منتديات عتيبه - الشاعرالكبيرغلاب بن ود بن مروي الثبيتي العتيبي يرد على الشاعرالكبير محمد بن خلف الخس المطيري

[align=center]هذه القصيدة للشاعرالكبير محمد بن خلف الخس المطيري التي القاها في مسابقة شاعرالعرب المقامه في دولة الكويت وتبثها قناة رواسي المطيرية[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
بسم الذي ينشي مراويح الأمزان = الواحد الفرد الصمد مبتداها
ومن بعد ذكره باغن أقول ماهان = من هاجسن صاغ البيوت وبناها
تعبير عن نفسي على قدر الامكان = ووجه الجابه اليا منتهاها
يم الأمير اللي كما البدر لابان = اللي طواريق المحلل مشاها
سلمان ملفى العلم مانيب غلطان = شيخاً صعيبات المراجل رقاها
لو توجعه يمناه في بعض الأحيان = مخطور يقطعها ليا من شكاها
هذا وللأمثال ياامير ميدان = والناس تعرف عن قداها وخطاها
والحكم ماجاكم من فلان وفلان = ماجاكم الا في مصادم عداها
مصادم سباعن وافاعي وديبان = ومعاركاً دار ابو تركي رحاها
معاركاً ضمّر بها كل فسقان = تشهد رمال المملكة مع حصاها
ياما نطحتم عندها كل فرسان = فوق المهار اللي تسالس حذاها
في ساعةً فيها يروغن الأذهان = ياما رميتوا للضواري عشاها
ليا اختلط عج السبايا بدخان = يوماً بها العوجاء يزعزع نداها
بقيادة المرحوم ابوكم كحيلان = سبع الجزيرة يوم يصفق هواها
عبدالعزيز اللي على نجد سلطان = اللي فلا مثله ظهر في وطاها
احيا تراث اجداده اللي بالاكفان = بيمنن عسى الجنة تلقا عضاها
سطواته الأولى على راس عجلان = وحول على ترك الحساء في حساها
واسترجع الملك الذي قبل عدمان = وحدود جده حط حده وراها
من الخليج اليا جزيرة فرسان = ومن حد الأردن ليا شروورة ولاها
خض الجزيرة خض باخلاص وايمان = وقضى على الفتنة وفلشّ عصاها
وصار لهلا الفتنة كما الذيب والجان = اليا قضبه الذيب خيب رجاها
يوم انصره ربي على كل من كان = عف وعفى عن كل ناسن ولاها
وخلى جميع الناس صدقان وأخوان = وجميع خملات القبائل نساها
ومن فضل ربي عقب الحر عقبان = عقبان والله مايقربّ حماها
من الكبير اليا صغيرين الأسنان = مثل الجبال اللي يلاذ بحجاها
وانتم هلا المعروف والعدل واحسان = وانتم حجاب المسلمين وذراها
وعضودكم فرسان نجداً بالاكوان = فهود الزراج اللي تضد حدداها
ماهم بأهل خونة طليقين الأيمان = وانتم جسدهم والجسد من عضاها
والملك لله ثم لكم سر واعلان = وعين العدو ياما سحنتم دواها
وياما شبع في فضلكم كل جيعان = من ناس مختلفن لك الله لغاها
في ضفكمم شبعوا هل اسنان وعنان = وشبعت طيوراً قبل يوكل عشاها
تعطونهم عطفاً بلطفاً بسفطان = مافيه يمناً ماخذت ماكفاها
من عدلكم كلاً من الخير شبعان = جميع رعيان الوطن وومراها
والعجز والرمّل ومن كان عجزان = لازم يجيها شونها في قراها
ومن المشاريع الذي تحيي الأوطان = قمتوا بنهضه شعبكم ماهقاها
حتى الغنم والابل مشي لها اضمان = شبعت وشبع الراعي اللي رعاها
وان كان ماصاب أكثر الناس طغيان = والا الحكومة ماش دولة سواها
ياسيدي ياابو فهد طير حوران = حماك من يرسي النجوم بسماها
الناس مارضيت على عالي الشان = اللي خلقها من مهين وعطاها
سمع وبصر ولسان ينطق مع اعيان = وفي احسن التقويم سير خطاها
عصوه بعض الناس في كل الاحيان = وتجاهلوا بآيات عما وطاها
وقالوا نبي الله ساحر وفتان = ثم جاهدت نبيها اللي هداها
وشلون ترضى مثل شلة جهيمان = المفسدة في البيت نالت جزاها
جاها جزاها بين زمزم والأركان = في ساعةً جبارةً ماوراها
والمملكة ماجت بلعبات ورعان = جتكم بصولاتً بعيداً مداها
ومعاركاً يشبع بها الذيب سرحان = فيها سيوف الهند يوضي سناها
فيها سيوف الهند تاخذ الها اثمان = جماجم الأعداء عشاها وغداها
يغدي بها رقاب النمش تقل غدران = والدم يكسي وجهها مع قفاها
يالفيصلي يابعيد الأذكار سلمان = ياللي مطاليعك بصعدة علاها
ياسيدي تسمح بكلمة ونيشان = نيشان معنى كلمتي وامغزاها
ليا صفيتوا ياآل فيصل على لان = عدوانكم قامت تقصّر خطاها
وانتم سراج الحق للعدل ميزان = وانتم سيوف الله على من عصاها
والحكم مايعرف بني عم واخوان = اخوه من صافاه في ملتقاها
وأخوكم الصافي هو السيف شامان = والا حثال الناس فيها بلاها
ليا قطعتوا راس مفسد وخوان = المفسدين امست تراعد لحاها
والصبح قام الذيب يرتع مع الضان = ويقرر النعمة ويعرف حلاها
تمت وصلى الله على نسل عدنان = سيد قريش اللي هداها وجزاها[/poem]

