منتديات عتيبه

منتديات عتيبه (http://www.otaibi.info/vb/index.php)
-   منتدى الشعر الشعبي المنقول (http://www.otaibi.info/vb/forumdisplay.php?f=12)
-   -   قصيده للشاعر شقير الجذع في مدح ابن ربيعان (http://www.otaibi.info/vb/showthread.php?t=19686)

بدر الروقي 01-31-2007 10:17 PM

قصيده للشاعر شقير الجذع في مدح ابن ربيعان
 
[align=center]السلام عليكم ورحمة الله وبركاته



في مدح الشيخ تركي بن عمر بن ربيعان [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله المعبود يامنشى السحايب=يا اله كل الامه تلـتـجـيـبه

ياعزيز الجاه علام الغوايب=من دعاك ادعات مخلص تستجيبه

تاصل الطيب وقضاي النوايب=والردي تقطع من الجبعه نصيبه

في حياته ذوقه مر الغلايب=وفي مماته جعل رحمتك تعذيبه

الرجال اصناف والدنيا عجايب=والعلوم اطوال القصه غريبه

واللوازم عرفتنا كل خايب=وعرفتنا وقفت الطيب وطيبه

والفخر للي ليا جات الصعايب=ما يصد وفعل غيره يستنيبه

مثل تركي ذخر حماي الركايب=شيخنا اللي فالمواقف نعتزيبه

شيخ روق عمر حلال النشايب=يطلق المسجون ويفلش صليبه

حاضرن ذكره لو ان الراس غايب=مثل نجم سهيل كلن يقتدي به

من شبابه لين مات العام شايب=كل شيخان القبايل تلتجيـبـه

ويوم مات معقبن عطب الضرايب=تركي اللي للخفيفه والصعيبه

مثل ضلعن ماتزعزعه الهبايب=والحجا يامن به اللي يحتجي به

مزبن المضيوم تنصاه النجايب=من حداه الوقت نصاه النجيبه

مزبنن للطيبين عن المصايب=نايد الاجناب ولا من عتيبه

من بلي بمصيبةٍ ولها سبايب=عنّد ولا جتبها القدره غصيبه

اجنبي ولا من الربع القرايب=يزبنه عند اللزوم وينتخي به

تركى اللي لو شري بالدم رايب=نصرت المظلوم من فعله وطيبه

ماص مفراص يخلص صلب ذايب=الصخور تذوب منهو لا تذيبـه

معدنه فولاذ وفعوله غرايب=ذخر شيخانٍ مضاربهم عطيبه

كم جريح وكم قتيل وكم صوايب=وكم شعيبن قد شبع طيره وذيبه

من يدين مروية عدل الذرايب=جب شلفا بسرة القلب تغدي به

مثل معتق وانشدوا هاك الجذايب=وغيرها اللي في طلال وفي شعيبه

يوم جاء للملح دخان ولهايب=ثم ساقوا بالجمل ساد الذويبه

وقعتن تودع سواد الراس شايب=والمنع مرفوع مازولن يحكي به[/poem]
[align=center]للشاعر الكبير / شقير الجذع العتيبي[/align]

حنين الماضي 01-31-2007 10:23 PM

[frame="9 80"][font=Comic Sans MS][size=6][align=center]مشرفنا القدير

لقد أمتعتنا بهذه الفاتنه

لله درك

سلمت ذائقتك

وصح لسان شاعرها

تقبل من أختك فائق الود[/align][/size][/font][/frame]

إبن ثعلي 01-31-2007 10:36 PM

مشكور يابدر وصح السان الشاعر شقير الجذع
تحياتي

بدر الروقي 01-31-2007 10:40 PM

مشكورين على المرور

مستر عتيبي 02-01-2007 10:01 AM

صح لسانك و لسان الشاعر شقير الجذع العتيبي
مع تحياتي

بدر الروقي 02-01-2007 10:44 AM

صح بدنك يابن العم

ولاهنت على المرور

تحياتي .....!!

عتيبي والفخر 02-02-2007 09:29 AM

صح السانك يا بـدر ولسان الشاعر شقير ,,

تحياتي

محمد العتيبي 02-02-2007 03:17 PM

بدر الروقي

صح لسانك ولسان الشاعر شقير الجذع

ولاهنت على النقل يالغالي

تحياتي

بدر الروقي 02-02-2007 07:16 PM

صحت أبدانكم


ويعطيكم العافيه على المرور


تحياتي ......!!!

ناصر بن سعدي 02-03-2007 03:41 PM

الغالي

بدر الروقي


سلمت يمناك على النقل الجزل


وبيض الله وجه الشاعر الكبير


شقير الجذع

وتقبل تحياتي


جميع الأوقات بتوقيت GMT. الساعة الآن 05:55 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها