صح لسان ياريناد
 

نويت أرحل عن الساحة وأودع صفحة الأشعار
____ عسى الله لا يؤاخذني ويغفر تالي ذنوبي


نويت اكتب لي ( لحالي) واعيش لعالمي (تذكار)
___ ولا بي منك ياوقت العنا غايه ومطلوبي


على وضح النقا برحل لديره أهلها أحرار
____ أعيش بها على الفطرة أغني بس باسلوبي


أجر أبيات شعري فوق موج ٍ صافق ٍ غدار
____ يبي ينزع مبادي صنتها في طهر مكتوبي


أجر الحاني العذرا ولا اقرب مالخنا والعار
____ أعيش بنظرتي للطهر وعيني صوب ماجوبي


أجر الحان غنا قافها الطرقي مع الاسفار
____ يرددها مع الوادي صداها ( دن) بشعوبي


أسامر صفحة ايامي واناجي ربي الستار
_____ وهمّي وغايتي (إبني) اعدّه ربح مكسوبي


ولو مره سأل ولْدي يقول أمي وش اللي صار؟
___ وش اللي بس بقوله عسى الله يستر عيوبي!!


أقول اني أنا فلانه انا الحرّه وبنت أخيار !
_____ انا اللي ماهزمني كود ضعفي باول دروبي


اقول اني انا اللي دمها ماسال غير لثأر!
_____ يشوف اشلون عدواني تعشوا بي مع جنوبي


اقول احذر تجي شاعر ولا من يبني الافكار!
_____ وانا تيار فكري من كتبت الشعر في صوبي


أقله ياولدي أثبت وخلك للزمن صبار!
____ وانا اللي في ميادين الحزن احفتني اكعوبي


اقله ايش والا ايش اشّبه للحطب والنار؟
____ او انّي اطفّي الشيمه بصدره وسط محطوبي!


وانا ادري بالزمن يفترّ وخابرتْ الفلك دوار
____ احد غالب واحد من لوعة الايام مغلوبي


اقول الرابح اللي في حياته يحفظ الاسرار
____ يصون السر ثم يصبر مثل ما صبر ايوبي


ترى ثوب بليا ازار ما ينصك بليا ازار
____ ويمكن صاحبه يلبس ثويب الستر مقلوبي


على اية حال والا حال ابرحل والدمع هدار
_____على سكّة ومفرق خط نهايتها بمكتوبي


****************


(((الشاعرة / ريناد القحطاني .... الصحفية والكاتبة بجريدة الوطن السعودية ))))

[align=center][size=5][color=#000000]نوسة الحربي

اختيار موفق

صح لسانك ولسان الشاعرة ريناد القحطاني

دمتي بخير[/color][/size][/align]

هلا الماشي صح بدنك

الله يوفق الكل لما يحبه ويرضاه

لاهنتي يانوسة ومقطوعه شعرية راقية. شكرا للاختيار المثالي
واعجبت بهذا البيت وياهلااااوغلاااا
[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وانا ادري بالزمن يفترّ وخابرتْ الفلك دوار= احد غالب واحد من لوعة الايام مغلوبي[/poem]

[color=#330066]هلا أبوسعد

وعلى قولة الشاعر[/color]

[color=#CC0000]في كل يوم تورينا عجايبها

واليوم الأول تراه احسن من التالي

أيام في غلبها وايام نغلبها

وايام فيها سوا والدهر ميالي[/color]

سلم هالمرور

[color=#000000][size=4]أختي القديره

[color=#FF0000]نوسة الحربي[/color] ,,


نقل رائــع ومميز


وصح لسان الشاعره/ريناد القحطاني


ودمتي بخيـــر ..[/size][/color]

هلااااااااا نااصر سلمت أخوي الله يعافيك

لاهنتي يانوسه على نقل هذه القصيدة الرائعه والشاعره ريناد اعتقد كانت يوما من اعضاء هذا المنتدى
وتحياتي لك

ماشاءالله توني أدري

مرورك أروع