يانجمة الصبح
[poem=font="Simplified Arabic,4,darkblue,bold,normal" bkcolor="transparent" bkimage="" border="none,2,gray" type=0 line=0 align=center use=ex num="0,black"]
يانجمة الصبح كبدي منك مرهوقه=لا شع نورك علينا لا تغيبيني ستاير القلب من فرقاك مفتوقه =اصبر من العام لين انك ذبحتيني لبيك ياللي تتل القلب وعروقه =كله على شان يوم انك تلبيني ياقلبي اللي من الغالي دنا عوق= يا ناس اشيروا عليها لا تقاضيني وان كان قلبي تليش عنه صندوقه =شدوه لين اتجود فيه بيديني قالوا معاليق قلبك منه مسروقه =قلنا خذتها الضحى والناس واعيني عديت عن مبسم المجمول لا ذوقه =انا بلاوي الحيا وادري على ديني الود لو نتركه عنا وطاروقه =اظني ارتاح وانتي تستريحيني يالله يا خالق الدنيا لمخلوقه =تقدر على الموت تذبحني وتحييني تلم شملي لابد الروح مرفوقه =بأربع هناديس في قبري تخاويني[/poem] للشاعر/ نمر بن صنت |
أخوي محمد
سلمت يمناك على النقل الرائع والجزل وصح لسان شاعرها نمر بن صنت |
[color=#0000FF]تسلم يمينك أخوي محمد على نقلك المميز دائما[/color]
|
اخوى محمد الله يعطيك الف عافية تعليق اذا سمحلى سعة صدرك بان القصيدة لم تاتى كاملة
يقول الشاعر الكبير نمر بن صنت العتيبى الاوله ليت ابوى خلى من الروقه = والثانية ليت ابوى من القحاطينى يلحنى لح ركبن عجلو سوقة = او جل ذودن مسرينة شيابينى يعطيك الف عافية ويرحم نمر بن صنت رحمة واسعة وبمانك مشرف الشعر الشعبيى اخوى محمد نطلب منك ان تبحث عن القصيدة كاملة وهذا اخوى محمد كرما منك وليس امرا |
صح لسانك اخوي محمد
وصح لسان الشاعر نمر بن صنت وبيض الله وجهك يا الغالي على هذا الاختيار تحياتي لك ،،،، |
صح لسانك يامحمد ولسان نمربن صنت
شكراًلك |
مخاوي النشامى لاهنت يالغالي على مرورك
|
عبد الرحمن يعطيك العافيه ولاهنت على مرورك
|
الاخ فهدالسميري الله يعافيك وارحب بتعليقك ومما يسعدني الايضاح والاضافه.
ولكن هذا مالدي عن القصيده والكمال لله.وان كانت لديك نرجوا التكرم باضافتها ولك فائق الشكر والتقدير |
النايف صح بدنك ووجهك ابيض واسعدني مرورك
|
جميع الأوقات بتوقيت GMT. الساعة الآن 06:22 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها