منتديات عتيبه - أمسية الشاعر::فهد القثامي بالشرقيه

[COLOR="Black"][CENTER][SIZE="5"][FONT=Monotype Koufi]
[img]http://www.arb-msn.com/up/uploads/fcfb2bd883.gif[/img]

[img]http://www.almeshkat.net/vb/images/slam.gif[/img]

في ليلة من ليالي الصيف في مهرجان صيف الشرقية 1428 هـ ( [color=#0000FF]الوجهة شرقية[/color] ) وبالتحديد في [color=#FF0000]الامسية السادسة[/color] في المهرجان التي أقيمت يوم الثلاثاء [color=#FF0000]17[/color] / [color=#FF0000]7[/color] / [color=#FF0000]1428[/color] هـ
اكتمل عقد الشعر بثلاثة شعراء من شعراء المليون وهم :
[color=#FFA500]فهد جازي القثامي[/color] - [color=#FFA500]عبد الكريم الجباري الشمري[/color] - [color=#FFA500]محمد بن ساقان القحطاني[/color]
نثروا الابداع في قاعة الشيخ سعد المعجل بالغرفة التجارية والصناعية بالمنطقة الشرقية في امسية اطلق عليها امسية " [color=#FF0000]الوفاء[/color]" تكريماً للشاعر الراحل
سمو الأمير [color=#0000FF]سعود بن بندر [/color]
وقدمهم عريف الامسية [color=#FFA500]حماد الحربي[/color] بحضور سمو الأمير الفارس [color=#0000FF]عبدالله بن فهد بن عبدالله[/color] وخالد النصار رئيس اللجنة السياحية بالمنطقة وناجي الشيحة وحسن العبدالوهاب وعدد من الشعراء .

[color=#FF0000]كانت الأمسيه برعاية[/color]
صحيفة زوايا - قناة المختلف الفضائيه - اسطبلات المحمديه - شركة الجميح

كان جو الأمسية رائع لانه لم يقتصر على إلقاء القصائد فقط بل كانت هنا مداعبات خفيفة بين الشعراء فأطفأت جو الكسل والخمول وكان من بين الشعراء شاعرنا المميز فهد القثامي ولقد ابدع ايما ابداع في هذه الأمسية

بدأت الامسية من الشاعر [color=#FFA500]فهد القثامي[/color] الذي قدم اجمل قصائده ومنها :
( مدح في الأمير / فيصل بن أحمد بن عبد العزيز - الهاتف والصديق - ماني برقاوي - ترحيب قحطان - الفنان - الاسهم - الحدود الفاصلة - العود الازرق )

ثم بعد ذلك القى الشاعر [color=#FFA500]عبدالكريم الجباري[/color] من دولة الكويت عدداً من قصائده منها ( قصيده مهداه للشعب السعودي - قصيدة في الحكمة - قصيدة الدانة - فيتامين سي - عيد مبارك - الجيب)

ثم توالت القصايد المنثورة بعبق الورد من الشاعر [color=#FFA500]محمد بن ساقان[/color] ومنها قصيده ( البخيل - الحزن -المواعيد - الخيالات - صياغة الدروب - الدلعنة - قصيدة في الأمير عبدالله بن فهد بن عبدالله )

وفي الختام قدم سمو الأمير الفارس [color=#0000FF]عبدالله بن فهد بن عبدالله[/color] والاستاذ حسين العبدالوهاب رئيس لجنة الامسيات دروعاً للشعراء الذين نثروا ابداعاً قوبل بالتصفيق وتفاعل الجمهور

[img]http://www.alqthmh.com/vb/uploaded/3_alqthmah70-55.gif[/img]

قصائد الشاعر [color=#FFA500]فهد جازي القثامي[/color] في الأمسية :

