منتديات عتيبه - @ ابيات لاتنسى للشاعر محمد بن شريف الجبرتي @

مساكم الله بالخير يا اخواني الاعضاء اولا انا اتشرف بأن اكون احد اعضاء منتدى قبيلتي اللي هي عتيبه واتمنى ان هالموضوع يحوز على رضائكم .

كان الشاعر الكبير محمد بن شريف الجبرتي اذا حضر الى المحاورة يحاول ان يختبر الشعراء وان يضعهم في متاهات في بدايت المحاورة

فكان الشاعر في احدى المرات معزوم في حفله وكان حاضر في هذه الحفله نخبه من اكبر الشعراء فحين اتى دور الشاعر محمد الجبرتي قام وقال :

ياسلام الله على اللي ماتحلق اللحاها...ردتن تقصر عن اللي لحيته محلوقه

حكها بالموس والصابون لين احفاها...لين صارت مثل ركبة عمتي مرزوقه

وفي احدى المرات كان حاضر في محاورة وكان موجود في هذه المحاورة تسعة شعراء

فقال شاعرنا :

انا الليله كما عدٍ تهاوت فيه تسع ادلي...بيروي كل عطشانُ وينضح من جوانبها

ثلاثه واربعه واثنين مكفوتين في حثلي...ياهذ علم الثاني رياجيل بشواربها

واحدى المرات كان متواجد في حفله يحضرها خمسة شعراء فقال شاعرنا :

الليله العمه لها خمسة ديوس...وعيالها خمسه عداد ديوسها

احدن بيرضعها كما رضع البسوس...واحدن مغير ايحوسها ويدوسها

وفي احدى المرات لعب مع الشاعر الكبير جارالله السواط وقال الشاعر محمد الجبرني :

الليله انته يالسواط احمر كما الذيب الحمر...اللي يشوفك من ورا حصني وخشمك خشم ذيب

الناس تعمل خير وانته لانت خير ولانت شر...ان جيت مقطوع الرجا وان رحت مقطوع النصيب

ولاننسى ان هذا الشاعر له بيت يردد الى وقتنا الحالي وهو :

سلام من الجبرتي لاتقولون الجبرتي غاب...حضر واللي عقد روس الحبال يحلها حلي

رحم الله شاعرنا محمد بن شريف الجبرتي واسكنه فسيح جناته .