من أجمل ماقيل فالبر والصيد
 

السلام عليكم ورحمته وبركاته

بما ان هذا القسم يعني بالرحلات البريه والصيد

احببت ان انقل لكم هذه القصيده عن رحلات البر


يهل الولع قلبي تزايد فتونه
مقصده يسج بديرتن مابه أسوار

من فوق شاص يعجب اللي يسوقه
مجهزينه للمقاطع والأخطار

مضف على كل الصحاري حقوقه
نوه جديد كل طبلونه اصفار

أليا شلع تقول يرخي سبوقه
فرخ قطامي ورد بعد محدار

الطير والدربيل تزهي شنوقه
والعزبه اللي زودها بن وبهار

أمل التوناك لا تهمك عروقه
واضرب نهايته الخلا منت محتار

يحلا نسيم الصبح ساعه شروقه
بالفيضه اللي كلها نبت نوار

يزين بدع القاف بحلاء طروقه
يقفر خلا ما طبها كل دوار

أرم الحطب والناس كل وشوقه
وجد الدلال الصفر فمصالي النار

ثم احكر الفنجال ويزين ذوقه
بريه يطرب لها كل زوار

الصيد واجد والنشاما تحوفه
غزايز دايم سمينات وخيار

ارم النظر ما فيه شيء يعوقه
برض خلا ترتع بها دق الأبكار

العمر فاني والليالي تسوقه
والرازق الله والمخاليق قصار

بني مشيب


يعطيك الف عافيه على هالقصيده الرائعه


تحياتي لك

لاهنت يابن مشيب عسى عمرك طويل

قصيدة جزلة وصح لسان قائلها وسلم ناقلها

لاهنت

صح لسان الشاعر

الله يعطيك العافيه

لاهنت

مشكور ابن مشيب



تقبل تحياتي

مشكور اخوي بني مشيب

ماقصرت ولاهنك على هلقصيده الطيبه

ربى يعافيك

[color="red"][size="5"]من فوق شاص يعجب اللي يسوقه
مجهزينه للمقاطع والأخطار



ياسلام ع الشاص :)


تسلم ياخوي


لاهنت [/size][/color]

[center][font=comic sans ms][size=6][color=black]صح لسانك ولاهنت [/color][/size][/font][/center]