مدح في الأمير / [color=#0000FF]فيصل بن أحمد بن عبد العزيز[/color] ( [color=#FF0000]لأول مره[/color] )
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في لمة الناس وأنا أعيش وحداني=والصادره من بنات الفكر اضويها
خرجت من جوهم في جوي الثاني=وذي عادةً ماتخليني واخليها
مضت سنين العمر احلام واماني=وعلى أني اقدر احقق بعض أمانيها
حضي على سكة العثرات يحداني= لو ماتجيني على دربي يناديها
تهذيب نفسي عن اكثر شئ ينهاني =وأنا على الذل والهيبه ماضريها
والي تعلمته أن ترتيبي الثاني =والأوله حقتي ولأني براعيها
الصوت من غفوة التفكير صحاني=والحال في حالها جاء من يواسيها
من بعد فيصل حفيد العود ناداني=معاد حاضر أموري مثل ماضيها
الله جعل نجدتي من قلبه الحاني=والله جعل فزعته تحمد تواليها
ماهو مجرد أمير أمير ونساني =يالعنبو أمارةٍ ما ميزته فيها
ما قول في حضي المقبور عزاني =اقول رجع مياهي في مجاريها
يا فيصل آمر يا ولد أحمد وتلقاني=اطوع النفس بأمرك حيث تبغيها
وأملا عليه كلامٍ ما تعداني =وانا كتبته على نفسي لقاريها
قال أنت شاعر ولك عندي قدر ثاني =وأبيات شعرك تشرفنا قوافيها
ياكثر ماقال في حقي ومطر آني =ومدحه لشعري شهاده وافتخر فيها
ومن بعد ما اثنا علي وصحح ألساني =حملني أرسالةٍ هاذي معانيها
سلم على إخوانك الشعار وخواني =ومن مثل المملكة خارج أراضيها
هم مفخره للبلد فالشعر من داني=وهم خير من مثل الدوله وأهاليها
وهذا الوطن عادته من بين الأوطاني =يصنع رجالاً تشرفنا مباديها
ذي كلمتي حطها في كف ميزاني =والكف الأخر لبايعها وشاريها
هذا رقم هاتفي واسمي وعنواني =واللّي تجي حاجته يآمر وأنا أقضيها
الله يجازيك يافيصل بالأحساني =لفتتك في حقها محدًٍٍ يوفيها
لكنك أنته ولد أحمد كحيلاني =ولاهي غريبه على مثلك يسويها[/poem]

[FONT='Akhbar MT'] [color=#FF0000]للإستماع للقصيدة[/color] [/font]
[rams]http://www.alqthmh.com/sound/filamt.ra[/rams]
[FONT='Akhbar MT'][url=http://www.alqthmh.com/sound/filamt.ra]للحفظ[/url][/font]

الهاتف والصديق ( [color=#FF0000]لأول مره[/color] )
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهاتف اللّي ما يقدرك راعيه= اشطب على اسمه في الدليل من أساسه
بالذات لا كلمت عجلان تبغيه=وجمد بدون أسباب من قو باسه
أحذف برقمه لابو رقمه ولا أبيه = ان كان هذا المرجله في قياسه
اللّي يبيعك لاتعود وتشريه=حرج على بيعه بسوق النخاسه
وان شفت ولد اللاش كبرت علابيه=ولبس ثياباً ما تجي في مقاسه
خل القدم يمشي ولاتلتفت فيه = وان اعترض لك حط فوقه مداسه
الصاحب اللي ما ينومسك طاريه =خله عسى باقي حياته تعاسه
دور وتلقى لك خويٍ تخاويه = اليا عمس بالك يطير عماسه
واليا نصيته بأمرك الصعب يقضيه =واليا نخيته ينفجر من حماسه
صديقك اللي في المواقف تلاقيه =وعدوك اللي فزعته في حساسه
وان جابته كلمة الاخرى توديه=واليا لقى له درب يحطبك فاسه
يا وسع صدر الوقت على بلاويه=وأهل القلوب اللي تحب النجاسه
بعض الأوادم جعل ربي يشافيه =يحسب طعونه في المقفي فراسه
هذا يشبه حي وهذا يذكيه =وهذا يصبه صب في ربع كاسه
محدٍ بحاله من كلامه مخليه =يلقى على نقل العلوم الوناسه
يبني على أرضٍ الكبر عالي مبانيه=واليا احترك مبناه ينهد ساسه
يا وسع صدر الوقت على بلاويه=يا طول صبري من عنا بعض ناسه[/poem]

