|
%%علوم المراجل%%
ربعي هل الغلبا سيوف دواليق
..........................عدوهم يمسي من الخوف حايم وربعي مروية الغلب بالمزاريق ........................يوم المراجل بين بايع وسايم عنا يفكون الحلاق المغاليق ....................وناكل بهم واللي على الريق صايم ولنا من السابق سلوم وطواريق ..........................نثور بالملحة وندي الولايم وقصيرنا كنه بروس الشواهيق ........................يمشي وينزل في وسيع الخرايم (((والمدح اليا جا الفعل ما فيه تبريق ..........................وكل على حقه حصان الصرايم))) ودمتم سالمين] |
يسلم وتدوم وطريقة كتابة وتنسيق القصائد سهله وبالتوفيق ان شاء الله يمكن اتباع التعليمات بهذا الخصوص...وصح لسانك
|
صح لسانك ويامرحبا بك وياهلا
تقبل صادق الود غريق |
السلام عليكم
شكرا على مرورك واريد ان اوضح لكم شيء بان المهم هي القصيده وليس تنسيق القصيده واشكرك على تعليقك اخوكم//ربعي عتيبيه |
اخوي غريق 1000000شكر
والله لايحرمنا من ردودك يالغالي اخوكم //ربعي عتيبه |
هذا وكاد ولاعندنا شك في كلامك طال عمرك ولكن مادام الشي موجود ويمكن يصير شكل القصيدة جميل ومقبول ...ليش لا؟؟ شكرا وهذا مجرد اقتراح فاءن كان كذلك فبها والا فالامر يعود اليك وتسلم
|
كلامك في محله,,,وردك اعتبره وسام على الصدر
ولانستغنى عنك يابو سعد,,, اخوكم//ربعي عتيبيه |
صح السانك ياربعي قصيده رائعه
تحياتي |
00
الاخ العزيز / ربعي عتيبية الله يعطيك العافية ولكن عندي سوالين 1/ تقول ربعي عتيبية هل قصدك ربعك عتيبة 2/ هل القصيدة لك تحياااااااااتي اخوك/ خلف بن مرزوق |
صح لسانك
وبيض الله وجهك يا الذيب |
| جميع الأوقات بتوقيت GMT. الساعة الآن 12:18 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها