مـن مـنبر التـوجيه اوجـه رساـله
 

الاخوه والاخوات رواد هذا الصرح الشامخ يسعدني ويشرفني ان
اضع بين ايديكم هذه القصيده المتواضعه, واللتي امل من خلالها الحوزعلى رضا الله ثم رضاكم واستحسانكم فإليكموها


[poem=font="simplified arabic,4,darkred,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
من منبرالتوجيه اوجه رسالة=فيها لكل الناس توجيه وارشاد
من له عليك من الخلايق جماله=لاتنكر المعروف وتصيرجحاد
وراع النقيلي كان جوه صفاله= ولع مقابيس الفتن بين الاجواد
واخذ كلامك من لسانك وشاله=ووداه لاخصامك على قصد الافساد
وعن الكلام الشين يكثر سواله=وتلقاه بين الناس سرداد مرداد
مثل المرض دايم سريع انتقاله=ويصعب علاجة كان بين العرب زاد
عيبٍ على مثله تمد البياله=وعيب على مثله يقلط على الزاد
وكم سفلتٍ هرجة لسانه سفاله=لاعاد ذكره بين الاجواد لاعاد
يهبا ويهبا من يجي في مجاله=سوات من غثرب الجم يصتاد
يطرد ورى المقفين ماشاف حاله =والطيب عن مثله وشرواه قدكاد
وهرج القفاماهوب لاهل الشكاله=الي لهم في مجلس الطيب تعداد
كـسب الردي راع الردا والضلاله=اللي بغرات الاجاويد جلاد
ولو ان شيب اللي سواته هَلاله=ماله مع اهل الطيب مركى ومقعاد
والعرف ماينباع وسط البقاله= يعطيه ربي من يحبه ومن راد
ولوينشرى كلن شراه بحلاله =وجاهد واخذ من ذروة العرف بجهاد
ومن لاستر وجهه بجاهه وماله=ماعاد عنه من الخاليق نشاد
يقل مقداره ويكثر رياله=ويصير للقرشين حافظ وعداد
ولاني بمن يطرد ورى كل قاله= ويحط للكلمه عقالين وقياد
واخذ براي اللي يوّرد حباله=ماخد براي اللي يغثون الاكباد
وأقول قول الحق في كل حاله=واشهد على المخطي على روس الاشهاد
ماغط نور الله ولاارضى بداله=وامشي على نهج الصحابه والاجداد
وياللي تقول فلان وفلان قاله = المستمع دايم لكلمتك نقّاد
وترى اللسان حصان بالك وباله =يقول هرجٍ مايثمّن ولافاد
والخوض في بعض السوالف جهاله=وان مانقص تقدير راعيه مازاد
والصمت حمكه ويتبيّن جماله =فاللي عن علوم الرديين منحاد
والخلق للخلاق والمنتهى له =ولو طال عمر الادمي للولي عاد
وكلٍ يبا يلقا حصايدعماله =وينسى القبيله والعشيره والاولاد
اماكتاب ياخذه في شماله=ويحشر مع اهل النارفالنار ويقاد
والاكتاب في يمينه يناله =ويلقا على حوض النبيين ميراد
وصلاة ربي عد برق خياله = ينشي من القبله ببارق ورعاد
وعداد من دين الرسول انتمى له =وعداد من يقرأ تبارك على صاد
على نبي مرسل بالرساله =مرسل على الامه بتوجيه وارشاد[/poem]

عبدالحكيم بن سعود

صح السانك ياعبد الحكيم قصيده رائعه مليئه بالحكم
تحياتي

[frame="7 80"][color=#FF0000][align=center]صح لسانك يابوسعود

وبيض الله وجهك

كفييت ووفيت

قصيدة جزله من شاعر جزل

تحياتي وأحترامي[/align][/color][/frame]

