منتديات عتيبه - قصيدتين رثائيتين في الشيخ حنس بن طريخم بن معوض ابن شدة

[font="arial"][size="5"][color="black"][center]السلام عليكم ورحمة الله وبركاتة
أخواني الكرام نتناول اليوم قصيدتين رثائيتين في المغفور له بأذن الله
الفقيد حنس بن طريخم ابن شدة
للشاعر المبدع صاحب الأبيات الرائعة والقصيد الجزل
الشاعر مشعل بن منيف بن معوض ابن شدة

وإليكم القصيد الأولى:

يالله يا معبود يا خير معبود :
يا خالق(ن) عبده و عالم بسده :
ترحم عزيز(ن) في ثرى القبر ملحود :
و تجبر عزا ربعه و من هو يوده :
جاء للحزن في صدورنا برق و رعود :
مخايل(ن) مافي نحاها تهده :
وصل الخبر من مصدر العلم ماكود :
قضا و لا حل القضا من يلده :
فاحت دموعي و أغرقت كم و خدود :
و أضحت همومي بالحشا مستبده :
في ما مضى ما للصبر عندي حدود :
و اليوم ما فيَّه على الصبر شده :
أبكي و يبكي كل من كان ملهود :
و لا هوب عيب ليا سقا الدمع خده :
الطيب نعده و لا غاب مفقود :
و اللا الردي لا يفقد و لا نعده :
زار القدر في سيد أيامنا السود :
صبح الخميس اللي رزانا بشده :
و أختار خيرة من على الشده عضود:
قليل تلقى فالمناعير قده :
لو ينفدى بأعمارنا لجله نجود :
نرخص غلاة العمر لو دون حده :
راضين و المكتوب ما هوب مردود :
و هاذي سواة الوقت ما هيب جِده****:
الموت له ميعاد و العمر محدود :
و لا حان يوم العبد محد(ن) يرده :
دنيآ سعدها يقتفي عهده نكود :
ناب(ن) لنا يضحك و ناب(ن) تحده :
دوراتها كم فرقت جمع و حشود :
و غاراتها ما بين هجمه و رده :
مرحوم يامن دوننا ينطح الكود :
يا زبن من يوجس من الوقت ضده :
****رمز الفضيلة و التقى منبع الجود :
ريف الضعيف اللي ظروفه تحده :
عد(ن) على جاله مصادير و ورود :
يبهج كبود(ن) من ضماها مغده :
و سيف لنا في ساعة الضيق مجرود :
ينومس اللي مونس(ن) ضيم ضده :
عوق الخصيم و عون من جاه مضهود :
و حلال عسرات الأمور الملده :
نزه الجناب اللي نفا كل منقود :
واف الخصال اللي حفظ سلم جده :
بالطيب له في كل ميدان مشهود :
و في حزة الميقاف يا قل نده :
رحل و له ذكر(ن) مع الناس محمود :
و لنا فراغ(ن) ما لنا من يسده :
مثواه جنات(ن) بها الظل ممدود :
بجاه من يغن المقلين مده :
جزل العطا و أعز و أجل موفود :
الأمر له ما به عن الأمر صده :
يالله تبلغنا من الصبر مقصود :
و تعوضنا في فقدنا لابن شده :
و لامات من عقب عقب موته فهود:
أمجادهم من ربهم مستمده :

والقصيدة الثانية :

لا جاء الأجل ما في يد العبد حيله:
و عند الله المعبود تحديد الأعمار :
مرحوم يا من هو فجانا رحيله:
قفت خطاه و بدل دياره بدار
 الموت حق ان جاك و الا تجيله
: لا بد من يوم(ن) تصوبك الأقدار
: ياكم زرانا فالزمن من ثقيله
: و ياكم فقدنا من طويلين الأشبار :
 لا شك حزن اليوم ما به مثيله
: و لا شك مثل مصابنا اليوم ما صار
* صبرن جميل(ن) و لو دهتنا جليله :
 راضين فيما اراد ربي و ما اختار
*: حنس توفى و الفجيعه مهيله
: عمت ربوعه كلنا صغار و كبار
: رجل القناعه و التقى و الفضيله:
مايتبع المقفي ولايشمت الجار:
 فقده على الطاعات فرض و نفيله: 
و فقده على مصحف و تسبيح و اذكار
: عسى ملافيه الجنان الظليله:
وبجاه خلاقه مجار(ن) من النار:
و لنا من الصبر الجميل الجميله:
* ياعنك ما يندم على الصبر صبار:

الشاعر مشعل بن منيف بن شدة.[/center][/color][/size][/font]