منتديات عتيبه - عقيد الغبيات

اخواني وخواتي اعضاء وزوار هذا الصرح
الشامخ بشموخ العاملين عليه اقدم لكم شخصية من
ابرز شخصيات القبيلة وهو

عقيد الغبيات الفارس خصيوي بن غلاب الردعي
هو خصيوي بن غلاب الردعي (اخو سوده, وديع الركاب , زبون اللي رديفه مخليه)

هذه القاب تطلق عليه وهو شيخ في ربعه وفارس مشهور من الغبيات الروقه زعيم في جماعته ذو راي ومشوره التف عليه جماعته وله صولات وجولات في عالية نجد قبيل توحيد المملكه على يد المؤسس البطل جلالة الملك عبد العزيز رحمه الله فلم تسلم العربان من غاراته حيث انهم يدعون على بعضهم بأن يسلط الله خصيوي على حلالهم ... فليس غريباً ان يدون الشعر هذا الاسم العظيم

فقد قيل فيه

نحـا بهـم عـنـي وديــع الركـابـي=خصيوي زبون اللي رديفه مخليه

وقال فيه ايضا احد شعراء وقته في قصيده طويله يمتدح فيها فرسان الغبيات

يا اهل الركاب اللي عليهن بنـي عـم=خصوا بهن يا اهل الركاب الهميمات
خصـوا لابـن غـلاب مـردي المـردم=خصيوي عقيد اقطاع بدو ً منيسـات
كـــم ذود بـــدو ً يـقـطـعـه مـاتـعــزم=وكـم ليلـة ً عنـده يـبـون الوعـيـدات
بالربـعـه الـلـي بـالـقـا تـنـثـر الـــدم=لا جـا نهـاراً فـيـه حــس المـثـارات
شلـيـل زبــن الـجـاذي الـلـي تفـحـم=ومطلق عشير اللـي تـدق الرقيمـات
وعيـال زبــن الـلـي مظريبـهـم ســم=يامـا اطلقـوا بيمانهـم مــن حلـيـلات

الى آخر القصيده فهي تضم اسماء فرسان الاد غابي الذي كان لهم صيت آن ذاك

وكل فارس منهم يستحق موضوع مستقل

هذا ما استطعت ان اكتبه الان عن هذا الفارس العظيم وله من الرويات الكثير والكثير سوف نوافيكم بها عما قريب انشالله