منتديات عتيبه - سلام ياعتيبه للاكلبي

سلام ياعتيبه

--------------------------------------------------------------------------------

الاساتذه الكرام هذه القصيده قالها الشاعر* عبدالله بن محمد الاكلبي في مزاين قبيلة عتيبه

[poem=font="Simplified Arabic,4,black,bold,normal" bkcolor="transparent" bkimage="../backgrounds/19.gif" border="outset,6,seagreen" type=1 line=0 align=center use=sp num="0,black"]
بسم الذي نـزل تبـارك والانفـال =ابـدا بذكـره قبـل بـدع المثايـل
الاهنا المعبود فـي كـل الاحـوال =ولاخاب من يرجيه وقـت الهوايـل
ومن بعدها حضرت جزلات الامثـال =وعلى خيال ابداع شعـري الاوايـل
بنات فكر اشعـاري الاوان وشكـال =وصخر بنات افكار مهـر الاصايـل
نخيتها في مـدح ذربيـن الافعـال =مادام راسى شاش والـراس طايـل
من ديرة اكلب زعت زوعات رجـال =ومكلفـن بمهمتـن مـع رسـايـل
رسايل من لابـت اكلـب ومرسـال =ونا حفيـد اكليـب والجـد وايـل
سلام ياعتيبه علـى روس الاطـلال =باسم اكلب اسلـم وابـارك وقايـل
نعم بكـم ياقـوم شيبـان وعيـال =ونعمين يالهيـلا شيـوخ وقبايـل
في حفلة الهيلا عمـى كـل عيـال =ابنا الشيوخ مطوعـة كـل عايـل
وفيصل والد جهجاه منصىومدهـال =شيخ الشيـوخ وللنواميـس نايـل
وبندر عوين اللي عليه الدهر مـال=بندرولـد نايـف قـوى الصمايـل
سلايل ابن احميدوالصـدق ينقـال =شبره على شبر الفواريـس طايـل
وعبدالله ابن اعمر شيخـن وفتـال =ابـن ربيعـان وافـي بالخصايـل
سلايل اللي يلطـم الجـال بالجـال =فوق المهار وبالسيـوف السلايـل
تاريخكم يشهد لكم عبـر الاجيـال =واضح وضوحه مثل شمس القوايل
ومنزالكم فـي نجـد واوي منـزال =وميرادكم عـذب العـدود الزلايـل
والبل زهت بمزاينن يشـرح البـال=ولاهي غريبه من اعراب السلايـل
انتم هل البـل مـن قديمـن ولازال =عـز وذرا لمعبـسـات الشمـايـل
تامن بهيبـة كـل فـارس وخيـال =ومن دون قصرن في عيال الحمايل
قدام حكم الفيصلي شبـل الاشبـال =كل القبايـل بيـن صايـل وجايـل
واليوم في نعمه وفي راحـة البـال =زاح الظلام وزاح حـرب الفصايـل
عقب الشقاوه والجهل واشهب الال =هلل على المصمك صدوق المخايـل
رسالتـه ذكـر وعـزاوي وهـلال =بو تركـي معـزي دليـل الدلايـل
من نيتـه حقـق لـه الله الامـال =والنور بان وعتمت الجهـل زايـل
مواقفه عضما ومضـرب للامثـال =وحـد شتـات المملكـه والقبايـل
ومن طيب راسه با لنسب دور الخال =وانجب املوكن من شبهـم قلايـل
واليوم ابو متعب عسى ايامه اطوال =وجه السعد حوران وعقـال مايـل
وابناا لوطن تفداه بالحـال والمـال =ونجرح قلوب اهل القلوب الغلايـل
ولي عهده غيـث والكـف شـلال= ولاجاه راع الحمـل للحمـل شايـل
وفي ظلهم ننعم بخير ات وافضـال =من فضل ربي واليديـن الفضايـل
وفي حفلة الهيلا حضرنا بمرسـال =ومكلفـن بمهمتـن مـن قبـايـل
سلام ياعتيبه علـى روس الاطـلال =بسم عيـال اكليـب والجـد وايـل
وصلاة ربـي عـد ماهـل همـال =على الرسول الهاشمي خيـر قايـل
[/poem]