منتديات عتيبه - ابن هندي وابن هادي وابن حثلين

[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جرحني هرجك البارح يابـو خالـد هنـا جرحيـن = مع إني شمت مـن بـدري عـن الجـرح وتعازيـره
ولكـن الخطـا يوجـع إذا جــا مــن أهــل وأدنـيـن = خطير(ن)تذهـب الأنفـاس مــن زفــرات تأثـيـره
وانـا لـي هـامـة غــرا مابـيـن مدعـجـات العـيـن = عليـهـن كـنـي القـمـرا عـلـى اللـيـل ومساهـيـره
ولاودي مـن الدنـيـا ســوى قـرم(ن)ولـد قرمـيـن = أبــي ماينـظـر لغـيـري وانــا مـاألـد فــي غـيـره
أبي يجلس على المركى وحوله عزوة(ن) ذربين = احجاجـه يضحـك لضيفـه قـبـل تلـفـي مسايـيـره
أبـي يلبـس شمـاغ وثـوب وعقالـه يمـيـل ايمـيـن = عشان إن سـرت فـي جنبـه تشـب برفقتـي غيـره
أبـي لاقـال منطوقـه جمـيـع الـربـع قـالـوا زيــن = ولامـنـه حــزم رايــه يعينـونـه عـلــى الـخـيـره
شجاع(ن) يقطع الفرجه وفيـه مـن الكـرم والديـن = حكـيـم ويـوخـذ بـرايـه أصـيـل ويـكـرم الجـيـره
أبي سوقي مشاعر وأعذب الإحساس بيـن اثنيـن = شعور(ن)لاسكن باقصى الضمير محال تصويره
وأبيهـم لاأنشـدوا عنـي يقولـون :اجمعـت نعميـن = أبوهـا وجهـة العانـي ..ومهـرة وافــي السـيـره
وأبــد والله مـانـام الكـبـر فــي خــدرة اللحظـيـن = ولكـنـي فهيـمـه واحـسـب العـمـر ومخـاسـيـره
عطوني مثل ابن هندي وابـن هـادي وابـن حثليـن = ولومـونـي لـيـا صـديـت عــن متعـلـي الـسـيـره
وكـان الوقـت شـح بنـقـوة الفـرسـان والساطـيـن = عطـونـي مــن يقـدرنـي وانــا بعـطـيـه تـقـديـره
وختام القـول مالـي غيـر أناجـي منزل(ن)ياسيـن = وإلـــه الـكــون تفـرحـنـي عـطـايـاه وتـدابـيــره[/poem]

الشاعره / كبرياء العتيبي