محاورةمطيري وشويهينه
 

[size="5"]
هذه احدى محاوراتي اللتي احببت ان انقلها لكم
وهي مع الشاعر الغني عن التعريف الشاعر صالح شداد الميزاني المطيري
صالح بن شداد


سلام الله سلام(ن) يجمع الحرمة مع الرجال

على وضح النقاء فالملعبة كلاً على دينة

هلا يامرحبابك ياشويهنة وكيف الحال

عساها حزتن مبروكتن جابت شوهينة



شويهينه الهيلا

الا يامرحبا ترحيبتن ماتنشرى بالمال
وترى ربي خلق كل العرب يارجل من طينه

يدوم الك البقا لو ان ليلك يالمطيري طال

عسى ربي يبارك في حياة الرجل ويعينه



صالح بن شداد



يدوم الك البقاء وهلين يللي تلبسين الشال

على عز ومعزة يا لعلك ماتوطينة

تراء الليلة باسوق الك الجمل مع ساقت الجمال

على الدرب الوّعر حتى يسيئل الدمع من عينة



شويهينه الهيلا


لو أنك يالمطيري ماتخلي فالهروج طوال
ترى بعض السوالف تنقص الرجل وتدينه

أنا أقول الجمل يرجع على أمه وأعقله بعقال

وحاول لا عصاك ترد راسه يم رجلينه




صالح بن شداد


انا اقول الجمل يمشي بدربة والحمول اثقال

وليا منة مشى فدرب والله ماتردينة

وتراء المعنى بعيدة لاتردين النظر للجال

تراء ماني على ذاك الكلام اللي تضنينة



شويهينه الهيلا


الا ياحضرة الراعي الا ياحضرة الجمّال

علامك تركبه والقيد ما طلّع من يدينه
ترى بعض الكلام اللي تقول يزعّل العقّال

وكلام العقل للعقال يارجال يازينه[/size]

[size="4"][color="darkslategray"][size="5"]الله الله ياشويهينه صح لسانك والمطاري على شانك ماعندي له صح
مار والله يامحاورتك هاذي مع المطاري على مستوى عالي
ذكّرتيني بمحاورة مطلق وصياف الله يرحمهم جميع وأموات المسلمين

تراني رافعٍ الراية البيضا لك من هالحين ياشويهينه
يعطيك العافية

لكن ،، انتِ صادزه تواقفين الرياجيل في وصط الميادين
واعقوبتهم منك عقوبتاه ما والله ظني يبا يبقى شاعرٍ على الساحه يغني
هههههههههه[/size][/color][/size]

[size="5"][color="purple"]صح بدنك وياهلا فيك
واسعدني تعليقك الجميل
والله لا يهينك[/color][/size]

هههههههههههههه


شاعرة ياشويهينة


المحاورة هذي تبين نضوج شاعريتك


صح لسانك


تحياتي


,

اللة يكثر من امثالك ياشوهينة
مبدعة وانا من يمسك لك الصفوف واصيرقائدهم ههههههه
شوهينة الهيلا .
احترامي واعجابي بشاعريتك الفذاء .




اخـــــــــــر رجــــــــــــل

قواج الله ياشويهنة عتيبه

اب اب اب


والله انك كفو يا شويهينه وهاذي هي المحاوره فعلاً :)


شاعره وكفو


سجلي إعجابي من الأن وصآعداً :)


ودي



/



،

صح لسانك ياشويهينه وانتي شاعره مبدعه
ولاكن اتركي المحاورة مع الرجال ( وهذا في صالحك ) لان ما احد قام بها قبلك من الشاعرات

اما المساجلات اذا كانت واضحة المعنى مافيه مشكلة


واعذريني على صراحتي الزائدة

[quote=عادل العصيمي;986344]هههههههههههههه


شاعرة ياشويهينة


المحاورة هذي تبين نضوج شاعريتك


صح لسانك


تحياتي


,[/quote]
[size="5"][size="5"]مشكور اخوي عادل
وصح بدنك وياهلا فيك[/size][/size]

لو أنك يالمطيري ماتخلي فالهروج طوال
ترى بعض السوالف تنقص الرجل وتدينه

أنا أقول الجمل يرجع على أمه وأعقله بعقال

وحاول لا عصاك ترد راسه يم رجلينه

الله الله ياشويهينه

ابدعتي كل الشكر لكي