من بطن الجزيرة في سروج خيول = تهاذى بالعيال اللي لنصرالدين مرسوله

هبطنا الأودية غازين واجتزنا وعر وسهول = وحررنا البلاد وراية التوحيد محموله

فرشنا الارض بالدم الحمر فالفجر فرش زلول = وصلينا جماعة وايدي العدوان مغلوله

هذا قول (ن) عليه ثبوت بعصور (ن) مضت مقيول = وإلى قالوا من قايله قلناه ونقوله

[/poem]

[size=5][align=center][color=#FF0000][color=#FF0000]صح [/color]لسان ( [color=#800080][U]شاعر الوطن[/U][/color] ) مدد [color=#FF0000]بلا [/color]عدد[/color]

[color=#008000]ودمتم في حفظ الرحمن

والسلام عليكم ورحمة الله وبركاته[/color]

[color=#8B0000]أخوكم / سيف العز[/color][/align][/size][/align]