عسى من جابك لجنات النعيم

سلام وتسجيل اعجاب

شاعر روق

نقل رائع...صح لسانك ولسان الشاعر عبدالحكيم بن سعود

تحياتي

صح لسانك يا ابن روق ولا هنت

[QUOTE=شاعر روق]الاخوه والاخوات رواد هذا الصرح الشامخ يسعدني ويشرفني ان
اضع بين ايديكم هذه القصيده المتواضعه, واللتي امل من خلالها الحوزعلى رضا الله ثم رضاكم واستحسانكم فإليكموها


[poem=font="Simplified Arabic,4,darkred,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
من منبرالتوجيه اوجه رسالة=فيها لكل الناس توجيه وارشاد
من له عليك من الخلايق جماله=لاتنكر المعروف وتصيرجحاد
وراع النقيلي كان جوه صفاله= ولع مقابيس الفتن بين الاجواد
واخذ كلامك من لسانك وشاله=ووداه لاخصامك على قصد الافساد
وعن الكلام الشين يكثر سواله=وتلقاه بين الناس سرداد مرداد
مثل المرض دايم سريع انتقاله=ويصعب علاجة كان بين العرب زاد
عيبٍ على مثله تمد البياله=وعيب على مثله يقلط على الزاد
وكم سفلتٍ هرجة لسانه سفاله=لاعاد ذكره بين الاجواد لاعاد
يهبا ويهبا من يجي في مجاله=سوات من غثرب الجم يصتاد
يطرد ورى المقفين ماشاف حاله =والطيب عن مثله وشرواه قدكاد
وهرج القفاماهوب لاهل الشكاله=الي لهم في مجلس الطيب تعداد
كـسب الردي راع الردا والضلاله=اللي بغرات الاجاويد جلاد
ولو ان شيب اللي سواته هَلاله=ماله مع اهل الطيب مركى ومقعاد
والعرف ماينباع وسط البقاله= يعطيه ربي من يحبه ومن راد
ولوينشرى كلن شراه بحلاله =وجاهد واخذ من ذروة العرف بجهاد
ومن لاستر وجهه بجاهه وماله=ماعاد عنه من الخاليق نشاد
يقل مقداره ويكثر رياله=ويصير للقرشين حافظ وعداد
ولاني بمن يطرد ورى كل قاله= ويحط للكلمه عقالين وقياد
واخذ براي اللي يوّرد حباله=ماخد براي اللي يغثون الاكباد
وأقول قول الحق في كل حاله=واشهد على المخطي على روس الاشهاد
ماغط نور الله ولاارضى بداله=وامشي على نهج الصحابه والاجداد
وياللي تقول فلان وفلان قاله = المستمع دايم لكلمتك نقّاد
وترى اللسان حصان بالك وباله =يقول هرجٍ مايثمّن ولافاد
والخوض في بعض السوالف جهاله=وان مانقص تقدير راعيه مازاد
والصمت حمكه ويتبيّن جماله =فاللي عن علوم الرديين منحاد
والخلق للخلاق والمنتهى له =ولو طال عمر الادمي للولي عاد
وكلٍ يبا يلقا حصايدعماله =وينسى القبيله والعشيره والاولاد
اماكتاب ياخذه في شماله=ويحشر مع اهل النارفالنار ويقاد
والاكتاب في يمينه يناله =ويلقا على حوض النبيين ميراد
وصلاة ربي عد برق خياله = ينشي من القبله ببارق ورعاد
وعداد من دين الرسول انتمى له =وعداد من يقرأ تبارك على صاد
على نبي مرسل بالرساله =مرسل على الامه بتوجيه وارشاد[/poem]

عبدالحكيم بن سعود[/QUOTE]

صح لسانك

وسلمت ولاهنت

طيبه من طيب

تحيتي

صح لسانك وبيض الله وجهك يابن روق

صح لسانك يا ابو سعود



وبيض الله وجهك يا الغالي


على هذه القصيده الجزله


ولا تحرمنا من إبداعك


تحياتي لك ،،،،،

ابن ثعلي
صح بدنك
واشادتك من تواضعك الجم لاعدمناك
تقديري