مراسله بين الشاعر سعدون بن فهد الهرس المرشدي العتيبي والشاعر فيحان بن سلطان الشغار
[COLOR=chocolate][SIZE=5][B][ALIGN=CENTER]هذه القصيدة موجهه للشيخ فيحان بن سلطان الشغار [/ALIGN][/B][/SIZE][/COLOR]
[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""] أنا من الهم والحرمان والاحتيار = نفسي حزينه وجور الدهر معتارها مالي عن اللي كتبلي في جبيني فرار = لو كان بذت عيوني كثرة أعبارها يا مولجن داجي الظلما بشمس النهار = تجري وتعرف مسافتها ومعيارها أفرج لنفسٍ تلاشت بين نارٍ وغار = تدرا ملامة قرايبها وأهل دارها ازرت تحقق على أصحاب الظنون أنتصار = وهي قمة المجد مدهلها وميكارها مانيب من يحتضي رفقة رجال البوار = رفقة رجالٍ تنوس العز بشبارها أساير اللي على درب المناعير سار = وأمدله بالوفا يمناي ويسارها وأخذ من أريا العوارف بعضها باختصار = واشاور اهل التجارب وأخذ أشوارها وكسب المعرفه من العراف ماهوب عار = وعساء خيار الرجال بطولة أعمارها واشتلت حملي ولا حسيت بالانهيار = في حالي إلا بعد ماطال مشوارها وصبرت عامين ما فكرت في الاختيار = لرسالتي واحدً ينصاه مسيارها وفكرت وأخترت شيخن من شيوخن كبار = شيخن ليا جاته الشكوى عرف كارها ونصيتها يم ابن سلطان زبن الثبار = اللي تردا جهدها عقب مغوارها شيخن توافد له الزوار من كل دار = ينصاه من حطته بقعا تحت زارها يا را كبار البلاوي هيناتن صغار = ما همته لو تزف الموت بخطارها وعسا بعيد النضر ينضر لها بعتبار = والطيبه في سبيل الرد يختارها يا شيخ أنا لي تلاث اسنين ازيل الغبار = عن حصةٍ ما لحقت عصور تجارها لبسو بها اليوم تركتهم لباس الوقار = لكن يا قل من يدري بمقدارها هي كارهم كان ابه لصحاب الأمجاد كار = والي الفخر في صيانتها عن أضرارها وأنت من أهلها ومن مرذين سرد المهار = اليا أوصلتها النجايب رأس مشوارها على ظهور الاصايل يبعدون المغار = الخيل بسروجها والهجن بكوارها كم بوش قومن غزوه وقنعوه الكرار = خذوه بفراسةٍ شايعةٍ اذكارها وكم حلتن من سببهم حل فيها الدمار = عقب المعزة ولوها وقتلو نارها قومٍ بد قلاتها تفضا عداها جهار = تارد محيمه وبالنوماس مصدارها وعساك يا شيخ من صكات سلما مجار = واسلم ودم يا كبير القوم وأخيارها [/poet] |
[COLOR=chocolate][SIZE=5][B][ALIGN=CENTER]هذا رد الشاعرالشيخ / فيحان بن سلطان بن محماس الشغار على قصيدة الشاعر / سعدون بن فهد بن عقاب الهرس المرشدي [/ALIGN][/B][/SIZE][/COLOR][poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
يا مرحبا ماكسى النوار روس الزبار = وإعداد ماتنبت البيداء من أشجارها وإعداد ما يلفظن القفش عقب العيار = في وقعةً يرصد التاريخ مخسارها باللي علومه تنومس كل رجلٍ يغار = وعنده حميه على الهيلا وتذكارها يالمرشدي لا تشكى وأنت مابك عوار = نفسك ورى الهم والحرمان يعتارها لا قلت منكر ولا اللي تهتوي فيه عار = شيءً يشرف مقامك وأعلن اسرارها لا تجلب أقصاي بعلومك ترى الفكر حار = روحي ومالي ذرى ربعي عن أخطارها وعندك خبر هيكل التاريخ كيف أستدار = معالمه دوب تظهرها من أثارها وقت غدى بالمثل سوات لعب القمار = ومن فاز منهم يسلمها لقمارها فيه استوي راعي الفرسه وراع الحمار = ما بينهم فرق يوم انظر لمظمارها لعل رجلٍ تجي هومات فكره قصار = بقعاء تخيم عليه وتبني خدارها أرم النظر من وري أهل الظن والاحتقار = ومجالس الهذر لا تسمع لهذارها في قمة المجد لك مدهل وبيت ومنار = هذي علوم تراي من أول أنصارها شبيت لك في طويل التل نار وفنار = ومن شاف ضو المناره جاك لأخبارها قالوا وش العلم قلت العلم جاله مسار = سعدون له قصةً بين لي أنـذارها قالوا نشد الظهر ماهوب علمٍ ثبار = خذ كلمة تاقف العالم على أسوارها حنا سند من شكى لك سروالاجهار = حبايل الهم لازم نجدع اوزارها لا ينقل هموم حمله لو تصعب وجار = إله الصعايب تهون ونيسر أعسارها كلفت فيها ذوي مرزوق نعم الخيار = ربع تبي توصل الحصه لمحارها وابو علي خله الك الناقد المستشار = تراه من روس قوم توخذ أشوارها اليا قلت يامحمد الشبلان خل العـذار = وقـفات مثلك تكمل ناقـص أدوارها إليا صفوا لك هذولا لا تحسّب خسار = حرك سفينتك واعزم واعلن أبحارها لازم نحقق هدفك وتعلن الانتصار = يا رايد الفكره اللي همت بأغوارها غيرك من الناس يلحقها بفعله دمار = هو يحسب إنه يعمر وصار دمارها قو العزايم تري الأزمات فيها إختبار = وأعبر محيط الهموم وزعل أحبارها واسلم ودم يا عقيد القوم في هالمغار = لعلها فرسةٍ تنجح بغيمارها [/poet] |
أخي ذعار
تسلم يدك على نقل ذا المراد بين الشاعرين فيحان بن سلطان بن محماس الشغار و
سعدون بن فهد بن عقاب الهرس المرشدي ومن لاشك فيه انهم شعار كما نطلب المزيد منك والمفيد دايم |
مشكور أخوي الغالي الحامدي
على تشريف على الموضوع تحياتي لك طال عمرك أخوك ذعار |
مشكور أخوي بدر على مرورك على الموضوع
تحياتي لك طال عمرك اخـــــوك ذعـــــار |
جميع الأوقات بتوقيت GMT. الساعة الآن 03:17 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها