التغــــــالب للشاعر جفين بن فالح الأكلبي
التغــــــالب للشاعر جفين بن فالح الأكلبي
-------------------------------------------------------------------------------- التغالب قال ابو فالح ترزمـت ياريـب المنـون * فوق راس الجاهل اللـى تربـى بجهلـه مادرى انا جاهليـون فـوق الجاهلـون * من عصور كليب لول الـى اخـر هلـه مايشك بعزة كليـب كايـن مـن يكـون * يشهدون ملـوك فـارس وتبـع والالـه قائد جيـوش التغالـب وكـل القائـدون * وكل ريعٍ ينزل احماه ما احـد(ن) ينزلـه والتغالـب للزعامـه وكحـلٍ للعـيـون * والزعامه عندنـا يابنـي تغلـب صلـه وان سمعنا طبله المعركه جـن الجنـون * ردح فرسان التغالب يجـي منـه اجفلـه وان توثبنا على الخيل وحبـال الرسـون * نقلب الميدان في الحرب عاليـه اسفلـه بالرجال اللى حموا لرض وظلال المزون * وكل شعب روضوا سكان ضلعه واسهله يابني تغلب مضى الوقت وانتم سائـدون * حكمكم حتى طوارف الارض ساده ووصله يابني تغلب طعنتـوا وعمقتـوا الطعـون * واستقر التاج فـي راس وائـل واحملـه واثبت التاريخ مجد السابقون اللاحقـون * ولو بني من غير ابو ليلى المهلهل هلهله وارث حكم الزعامه وبالحـق المصـون * يشهد التاريخ سيفـه ورمحـه وجملـه قاد حرب شاب منها صغـار يرضعـون * ويوم شاب وغره الوقت جاه اللـي قتلـه وراح منا جيل واجيال واجيـال بيجـون * سنة الله فـي الخلايـق شـرع يكملـه بمره اللي يامره بين كاف وبيـن نـون * والرساله وصلوهـا الانبيـاء المرسلـه واكلب الهيلا تـورث صـروح الاولـون * بالكرم والجـاه والعـزه وقـو المنزلـه تحت رايات العطيانـي وغيـره مايهـون * من شيوخ اكلب ومالعقال واهل المرجله نازلين بديرة العشب مع هدبـا الغصـون * في طوارف وادي يروي جثيثـه ونخلـه بيشة اللي قـال فيهـا قبلـي القائلـون * ارضها دكـداك والمـاء ينـزف منهلـه واما شعار القبيلـه علـى ماتشهـدون * الجرير وسالـم الزيـر محد(ن)يجهلـه وملحمة عمرابن كلثوم في ام الصحـون * الف بيـت قـال فيهـا وقولـه يفعلـه وشيخنا في ماضي الوقت حماي الضعون * ظافر اجزل في قصيده وصبـه وشهلـه واذكر ابن دلامه اللي له الخاطر منـون * في زمانه ينقـض الشعـر ثم(ن)يفتلـه والمدافع محسن اللي ربوعـه يرتجـون * رحمة من رب الارباب روحـه تشملـه راوي في يـوم مافيـه نـاس يكتبـون * وبين الاحداث يـوم العصـور المهملـه وابن شافي والله انه على الهامه يمـون * باخص بكـل المعانـي وحـل المسألـه ومسفر المزيدي لاقرب عنـد المكرفـون * خصمه اللي مهتقي به يجي فيـه زملـه وابن عثمانٍ بلا شـك فـاق المبدعـون * في المواقف ضد والشعر يعطيك اجزلـه وادرك الشعار ضواي ضمن المدركـون * شاعـر الميقـاف لـه عندنـا ودّ ولـهّ والجبيراني يعسـف القوافـي واللحـون * ماهر في كل لشعـار صعبـه وسهلـه والشبيلـي لاتهيـض يشـد السامعـون * عارف مخراج شعره وعـارف مدخلـه واما شاعرنـا بذالوقـت لازم تعرفـون * ان شعره ساد حتـى العصـور المقبلـه سعد ابن جدلان شعره وصل حد الجنـون * نوخ ركـاب القصايـد بفكـره وعقلـه بيت شعـر واحـد منـه للـي يفقهـون * مثل مفتـاح الهـوى للقلـوب المقفلـه يسثيـر العاطفـه والمـوده والشجـون * هو مليك الوصف هو منبعه هو منهلـه واتعذر من بعض شعارنا اللـي قادمـون * واجب ماحاك في نفسي اقولـه وانقلـه شعرنا قاسي ولايرضى الحداثه والفنـون * شامـخ فيـه التميـز بجـده وهـزلـه تمت وصلى الله علـى امـام المؤمنـون * والله الغفـران يـوم القيامـه نسـألـه |
كفو ونعم ونعم يااكلب وصح لسان الشاعر جفين
وسلمت اناملك ياعبدالله |
ما عليكم زود وتسلم يابو غانم على مرورك
|
جميع الأوقات بتوقيت GMT. الساعة الآن 11:42 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها