(كيف كان الحب بالماضي وكيف أصبح الأن)الاجابه بهذه القصيده
 

عنتر ذ كر عبله بعد ما أشهر السيف
والموت قدمه ماتنا سى وداده
يعشق لبنت وجاه عتق ٍ على الكيف
وأبلى نهار الكون زاد أجتهاده
وراحت جموع القوم مثل الخطاطيف
وظلى يطاردهم يروع سواده
والله جمع بين القلوب المواليف
والكل منهم حقق الله مراده
هذاك فارس ما أنقده بالمواقيف
ضحى بروحه لين نال السعاده
حبه شريف ولا دخل فيه تحريف
يكرم عن دروب الردى والنقاده
واليوم حب الناس ضحك وسواليف
محصور بين ثيابهم والوساده
وأتلى غرامه يوم نال المقاطيف
وينسى العشير ويبتعد عن بلاده
يابنت لا يخدعك هرج ٍ بتزييف
من قل دينه ما زهد بالعباده
الحر ينسى ليا حصل خوش تكييف
ويغشى النعاس الجسم سبة براده
لاترخصين الروح لإجل الملا قبف
العار مايبريه طب العياده
هاذي نصيحه مارجيت المصاريف
والله يجنبنا دروب القراده


للشاعر / مهلي بن مسعود الدلبحي العتيبي

[align=center]يعطيك العافيه

صح لسانك وصح لسان الشاعر

مشكور [/align]

[color=#FF0066][B]][®][^][®][صح لسانك اخوي][®][^][®][[/B][/color]