محاورة نار وقوة معنى بين الشاعرين( فيصل الرياحي وعبدالحميد الفهمي)!!!
 

[frame="9 80"][B][color=#0000FF][size=5]

[color=#FF0000]فيصل الرياحي[/color]

ياسلامي سلامآ ما تغير نباه
يارجالآ كرام وعاليآ صيتها

يذكر الرجل ميقاف الوفا ما نساه
دعوتآ وجهة صوبي ولبيتها

[color=#008000]
عبدالحميد الفهمي[/color]

مرحبا عد نوآ حاز وانهل ماه
والتحيه بقدر الضيف غنيتها

الوفي يالرياحي ما كرهنا لقاه
تعرف أم القرى وتعرف توقيتها


[color=#FF0000]فيصل الرياحي[/color]


عاش صوتك وانا حب الحيا والحياه
يا عسى المعرفه ما ينهدم بيتها

المطوع يوصي هل سمعت الوصاه
التزم بالوصيه كانك أوحيتها

[color=#008000]
عبدالحميد الفهمي[/color]

عاش صوتك وحنا قوم وجهآ وجاه
وإن بنيت البيوت أنا ما هديتها

المطوع يوصي يالتقى والصلاه
وانا صليتها عساك صليتها


[color=#FF0000]فيصل الرياحي[/color]



انت فهمي وتفهم كل علمآ وراه
سر وألغازما يمديك حليتها

غير رب الخلايق ما طلبنا رضاه
كلمة الحق حبتني وحبيتها

[color=#008000]
عبدالحميد الفهمي[/color]

أنا فهمي ولي بيتآ جويدآ بناه
والعرب لو بذلت الجهد ماأرضيتها

ما أطيب اللي ليا من شاف شر اتقاه
ليـتـها يــوم فيهـا شــر خلـيــتهـا


[color=#FF0000]فيصل الرياحي[/color]


ليت عبدالحميد الله يحقق رجاه
بعد بهرت له لدله وصبيتها

انت تنظر لوجه العلم ولا قفاه
يوم جيت الإشاره ما تعديتها

[color=#008000]
عبدالحميد الفهمي[/color]

في العلوم الشريفه حقق الله مناه
واللي ما هي شريفه ما تمنيتها

كلها من نظام أبو بدر وأخوياه
أخوياك أوصتك ولا انت وصيتها


[color=#FF0000]فيصل الرياحي[/color]




كم صبيآ يحاول والعلوم تحداه
يوم الأرزاق خمتها عفاريتها

قلت وش قلت قال اقول هاهاها هاه
لو شهدت لك كان الناس غشيتها

[color=#008000]
عبدالحميد الفهمي[/color]


عارفآ بيع سوق أهل المضيق وشراه
وأعرف المملكه وأعرف مواقيتها

مير راعي الظليمه بيح الله خفاه
بانت الحاجه اللي عني أخفيتها


[color=#FF0000]فيصل الرياحي[/color]

كل واحد عرفنا ويش هو مستواه
لا ظلمت الرجال ولا ترجيتها

انت راعي غنم عندك ثلاثين شاه
صبح سرحتها والعصر ضويتها

[color=#008000]
عبدالحميد الفهمي[/color]

يتبع السيل يا بو بدر دربآ الوطاه
والهروج العمي والعور مليتها

ما عليها حسوف ومثل لو هي زكاه
يـقـلـع الله لجـنـتهـا وتـصويتـهـا

[color=#FF0000]فيصل الرياحي[/color]


مدري قلبك من لحم ودم ولا حصاه
جتك الأسلاف والظاهر ما رديتها

العنب حامض الله يقلعه ما نباه
قالها فلان وانته مثله اطريتها

[color=#008000]
عبدالحميد الفهمي[/color]

يابن منصور راعي الطيب يلقى جزاه
تطري الأسلاف وانت اللي تناسيتها

العنب حامض ولا كل واحد جناه
وانـت روحك بحلو الزاد حلـيـتها


[color=#FF0000]فيصل الرياحي[/color]


انت زعلان ما جت صورتك في القناه
لـو لـقـيـت لـك صوره كـان حـطيـتهـا

مير عطني ملفك وانا قاضي القضاه
كـم قـضايـا قـبل هـذي تولـيـتهـا

[color=#008000]
عبدالحميد الفهمي[/color]

كم صور طلعتها ما لها من طراه
ودك بمنفعـة نـفـسـك وضريتهـا[/size][/color][/B][/frame]