ماني برقــاوي وخالي ولد روق
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماني برقاوي وخالي ولد روق=اما كتبتك في حروفي كتابه
وغنيت بك شعري على كل طاروق=واصبحت لغزاً بين ربعي عتابه
يابعد من ذابت عروقه من الشوق=وهمٍ سكن جوفه وهمٍ سرابه
هونك على قلبٍ من الود محروق=يكفيه همه في الزمان وعذابه
لك صاحبٍ طبع الوفا فيه مخلوق=ما مر يومٍ باع به وشترابه
من لا عشق مثلك من البيض معشوق=ماله ومال أهل الهوى والصبابه
ومن دون وصفك ماله الشعر من ذوق=كنه سؤالٍ حائرٍ دون أجابه
للشمس في وجهك ليا غابت شروق=لو نور وجهك مال نوره تشابه
وله واجبٍ عندي والي عنده حقوق=ثلجٍ وراء جمراً دفاءه اصتلابه
يسعد مساء عنقٍ عن المتن منتتوق=بعد انتثر ليل الشعر وكتسابه
ولا ثمر تينٍ طلع ماله عذوق=ماعوشبت أرضه ولا امطر سحابه
ومعزلٍ نابي عن الخصر مفهوق=مايفضحه غير الستر من ثيابه
كنه مطر غيمٍ بلا رعد وبروق=في مشيته في وقفته في أنقلابه
ساقه حمامه لو مواريه غرنوق=وكفه مفاتيح الجمال بخضابه
ومرٍ يغيبي ومراتٍ افوق=إليا انعزف صوتٍ شجين ربابه
أبشر وتأمرني ولبيك منطوق=ولو مايكلمني يرحب حجابه
سلب نظر عيني وأنا نظرتي فوق=وهذا الذي عمق بقلبي صوابه
صعبه تخيطني وأنا كلي فتوق=الله يسامح من رمني حرابه
ولو منزله غادي بعيداً عن السوق=ولامربه دربي ولاقد مشابه
تحداني اقدامي كماء حادي النوق=حتى توقفني على اطراف بابه
والي خلق نفسٍ على شوفه توق=أنه وحيدٍ في غلاه وجنابه[/poem]

[FONT='Akhbar MT'] [color=#FF0000]للإستماع للقصيدة[/color] [/font]
[rams]http://www.alqthmh.com/sound/many.ra[/rams]
[FONT='Akhbar MT'][url=http://www.alqthmh.com/sound/many.ra]للحفظ[/url][/font]

ترحيب قحطان
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله على عبقريـه فكـر الانسانـي=صمم لنا الجيب نسج مـن مخيلتـه
موديل هذي السنـه تصنيـع يابانـي=مـاودك الا توقـع بـه ليـا سقتـه
على مزاج بدوي من راس نصراني=مربوط من تحـت حجانـه كرفتـه
انا شريته نظر في شوف الأعياني=عجز لاآرواه في عيني اليا شفته
سلم مفاتحيه محمـد علـى شانـي=وانا على شـان مشـواري تسلمتـه
ومحمد حزام ظهري واوسط أخواني=ليا بدا لازمٍ صعبٍ تغانمته
الجيب VXR والسواق شيباني =من طنخة فيه مالعالم مكيفته
على خطا الخير خاويته وخاواني =لاحان وقت السفر في الحال كلمته
جاني على خوتي شفقن وعجلانـي=وانا بنفس الشعور الـذرب دونتـه
ماهيب خـوة يـا لدانـه يالادانـي=ولاتسمـع الا مسجلهـم ودندنـتـه
يا ثامر بـن فـلاح العـود وصانـي=على اختيار الزميل ان كان زاملتـه
خل الخبر خلفنا وبقيق عنواني =ومدهال فيها عشانا لاتما كنته
حلة زحول الرجال شيوخ قحطانـي=فعولهـم صفحـة التاريـخ سجلتـه
وسلوم قحطان ما بـدل بهـا ثانـي=يكفيك تررحيبة الرجـال وزهمتـه
ترحيبة عادتهـا مـن ورث جدانـي=ماهيـب دل جـديـد ولا تعلمـتـه
قحطان ساس العرب ذربين الأيماني=كم ساعة الحرب من فنجال شاربته
من لا عرف مجدهم مع مر الازماني=لا يزعج النـاس بجوبتـه وباسئلتـه
لو كان في مدحهم مخلص ومتفاني =ابطيت والمدح في قحطان ما كملته
أخذت منهم صديقٍ لي وكفاني =عن كل من قال صادقني وصادقته
يا ربما من أخٍ لك غير الأخواني =ما جابه أبوك وأمك ما تحملته
وأخوي ناصر أبو محمد كحيلاني =فزعات قحطان في نفسه مواطنته
في سيرته حيث ما وجهة تلقاني =اطرز حروف مدحي من معاملته[/poem]

