[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البيت من دونك ظلام ومتاهه=ماتنفع اللمبه ولاينفع الكبس
عن غامض المعنى وزود اشتباهه=خذ واقعٍ مافيه شبهه ولا لبس
شفت القمر في منظره واتجاهه؟=يعني غلا عبله قتل عنترة عبس
[/poem]

[center](( نــادوا ســيبـويـه ))[/center]


[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام يارجمٍ ليامني بغيت ارتاح اجيه=أسلا عن هموم الزمن وادله واوسّع خاطري
أخير من ضعف الضعيف ومن سفاهات السفيه=اللي بعضهم فيه خصله من خصال الكامري
ليت المنافق يلتزم بالصمت واللي فيه فيه=مار المنافق يكشفه طول اللسان الثرثري
أخفى الحقيقه واظهر الاخرى على باله نبيه=مايدري ان (الغدر) لو يكـتَب (وفا) ما ينقري
اللي مثل هذا صحيح الناس ماتشره عليه=لكنّ مقطوع الرجا منه السلامه تنشري
إيّاك .. ثم ايّاك .. ثم ايّاك .. يالحرّ النزيه=إيّاك تاثق في رفيقٍ طول عمره سرسري
لو حدّك الحظّ الردي على الردي لا ترتجيه=كان الخيار الذلّ والاّ الموت؟ . مت وش تحتري؟
الموت ماهو موت مع موت المشاعر يافقيه=إفقه كلامي يافقيه ولا يهمّك مظهري
دوّر على اللي بالمواقف يحتميك وتحتميه=قدّام يبراك الزمان اللي برا حالي بري
وان كان قولي غامض ومجهول نادوا سيبويه=خلّوه يشرح لابن بطّوطه كلام البحتري
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياراكب اللي كنّها سرعة البرق=واقوى من الصاروخ قوّة جهدها
لاشلّعت من غرب في نيّة الشرق=مثل المزون اللي يزلزل رعدها
طيارةٍ وقودها تحرقه حرق=واقوى رادار تمرّ به مارصدها
طيّارها بينه وبين العرب فرق=ماداخ راسه واشتكى من نكدها
أمّا شلعها شلع والا زرق زرق=يالين يصل الديره اللي عمدها
لين المدينه يطرق ابوابها طرق=برسالةٍ مضمونها في سندها
منّا شهادة حق لا زور لا سرق=يوم الشهاده ذمّه لمن شهدها
بالمدح نغرق ديرة المصطفى غرق=اللي بها كلّ السعاده نجدها
فيها ارتبطنا ربطة العرق بالعرق=نعشق حرمها مع قباها واحدها
عشقٍ على وضح النقا مايجي درق=دلايله حجّه على من جحدها
وياكابتن اللي روس جنحانها برق=وَدّ القصيده من ظميرٍ قصدها
وانحربها بعدين ورقان ثم ارق=واقرا عليهم محتواها وعدها
[/poem]

[poem=font="simplified arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالله ياللي عندكم فزعه وعلم ومعرفه=عندي قضيّه ودّي اعرف حلّها يالغانمين
لاصار عندي شيك حبّ انا احفظه والاّ اصرفه؟=بالذّات في وقتٍ به الاسرار للعاذل تبين
وقتٍ به الدنيا على حَدّ النهايه مشرفه=والصدق نادر والغلا والصدق شرط العاشقين
كم عاشقٍ عانا مع العشّاق والدمع اذرفه=يبغى يخفّف من معاناته وزاد الميّ طين
قام يتمشّى في طرف واد الشقا لين اجرفه=واصبح يردد : مالك الاّ الصبر يالقلب الحزين
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالمجتمع ناسٍ يحبّون الازعاج=يزعجهم الجوّ اللطيف بهدوءه
واللي لياشاف العرب رقّدوا داج=تقدر تقول انّه قليل المروءه
أسلم وسلّملي على الشيخ حَجّاج=اللي قبل يرقد يجدّد وضوءه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
غرّد على تويتر ولاتحسب حساب=ألاّ لربٍّ عنده حساب خلقه
إصدق ولاتسمع سواليف كذّاب=واركد ولاتختفّ مع كلّ طلقه
وان شفت تغريدات زنديق مرتاب=قابل عدوّ الله بالحقّ والقه
إستخدم الحجّه وتسكير الابواب=(الحقّ له في جبهة الشكّ فلقه)
حِدّ المنافق واشغله دام ماتاب=وليانشب في حلقك انشب بحلقه
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بعض البشر سمّيته استديو اخبار=عنده خبر عاجل وموجز وتفصيل
مصادره تاتيه من كلّ الاقطار=ومراسلينه شلّة القال والقيل
[/poem]

[size=5][b]رسالة إلى اللي مرسل لي رسالة تهنئة بالعيد :

الله يبارك فيك
وعساكم من عوّاده
وكل عام وانتم بخير


[color=royalblue]حاولت ارد عليك
لكن مثل مانت عارف نظام المنتدى لايسمح بالرسائل إلاّ بعد 300 مشاركة[/color]
[/b][/size]

ياللي بقلبي لك مقام ولك مكانه عاليه....سلام تسليم المحبّه والمودّه والرضا
الحبّ في هذا الزمان وبالعصور الباليه....يفعل كذا واكثر وهذا صاير بعصرٍ مضا
كان السنين الاوله مثل السنين التاليه....لو انها تقضي بحور الارض صبري ماقضا
أصبر على فرقاك والايام مرّه حاليه....واضحك ولو حسّيت في صدري مثل جمر الغضا

سوف استمر إن شاء الله بالمشاركات إلى أن أبلغ 300 مشاركة كي أراسل أحد الأصدقاء هنا :biggrin:


يازين الخيزرانة والبرحة و بعض الناس :SnipeR (37):


لا أحد يروح بعيد



هو عارف نفسه :SnipeR (10):