منتديات عتيبه - شاب خطب فتاة اشترطت عليه فرفض ؟؟! ماهو هذا الشرط؟؟!

[color=#FF6699]السلام عليكم ورحمة الله وبركاته
انقل لكم هذه القصة الواقعية والتي حدثت وتحدث في ايامنا هذه..
والقصد اخذ العبرة ...ومن ليس فيه خير لوالديه فليس فيه خير لزوجته واولاده..
أترككم مع القصة....[/color].
.
[grade="4169E1 FF6347 32CD32 DC143C FFA500"]

هنا هاك الرجال اللي مارزقه الله الا بولد واحد,فرح به واستانس وصار

كل ماراح لمكان ياخذه معه يبيه يصير سنع ورجال من يومه صغير .

لكن تجري الرياح بما لاتشتهي السفن على قولتهم

مات الابو,وترك ذا الولد مع امه,الام ماقصرت في تربية ولدها ودته عند

ناس علموه الفروسيه والرمايه الين اشتد عوده وصار رجال يعتمد عليه

بعد الله ,الام مع الوقت كبرت وصارت معاد تقوى تمشي يعني تحرولت

بمعنى اصح وصار ولدها هو اللي يقوم بالبيت من طبخ ونفخ ,وصار

يرعى امه وينقلها من مكان لمكان ومن ربعه لربعه.

كان في قبيلته بنت معجبها خوينا ذا اللي بار بامه واكثر شيء معجبها فيه

حرصه على امه ورعايته لها.

صارت تتحرا له عند الماء عشان تشوفه وعشان يشوفها ومع الوقت

وزيادة النظرات والغمزات حبها وصارت معشوقته وصارو يتقابلون

عند الماء دايم.

البنت قالت اخاف اذا تزوجته ينسى امه؟<< ما عاد في مثلها :s

لكن انا بسوي فيه مقلب ان بلعه وخيّب ظني سحبت عليه وان تعداه

بسلامه واصلت دربي معه.[/grade]
[grade="FFA500 800080 32CD32 4169E1 FF1493"]وش سوت البنت؟

وصت عجوز من عجز ديرتهم وقالت لها روحي لم الرجال الفلاني وقولي له

اني انا ودي به حليل لي.

وما يصير حليلي الا بشرط صغير ,وذا الشرط انه يصرف امه لاي مكان.

راحت العجوز وقابلت الولد وقالت له وهو اللي يستانس ويسفهل وقال لها

وشو الشرط؟

قالت له انها ماتبي امك معكم في البيت لان ما ودها تخدم على وحده

محروله,ودها لم خالك بعض الوقت كود ان الوضع يعجبها فيذاك

وتجلس عنده.

قال لها تعالي بكرة عشان تاخذين الرد.

جت العجوز من بدري اليوم الثاني مسرعه ودها تعرف وش رده

المهم يوم وصلته قالت هاه وش قلت؟

قال لها :قولي للي مرسلتك ذا الابيات:[/grade]

[grade="32CD32 FFA500 DC143C 4169E1 FF0000"]
علمت ان دافي الحشى مرسل لي

______ رساله تدعيني اصخي بفرقاه

ان كان ماصـــــــــيد الحبيب تغلي

______ قم يانديبي انقـــــلع انت واياه

امي ولا له عن ظلالي مظــــــلي

______ والا الغضى وان دور الظل يلقاه

امي ليا شــــــــــافت خيالي تهلي

______ والا الغضى وان شاف زولي تحلاه

اربع سنين وديدها سقمـــــة لي

______ والعب على المتنين واقول ياياه

خذت العجوز القصيده وهي متنرفزه وراحت للي مرسلتها لانها كانت تتوقع

ان ذا القصيده بتضيّق صدرها وصلت لها قالت لها القصيده ويوم سمعتها

البنت وهي اللي تطير من الفرح لانها عرفت ان مافيه امل انه

يفرط في امه. وفعلا تزوجها وصارت هي اللي تخدم امه .
وقالت : من فيه خير في أهله , فيه خير للناس . ومن حفظ والدته سيحفظني[/grade]

( [fot1](فاعتبر يامن ضيعت حقوق والديك )[/fot1]