[align=center]وهذا رد الشاعرالكبيرغلاب بن ود بن مروي الثبيتي العتيبي على قصيدة الخس[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
يابوخلف حناعواني وجيران=وسلومنا عيب انتجاوزحماها
نجهل ليا حان الجهل والغا شان=ونرفا خمال المعرفه ونحماها
يوم انها بالرمح والسيف شامان=وعبرود ضيقة الحناجر لغاها
حريبنا مايهتني وين ماكان=وصحيبناعنه الجموع انحداها
واليوم صرنا كلنا ربع واخوان=في ظل حكام يذري ذراها
اخوان نوره موفية كل ديان=ال السعود مزبنة من نصاها
البارح انته ليت مانته بسكران=كلمتك هز الكون منكر صداها
عبر القناه اللي من اطراف دسمان=بثت على الشاشات موجز نباها
بسم الكويت العاصمه واسم خيطان=ترسل رسايلهاعلى من بغاها
ناقشت لك قضية مالها شان=ولالك صلاح يامحمد وراها
قضية ماتت على مرالأزمان=وارواح اهلها عرشت في سماها
يامابعدها كان من كاينن كان=في دولة الصباح هي وحدداها
سواد وجه ٍ باقي ٍ مرالا زمان=على وجيه ٍ سود الله الحاها
عشرين عام وعشرمن دون نقصان=الا سنه وش فيك تبحث خفاها
اخطيت يامحمد خطا كبربرزان=ورميت رمية رامي ماقداها
وانته غني عن ضحكة افلان وفلان=ياشاعر خطيته مارفاها
مدري جهل ولا معه مس شيطان=ولا ان عادات القبايل نساها
ولا ان له مع غزو الأحزاب جدان=و فصيلتن تذهب ويولد حلاها
والا ان له في عالم الكون عدوان=وبالهمز واللمز ايتطاول علاها
والمشكله شاعرمقدر وله شان=وقولة نعم وقت اللزوم ايحماها
امحشمن عن كل زله وبهتان=عندالرجال اللي يعرفون طاها
ومشيمن مابين شيب وشبان=لكن ثارة بندقه في خباها
ون كان قصده من قضية جهيمان=هزيبة العتبان هي وحلفاها
ماهيب عيب العيب يالخس من هان=نفسه وخلا بلس يفشح علاها
والعيب في قول على غير برهان=وبوق القصيره من عيال اقصراها
والعيب في قولة حرامي وجابان=وخيانة الميثاق بين اعملا ها
وتجاهل المنكر اليا بان من شان= لقمة حرام تحرق اللي كلاها
اللي لها في محكم الهدي عنوان=ودلايل يومن بها من قراها
عن مال قارون وعن اطماع هامان=والعنكبوت وبيتها في ثراها
وقوم ضحايا عاصفة موج طوفان=عصت نبي الله ولا الله هداها
ويابو خلف ماعودن الا ابه دخان=ومن فتش عيوب الخلايق لقاها
وحنا نصد عن الخطا عفو واحسان=وليا عتت نقول تبت يداها
وليابتلينا والبلا موعده حان=معطي كراب ايداه ياخذ ملاها[/poem]

[align=center]الشاعرالكبيرغلاب بن ود بن مروي الثبيتي العتيبي[/align]