قصيدة السبيعي في قبيلة عتيبه
قصيدة الشاعر شالح بن حمران بن نعيس السبيعي في الشيخ عبدالمحسن بن حشر بن حميد
عندما زار قبيلة سبيع في رنيه عام 1409هـ [poem=font="Courier New,5,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"] يامرحبا يامير نجد واهاليه= من جدك الاول قديم وتالي انتم شيوخ البر واللي نزل فيه= ماطرت القمرا ويم العبالي وايمن منازلهم حدود العلم فيه = ويسار لامن الحيا جاء شمالي ترعونه بعرب تقطف حلاويه= غصب على نشرالخفيف الموالي وان صرصر الجندب ويبست مراعيه= تلقى على المحدث بيوت واهالي تلقى بيوت قيلن الفلا فيه= ومصطرات فيه صبح الدلالي ومن غيرها يلقى العشا عند راعيه = يلقاه من شانت عليه الليالي لاد الكريزي لاشترى الموت شاريه= ثم صاح صايح والدبش في المفالي لحقوا على مثل المها في تحاليه= صفر غذاها من حليب المتالي مركاضهم يبرد ضما كبد راعيه= لا دبر الاول وخلا التوالي لا قام راع الغوج ينخا ولد خيه= يافلان ياحامي عقاب التوالي ترى حصاني شرعن الرمك فيه= بمشلشلات مثل وصف الحبالي كل ينادي ميته يقتضي فيه= والحوم في جو السماء له ظلالي اوحي الكريزي يوم كثرت عزاويه= ماعاد لي حيله ولا لي محالي قمت اندب كحيلان يرفع مواطيه= وقام يترفع مع رفيع الحبالي در العرابا شاربه في حواجيه= قام يتزبر كنه ام الغزالي انت الامير اللي زهى الكيف راعيه=والختم في يمناك عصره هلالي ورث لبوك وجدك اللي يواليه= والجد الاقصى ذاك ريف الهشالي بيت الندى تلقى الندى دايم فيه= وبيت الهوينا مايجي له ظلالي احييت عادة شايب كنت تاليه= وشرفتنا يوم ان سلكك جلالي يامرحبا ترحيب غال لغاليه= وترحيب من شاف المطر والخيالي وترحيب مولود حبا بين اهاليه= امه تجره في سمين الظلالي اهل طلال ويومه اللي جرى فيه= كم سابق طاحت عوضها الجلالي وكم سابق راحت رسنها تباريه= خلى ثقلها طايح فالمجالي وصلاة ربي عد ماهب ذاريه= على النبي اللي حكم بالعدالي [/poem] |
بيض الله وجهك يا السبيعي
على هذا النقل الرائع تحياتي لك ،،،، |
اهل طلال ويومه اللـي جـرى فيـه
كـم سابـق طاحـت عوضهـا الجـلالـي صح السانك والسن الشاعر / شالح السبيعي وبيض الله وجهك على النقل الرائع تحياتي ..!! |
اهل طلال ويومه اللـي جـرى فيـه
كـم سابـق طاحـت عوضهـا الجـلالـي صح السانك والسان الشاعر / شالح السبيعي وبيض الله وجهك على النقل الرائع تحياتي ..!! |
بيض الله وجهك ياشالح السبيعي ماقصرت
تحياتي |
[color=#FF0066]أخي [color=#3366FF]عبدالله السبيعي[/color] سلمت يمينك وصح لسااااااااان [color=#FF0000]شالح السبيعي [/color]
قصيده رائعه ننتظر إبداعك القادم[/color] |
عبد الله السبيعي بيض الله وجهك وجه الشاعر
سبيـعـيّ وذو معـنـى ومبـنـى" "صناديد الوغى الأسد العتـارس زيـازيـمٍ شغامـيـمٍ أشـــاوس" "زحازيـحٍ طحاطيـحٍ أشـارس سلاطـيـنٍ شياطـيـنٍ صــوارم" "وإن حمي الوغى عُمْيٌ أخـارس ناصر الفراعنه السبيعي |
تقديري واحترامي لكل الغالين المتميزين
النايف اشكرك على مرورك ولك تقديري بدر الروقي لك شكري واحترامي وتقديري ولك مره اخرى اجمل تحيه ابن ثعلي بيض الله وجهك ايها المبدع بلسم الجروح لك تقديري وانت سالم ابن نابي وشكرا على الابيات وهذه الابيا قليله في حق قبيله عزيزه لها مكارمها وامجادها يقف اللسان عاجزا عن وصف فرسانهم وابطالهم |
صح لسانك ياعبد الله
ولسان قائلها وبيض الله وجهك |
السبيعي صح الساااااااانك والسان شاعرهااااااا
سجل حضوري اخوووووووك سداااااااح |
جميع الأوقات بتوقيت GMT. الساعة الآن 08:31 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها