دولة الحزم
 

للشاعر محمد الخريجي
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] بانت صفات العدل في حكم سلمان= وأرسى قواعدها وثبت عمدهـا

سطر لها في صفحة المجد عنوان =دولة حزم ما يوم تخلف وعدها

دار الوفا وأصل العروبة والإيمان= حصن العقيدة يا كثر من حسدها

لبست ثياب العز في عهده ألوان =طرز بها فوق النجوم وصعدها

ساد العدل في كل ساحة وميدان =بالعزم جددها وحلحل عقدهـا

عم الرخا والخير في كل الأركان =نعمة أمن يشعر بها من فقدهـا

جمع بلاد العرب وأصبح لها شان= وألجم ذيول الفرس واللي عبدها

وأطلق شعار الحـزم في كل الأوطان= وأثبت صرامة كلمته واعتمدها

ثارت عواصيف الحـزم تقل بركان= يقودها "محمد" ويبذل جهدهـا

هلت قنابلها على روس شيطان= سلط على الحوثي بليل وهجدها

والخاين المخلوع قد صابه جنان =وأصبح يساوم والجمايل جحدها

ناكر جميل وناقض العهد خوان= طاغي وقواته علينا حشدهـا

وكلب المجوس ينابح بوسط لبنان= ضاعت علومه قبل يسمع رعدها

وينادي أسياده طواغيت طهران =خلوه تابع مثل عنز وولدهـا

توالت الغارات تقصف بنيران =وأحمد عسيري في بيانه رصدها

وصقورنا اللي بالسما دوم شجعان =تضرب على الحوثي وتحمي بلدها

وجنودنا الأبطال في كل الأزمان =كل على حوض المنية وردهـا

إما نصر ولا شهادة وغفـران= تذود عن دين ووطن من عهدها

و"أبو فهد" إي والله إلا كحيلان =تاج العرب يا فخرها يا سندها

يقطع يد الباغي ويحكم بميزان =ويخمد الفتنة وهي في مهدهـا

حربه على الإرهاب هي خير برهان= سيف على روس الطغاة يحصدها

والمملكة في عهد وافين الأثمان =متكاتفة متماسكة في جسدهـا

هذي سفينتنا وسلمان ربـان =ترسي على شط الأمان بجهدها

عاشت بلاد العز في قلب سلمان =يشهد لها التاريخ واللي قصدهـا
[/poem]

منقوله من صحيفة سبق

بن ثعلي


تسلم يمينك على النقل والاختيار وصح لسان الشاعر محمد الخريجي

لاهنت يا ابن حشيان ومشكور على المرور

لاهنـت على النقـل وصح لسان شاعـرها