منتديات عتيبه - || شطر(ن)سمعته من رشيد الـزلامي ||

[poem=font="simplified arabic,6,black,bold,normal" bkcolor="transparent" bkimage="backgrounds/14.gif" border="none,4,gray" type=2 line=0 align=center use=ex num="0,black""]
ليا سنح للشعرفرصه سعيده=ابا اغـتنمها لا تفوت اغـتنامي
واتعب على نظم البـيوت الفـريده=من خوف يلحقـني عليها مـلامي
ماودي انقص فا الكـلام ولا ازيده=زوده سماجه واختصاره تمامي
شهادة الناقد ترها مفـيده=وانا اتقـبلها بكل احـترامي
ليا قال صح لسان راع القصيده=هذا القصيد اللي عليه الكـلامي
شاعر والي فالشعرنظره بعـيده=ما اقوله الا بالادب والنظامي
من هاجس ٍ زين المعاني رصيده=ماهوب في درب الهواء والغـرامي
في خاطري شي ٍ يبيه و يـريده=وانا على ما قيل صابر وكامي
بيح بصبري ما بقيله شريده= ًشي ٍ يعـكرسلوتي وانسجامي
وأن قلت أبا انسا ذكرياته تعـيده=دايم معي في يقضـتي في منامي
زرع ٍ زرعته ما جنيت الحصيده=قا لوعلا مك قلت مدري عـلامي
ماعاد باق الا عـروقه هـميده=يا ليتني حطيت دونه محامي
لكن ميس والمسافه مكـيده=وليا نهضت الو قت كسراعظامي
أزريت في جور السنين العـنيده=يوم أن ولد اللاش جا له سنامي
والحـر خاف من الدجاجه تصيده=وضيق عليه الدرب فرخ الحمامي
اشوف واسمعلي علومن عد يده=واللي سمعت وشفت يجرح اصيامي
يذوب منه القلب لوهوحـديده=شطر ٍ سمعته من رشيد الـزلامي
اهل المضاهر والثياب الجـديده=ربع الـرخى نعدهم بالاسامي
رفيقي اللي فالضروف الشديده=يرد معي فالخوف ورد الضوامي
ضلع ٍ يذري من تذرى بحيده=ليا خالف الواجب خطات الخمامي
مجتمعت ٍ فيه الخصال الحميده=من طيب ساسه من خوال وعمامي
الله يمدد له حيات ٍ مـديده=عند الضروف يصير درعي احـزامي
يا قف على يمناي وقفت ولـيده=ليا غوى علي أبليس ضنوت حرامي
والحمد للمعبود رازق عبـيده=ماني بلا جايع ولاني بضامي
وختامها جعل العواقب حـميده=يارب ترحمني وتحسن ختامي[/poem]

جـهزمسـيميرسـرورالهرس