منتديات عتيبه - قصة و قصيدة

القصيدة قصتها : كان الشاعر يحب احداهن في دياره الشمال ولم

يكتب الله بينهم نصيب وتزوجت محبوبته من شخص آخر وسافرت وكان

الشاعر يحبها حب خيالي ...

وبعد ثمان سنين....

كان الشاعر يعمل مدرس ونقل

نقل اجباري لمنطقه بعيدة في الجنوب ....

وفي اول يوم دوام في المدرسه وكانت ابتدائي راى بين الاطفال طفل

غريب... يحس بشي يجذبه له.... وعندما ابتسم الطفل ناداه المدرس

وقال له من انت ولده...؟؟؟

قاله انا ولد فلان

قال له : انت امك فلانه .....؟؟؟

فاجاب الطفل : نعم

قام المدرس سكت وكتب القصيدة

وفي اليوم التالي اعطاها الطفل

وقال له : عطها امك ....!!!

------------------
واليكم القصيده :-

[poem=font="Simplified Arabic,5,white,bold,normal" bkcolor="teal" bkimage="" border="double,9,deeppink" type=0 line=0 align=center use=ex num="0,black"]

غابت ثمان سنين حـل وترحـال=غابـت ثمـان كلـهـا مدلهـمـه

غابت ثمان سنين وشهـور وليـال=مافيه قطر غيـر موجهـت يمـه

وعقب الثمان الي تعبها برى الحال=جاب الزمان الكارثـة والمطمـه

جاني ولدها مبتسم بيـن الاطفـال=ومن بسمته ذكرت أنا بسمت أمـه

ركضت له دمعي على الخد همال=من كثرشوقي قمت بالحيل أظمـه

ساعة حظنته والطفل في يدي مال=شميت ريحتها على أطراف كمـه

واليوم بنت الناس في بيت رجـال=حب على غير الشرف لي مذمـه

مجبور أعود واشتكي لكل الأجيال=بنفـس حزينـه تايهـه مستهمـه

برجع غريب سكته بـر ورمـال=يحي يمـوت ويندفـن مـا يهمـه [/poem]