الأسهم
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قفل حسـاب المحفظـه بعـد صفيـت=معاد لي فـي سـوق الأسهـم تجـاره
ياليتنـي فــي سوقـهـا ماتعنـيـت=ما أخذت منهـا إلا الفلـس والخسـاره
أمسيـت فيهـا مغتنـي ليلـة أمسيـت=واصبحت ضيف الفقـر نـازل بـداره
وش عـاد ياسـوق الهواميرخلـيـت=مـن لؤلـؤ البـحـار ولا مـحـاره
كنـت اتحلـم اغتنـي وابتنـي بيـت=والجيب ياقـف فـي كـراج العمـاره
واسلـف المحتـاج حسـب الثوابيـت=وافزع لابن عمـي وضيفـه وجـاره
وفجأه على الواقع مـن الحلـم فزيـت=الله ولا حـلـمٍٍ كـوانــي بـنــاره
( من كثر مامن بعض الأحلام عانيـت=حتى اتصال الهاتـف بـلا حـراره)
بالله عليكـم ياهـل الجـاه والصيـت=أحـدٍ تجـرع مثـل هـذا الـمـراره
مرة سنـه مـا فـي الليالـي تهنيـت=مـره يميـن الـدرب ومـره يسـاره
في الليـل اسامـر منتديـات وصيـت=والسوق من بـدري اتحـرى اخبـاره
أقرا البلونجر كل ما اصبحت وأمسيـت=واتبـع الشـارات شــاره بـشـاره
مافيه عصر مـع الجماعـه تقهويـت=ولا فيـه يـومٍ نمـت بـأول نـهـاره
(ولا عـاد عنـدي للمواعيـد توقيـت=إلا صـلاة الفـرض والإستـخـاره)
وعلى اجتهادي وكثر ما اقبلت واقفيـت=عيـت تفيـد المعـرفـه والشـطـاره
( واصبحت من كثر الضغوطات كبريت=من يـوم تشخطبـه يولـع شـراره )
احيان يضرب هـا المؤشـر دناميـت=ويصفـق بالأحمـر ويتبـدل مسـاره
ولاعادتسمع غير وش بعـت وابقيـت=والنـاس واجـد يقطعـون الإشــاره
ياطـول ساعـات الحـزن والتناهيـت=وياقصر ساعـات الفـرح والبشـاره
رحنا ضحايا الحرب بيـن الطواغيـت=كـلٍ علـى الثانـي يسنـد بـغـاره
والسوق كلـه اصبـح بكـف عفريـت=الله يدمـر مـن سعـى فـي دمــاره[/poem]

