يا وجودي وجد مجروح الفـوادي
 

[frame="1 60"]من روائع الشاعر عبدالله بن زويبن الحربي


يا وجودي وجد مجروح الفـوادي
من هنوف ثوبهـا يجـرح نهدهـا

شافهـا بالملعبـة يـوم العيـادي
طشت الشيلة وماحت فـي جعدهـا

كنهـا بالملعبـة صفـرا تـرادي
بالحبـال اللـي ملـواتٍ عقـدهـا

سمعت أصوات العزاوي والهنـادي
من عياطير السطر يطفـر زبدهـا

تحتري شيـخٍ يقـود ولا يقـادي
منكـفٍ بطماعـةٍ لحقـوا طردهـا

لحقوا الفرسان بظهـور الجيـادي
وكل راعي مهـرةٍ ركـب ولكدهـا

لابةٍ تقلـط علـى جمـع المعـادي
مير ربي عاقهـا وأطفـى سعدهـا

خيلهم يم الخـلا عقـب الطـرادي
ما تبقي مـا يبقـى مـن جهدهـا

روحت مثل النعام امـع الحمـادي
يوم سمعت صوت خيـالٍ رهدهـا

بنت شيخٍ مـا ينافـس بالشـدادي
كلمتـه كـل القبيـلـة تعتمـدهـا

ما تلد بعينها في شخـص عـادي
ولا يسود الغابة إلا حكـم أسدهـا

أتفق معها علـى غيـر الفسـادي
ايتزوجهـا .. وياخذهـا .. بيدهـا

فوق خبرا جمعـت كـل البـوادي
كل من علـم بهـا شـد ووردهـا

سيلتها يـوم هـل قـران حـادي
مزنةٍ كبر القطـاة أصغـر بردهـا

وكل مدة قيضهم والوضـع هـادي
وأن حصل له فرصة جدد عهدهـا

لين قام الحـر ينقـص والبـرادي
يتزايد والمـزون أوحـم رعدهـا

ناحـرت لديارهـا قطـم التـوادي
أورحت ريح الحيـا يمـت بلدهـا

وأرسلوا عساس للعلـم الوكـادي
ثم جاهم فـي علـومٍ مـا بعدهـا

ما بعدها غير صوت اللـي ينـادي
وكل راعـي خيمـةٍ شلـع وتدهـا

وقربوا حمر الونيتـات الجـدادي
والبيوت السود طاروا في عمدهـا

أستخفـوا تقـل قافيهـم هجـادي
كل ما جو مصغـرٍ شالـوا ولدهـا

مالهم يـم الغنـم شـف ومـرادي
مـا شقـوا بنعيمهـا ولا نجدهـا

روحت قطعانهـم مثـل الجـرادي
تتعب الحساب ما يحصـي عددهـا

والهوى معروف شـيٍ لا إيـرادي
والنتيجة موسفة ما أحـدٍ حمدهـا

يتسرب مع حـلاه مـن المبـادي
سم حية والفـراق أمـر وأدهـى

لو صبر راع الهوى صبر المهادي
الجروح تبيـن لـو أنـه جحدهـا

أنطلق مع دربهـم حاديـه حـادي
وكل ما جاء نزلـةٍ مـر ونشدهـا

لين بـاد ولا لقـى علـمٍ وكـادي
باهت الأخبار عنهـم مـا وجدهـا

كنت غادي وأحسب المندّل غـادي
والنتيجة تنكشف لو طـال أمدهـا

كنت أغني مـع مغنـي يابـلادي
وأحسب أن اسمي مسجل في سندها

لين عُرِضت للمسـاوم والمـزادي
عكس ما جاء في كتاب اللي مهدها[/frame]

صح لسانك اخوي برقاوي هواوي
ولسان قائلها

صح لسانك ياولد العم

صــح بدنك اخوي مخاوي النشامى وتسلم على المرور

هواجس برقاوي صح بدنك ولا هنت على المرور

لاهنت يابرقاوي على اختيار هذه القصيدة الرائعه واتحاف المنتدى بها
تحياتي

تسلم أخوي بن ثعلي على المرور الجزل

أخوي

برقاوي هواوي


تسلم يمينك على نقل الجزل ياجزل...



بلا منازع أجدت ألأختيار....


وصح لسان إبن زويبن


ولك كل التقدير....يابطل..

صح لسانك اخوي برقاوي هواوي


وصح لسان الشاعر عبدالله الحربي



وبيض الله وجهك يا الغالي



على هذا الاختيار الرائع


تحياتي لك ،،،،

اللــه يسلمك أخوي تاصر وهذا أقل واجب نقدمه لمنتدى قبيلتنا العزيزة

ولك فائق احترامي وتقديري