منتديات عتيبه - الشاعر......يزيد الماضي الوايلي......

[ALIGN=CENTER][COLOR=darkblue]هلا بأولاد العم...

مساكم الله بالخير

الحمد لله اللي جمعنا مع بعض وخلانا نعرف اخبار بعضنا

عندي مشاركه ان شاء الله تجوز لكم وهي قصيده بالضيف

ومدام ان عتيبه مشهوره بكرام الضيف حبت اشارك بها

وهي للشاعر ..يزيد بن عبدالله الماضي الوايلي[/COLOR][/ALIGN]

[poet font="Simplified Arabic,4,crimson,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
ياحمود شب النار والرزق مضمون= بيدين رب عالم الكون محصيه

ودن الدلال واترك الهم مركون=والا اجدعه بالنار تاكل بواقيه

وفل الحجاج وازهم الناس يلفون=شوف الرياجيل يقتل الهم يرديه
الضيف الى منه لفى كنه مزون= يحي هشيم القلب ويطرد بلاويه

اليا لفى عز واليا سرى عون=سبحان من هو في عيوني محليه

واليا جلس في مجلسي قلت ممنون= مسناده الخافق وعيوني مراكيه

اقولها كلمة والهرج مرهون=وللضيف حقن لازم اني اوفيه

اهل الجمايل بالمواقف يعدون= وللضيف جميل بيي ملنيب ناسيه

الشاعر: يزيد بن عبدالله الماضي الوايلي
[/poet]