الحدود الفاصلــة
[poem=font="Monotype Koufi,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الغضى جمره سراجي والجليس الشاذليه=واتونس وحشتي ومسي على حالي لحالي
مايراودني سرور ولا الفـرح يطـري عليـه=وحالتي هاذي لها شهريـن وأيامٍ حوالي
وليلة البارح تبدل كل حالٍ كـان فيـه=ليلة البارح صراحه غير عـن بـاق الليالـي
ليلةٍ ماهـي كما بـاق الليال السرمديه=والله أعلم في الليال السرمديه وش جرالي
ليلةٍ فيها الفرح بالعيـد مـن عصـر وعشيـه=وتوج الله فرحة الفرحان في مبـدى الهلالي
فرحتي بك ما ترجمهـا الحـروف الأبجديـه=ياغنيـمـة ماكسبـتـه يابقـيـة مابقـالـي
أنتـه أجمل دعـوةٍ مقبولـةٍ مـن والـديـه=وأنته أول من رميت إله الشماغ مـع العقالي
يالحـدود الفاصله مابيـن حسنـاتٍ وسيـه=الله ا نه يدخلك في اخر حـدودٍ مـن حلالـي
وخسارة وقتي الي ضاع فـي روحـه وجيـه=قبل حضي مايجود وقبـل جـوك ماصفالي
مابقـي لزيـن فـي خلـي محـل ولابقـيـه=والله انـه واقـعٍ مـا كنـه إلا مـن خيالي
ماتباع وتنشرى ما تنعطـى هـدي وعطيـه=كلمتيـنٍ قلتهـا زادة غلاتـك وأنـت غالي
قلت لي عذرك جميل وحضرة الغائـب هديـه=ياعطيـة ربنـا يامكسبـي يـاراس مـالي
سرع ماقفت مزونك يـا الهتـون الموسميه=بعد ما ارويتي عطاش الأرض من وبل الخيالي
صرخةٍ دويتها بعد العصـر و الشمس حيـه=وعذابـي ومتاهـة خطوتـي وبـري حالي
قلتهاوأنتـه تلـوح لـي ولـوح لـك بـديـه=يا مسافر عن وطنـا شرقـي الحـد الشمالي
أنت من روحي وفيها وانـت مناك وهنيـه=وفي وطنا لك عمام وفي وطنك النـا خوالي
ياسقى الله ساكن اليرموك وأهل السالميه=ديرة أهل المعرفه والطيب وقروم الرجالي[/poem]

[img]http://www.alqthmh.com/vb/uploaded/3_alqthmah70-55.gif[/img]

[color=#FF0000]صور من الامسية :[/color]

[IMG]http://www.alqthmh.com/vb/uploaded/10_amsyah6.jpg[/IMG]
[FONT='Akhbar MT']ضيف الأمسية : الأمير [color=#0000FF]عبدالله بن فهد بن عبدالله[/color] [/font]

[IMG]http://www.alqthmh.com/vb/uploaded/10_amsyah7.jpg[/IMG]
[FONT='Akhbar MT'] الأمير الفارس [color=#0000FF]عبدالله بن فهد بن عبدالله[/color] والى جانبه الإيسر [color=#FFA500]شاعر المحمدية[/color] الشاعر [color=#0000FF]مسفر حمد ال رشيد العجمي[/color][/font]

[IMG]http://www.alqthmh.com/vb/uploaded/10_amsyah.jpg[/IMG]
[FONT='Akhbar MT'][color=#0000FF]شعراء الأمسية[/color][/font]

[IMG]http://www.alqthmh.com/vb/uploaded/10_amsyah3.jpg[/IMG]
[FONT='Akhbar MT']الشاعر [color=#FFA500]فهد جازي القثامي[/color][/font]

[IMG]http://www.alqthmh.com/vb/uploaded/10_amsyah4.jpg[/IMG]
[FONT='Akhbar MT']الشاعر [color=#FFA500]فهد جازي القثامي[/color][/font]

[IMG]http://www.alqthmh.com/vb/uploaded/10_amsyah2.jpg[/IMG]
[FONT='Akhbar MT']الشاعر [color=#FFA500]عبد الكريم الجباري[/color][/font]

[IMG]http://www.alqthmh.com/vb/uploaded/10_amsyah5.jpg[/IMG]
[FONT='Akhbar MT']الشاعر [color=#FFA500]محمد بن ساقان[/color][/font]

[IMG]http://www.alqthmh.com/vb/uploaded/10_amsyah1.jpg[/IMG]
[FONT='Akhbar MT']عريف الأمسية : [color=#FFA500]حماد الحربي[/color][/font]

[IMG]http://www.alqthmh.com/vb/uploaded/3_amsyah8.jpg[/IMG]
[FONT='Akhbar MT'] جانب من الحضور[/font]

كل التوفيق للشاعر [color=#FFA500]فهد جازي القثامي[/color] ..
ووفق الله الجميع

-----[color=#FF0000]-----------------------[/color]-----[[/FONT][/SIZE][/CENTER][/COLOR]

منقووووووول