قصيدة الشاعر/عويد بن محمد المطرفي(بعيد الهقاوي)ومجاراة الشاعر/محمدبن دغيّم السميري له
 

[frame="9 80"][align=center]أولاً قصيده الشاعر عويّد بن محمد المطرفي(بعيد الهقاوي)[/align]

[poem=font="Simplified Arabic,6,black,bold,normal" bkcolor="transparent" bkimage="" border="double,10,red" type=2 line=0 align=center use=ex num="0,black"]
حبيبتي ياقمّة الحب والذوق=يازهرة ايامي ونبضة يراعي
من كثر ما أعاني من الآه والشوق=عجزت اترجم لهفتي وانطباعي
حبك تغلغل داخل القلب برفوق=وصَلَ مراحل سرّها مايذاعي
ما أغليت مثلك ياهوى البال مخلوق=ابغى اعترف لك والخبر لايشاعي
في حضرتك يستانس القلب ويروق=لكن ليا غبتي شعرت بضياعي
اغيب مع صوتك ليا هل وافوق=وافل في بحر الاماني شراعي
صوتك مطر وانغام وانسام وبروق=تروي حدايق لهفتي واندفاعي
لاتخجلين اسقيني الشهد والذوق=مال الخجل بين المحبين داعي[/poem]


[align=center]وهذه مجاراة الشاعر/محمد بن دغيم السميري للشاعر/عويد بن محمد المطرفي(بعيد الهقاوي)[/align]

[poem=font="Simplified Arabic,6,black,bold,normal" bkcolor="transparent" bkimage="" border="double,10,red" type=2 line=0 align=center use=ex num="0,black"]
سمعت لي قافٍ بعيدٍ عن العوق=قافٍ لمثله ياجب الاستماعي
من شاعرٍ شعره نوادر ومرموق=والقاف عذب ومنتجه فكر واعي
المطرفي سابق ولاهو بمسبوق=عويّد اللي لأعذب الشعر راعي
ذكرني اللي مامشت مع هل السوق=بنت الكرام موسّعين الرباعي
اللي عليها لي مشاريه وحقوق=ام العيون الناعسات الوساعي
غيداً عليها القلب من جدّ محروق=حرقٍ مثل حرق النووي الشعاعي
ساقتني الاقدار لديارها سوق=لين إنزعت قلب المحب إنتزاعي
حبيبتي يخضع لها الطير من فوق=يجيلها لو هو من اعلى إرتفاعي
وكلامها يابو محمد لبن نوق=حتى أيش لو يزعل حليب المراعي
سجّيت معها واصبح القلب مسروق=مافادني كثر الحذر وأطّلاعي
ولو هو صحيح ان كل مطرود ملحوق=ماراح جهدي ياعويّد ضياعي
هاذيك والله ياعويّد غرض روق=والبعد عنها موت مايستطاعي
جمالها نادر ولاهوب مطروق=ماهو مثل بعض الجمال الصناعي
ماتشتري حمره ومكياج مسحوق=على الطبيعه ماتعرف الخداعي[/poem][/frame]

القصيدتين رائعتين ومشكور يانزف القلم على حسن الاختيار
تحياتي

القصيدتين رائعتين ومشكور يانزف القلم على حسن الاختيار

صح لسانك ولسان الشاعرين

تحياتي

قصديتين ومجاراه رائعه

مشكوره ولا هنت