منتديات عتيبه - ܓܓ ســــــلام * إ جــــــــلا ل ܓܓ

[align=center][frame="13 80"][color=#000000][size=4][font=ms sans serif][img]http://up1.m5zn.com/photo/2009/1/7/05/uhkh1lsul.gif/gif[/img]
سبق وان جمعني لقاء اتصال حميم بين تلميذ واستاذ من خلال احد المواقع الادبيه
مع الشاعر المغفورله فيصل بن منصور الرياحي البقمي
كنت احد اعضاء هاذا الموقع
والمرحوم كان احد المراقبين والمؤ سسين له
طبعاَ موهبتي ومحاولاتي الشعريه تجاوزت الثلاثين عام
ولاكن اول انطلاقتي في نشر قصائدي كانت
من خلال منتديات اهلانت
وهي من اول المنتديات على شبكة الانتر نت
ممثله في مديرها العام الشاعر القدير:مسلط بن جسار الله يطول بعمره
وكان من ضمن مشرفي هاذا المقع المشرف
والي هم سبقوني واستقلو بمواقع تخصهم
الشاعر القدير: حبيب العازمي
والشاعر والفنان القدير :خالد عبد الرحمن
اما فيصل الرياحي استمر في دعم هاذا الموقع وكان نعم الرجل
في تعامله وسمؤ اخلاقه وتواضعه
استشرته الله يرحمه
في يوم من الايام في موضوع ما
في مايخص الشعر والادب من خلال طرحي لقصائدي
وقال لي الله يرحمه ويبيحه
يكفي ياابو مشاري انك وضعت
لك بصمه واضحه في عالم الشعر .وهاذي شهاده بحدذاتها،،
افتخر فيها كوسام على صدري ماحييت
من شاعر وضع له بصمه
كبيره في عالم الشعر والادب وستبقا خالده
في جبين التاريخ للابد ..
اما قصيدتي الاتيه فهي اهداء له بمناسبة افتتاحه الله يرحمه
لموقعه الخاص على الشبكه
وايضاَ في نفس المناسبه تقدم الشاعر القدير
سعيد الشهيب،، بقصيده يشكر عليها
وحبيت ان اطرح
قصيدتي على صفحات هاذا المنتدى
المشرف املي ان تجزي في ذكرى المغفور له بأذن الله
فيصل بن منصور الرياحي البقمي
وان تحوز على رضاكم
والله المستعان ..[/font][/size][/color]
[poem= font="simplified arabic,6,black,bold,normal" bkcolor="transparent" bkimage="" border="groove,1,black" type=1 line=0 align=center use=ex num="0,black"]
ياسلامي سلام اجلال مقـدي وصايـب=والتحيـه لاابـن منصورسقناجملـهـا
مانصدالنظرلاحـل وقــت النـوايـب=وكل يمنئ لزرع الطيب تجنـي فعلهـا
يابدروصل المرسـول وارق الصعايـب=لين تعـرف ديارالعـز والـي نزلهـا
يا(بدرعيضه) الي شع بيـن السحايـب=ياعصابه على راسـي وزينـك كملهـا
قم واناابـوك وجلبهالفيصـل جلايـب=اجلب المقديـه ياابـوك واتـرك زللها
دام جدك وابوك وعزوتـك والقرايـب=قالـواهـل المـذاهـب لاتدوربدلـهـا
اشهدانك وصلت ولانت يابـدر خايـب=والرياحـي يميزميلهـامـن عدلـهـا
نحسب احساب ابن منصورحاضروغايب=والزياره وجوب اتشرف اللـي بذلهـا
قل سلام وتحيه جتك من راس شايـب=يوزن احروفهاويصـوغ باقـي جملهـا
ياالعسل ياالمصفى ماتشوبـك شوايـب=تشفي النفس لوجـرح الليالـي دملهـا
واللبن يقتلب بسقـاه والزبـدرا يـب=من صفاطه دوى للكبـد لامـن نزلهـا
عزناعزنامـن عـزكـم ياالحبـايـب=والـف مبـروك ياشيخ(ن ) بزنـده كفلهـا
لانبيهـانـفـاق ولانبيـهـاطـلايـب=ولانبـي ربعناالغالـيـن يكثرزعلـهـا
المعـزه مهـي جمـرك ودفترظرايـب=كان ماهي عزيزت نفـس بيـن خللها
جارناالله من كـل الفتـن والمصايـب=يوم بعض العرب ربي مشتـت شملهـا
يحسبون اللمعرفه مـال تايـه وسايـب=المنافـق جحدهـا والمـدبـل دبلـهـا
واختلط سيلهامابيـن خايـب وعايـب=لين خضرالنوامي غصب حتت عبلهـا
خاطري يالرياحي من هذاالوقت طايـب=وانت شرواك يا مشكـاي يبعـد مللها
نكسب الطيب وش بعداللحدوالنصايـب=وكـل نفس(ن) تمـوت ولاتحقـق املـهـا
والتوافيـق مــن رب(ن) خلقناوهـايـب=والله الي يجازي كـل نفـس ابعملهـا[/poem][size=4][font=ms sans serif][color=#000000]عيضه بن مستورالعيسي الثبيتي[/color][/font][/size][/frame][/align]