ياعتيبه
 

ياعتيـبـه جــودو حـبـل التـواصـل واعتـنـو بـــه = ياعتـيـبـه كلـبـوكـم ربـــع واعــمــام وقــرايــب
ياعتيـبـه شـيـدو جـسـر التـقـارب واعـبـرو بــه = بـحـر حـسـادن لـكـم بالـشـر يـدنـون النـصـايـب
علمـو طفـل الرضاعـه سلـم ربـعـه والعـروبـه = لايــزل ويـاخـذ الــدرب اليـسـيـر وكـــل عـايــب
ورعـكـم خـلـوه يـشـرب بالمفـاخـر كـــل نـوبــه = ويتبـاهـا بـيـن ربـعــه بالشـجـاعـه والـحـرايـب
وفطـنـوا لــه لا يـوطـي راســه وتكـثـر عيـوبـه = الفتـا مـن ركـزتـه مــن بـعـد تنـزيـل الصـلايـب
انـتـم رجــال المـواقـف والشكـالـه والمـهـوبـه = في مواقفكـم تـزول اصعـب صعيبـات الصعايـب
وان حزيتـو خصمكـم فالنـار تاكـل مـن جنـوبـه = ماتـعـدون الـمـغـازي غـيــر لـفـحـات الهـبـايـب
والـكـرم هــو طبعـكـم دايــم تـعـدون بـوجـوبـه = فـي دساتـيـر الـعـرب يدعونـكـم شــم الوهـايـب
صيتكـم يرقـى السحايـب فـوق والعالـم حكوبـه = كـل حكـام العـرب يشـرون قـرب اهـل النجايـب
يكـفـي ان مـحـمـد المـخـتـار والـعـالـم دروبـــه = قد رضع من بنـت ابوهـا خيرفعـل وكـل صايـب
يرحم اللي حط في وصف العرب شرط العروبه = اصـل ربعـن فـي الحجـاز ومايخالطهـا شوايـب
الشاعر وذنان

[CENTER][URL="http://www.otaiby.com/vb/member.php?u=10511"][SIZE=5][COLOR=#0000ff]otaebi[/COLOR][/SIZE][/URL]
صح لسانك على هذه القصيده العصمى
ولاقال الشاعروذنان الا الصحيح
والقبيله تستحق اكثر
وبيض الله وجهك وشكراً[/CENTER]

مشكور ياعتيبي ولاهنت على نقل هذه الجميله في مدح عتيبه

[color=blue]صح لسااااا ن الشاااعر ولاهان الناقل ,,, ولكن مكانها الصحيح [/color]
[color=blue][/color]
[color=blue]هناااااااااااااااااااااااااااااااااا ,,,[/color]

[color="red"][size="5"]صح لسانكـ[/size][/color]

يعطيك العافيييه
اخوي [COLOR="Green"]otaebi[/COLOR]

قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها والغرق بين سطورها لاكتشاف المزيد ولكن ؟؟! لا مزيد ! أتمنى لكَ من الخير أكثره ومن السعادة أجلاها .. دمت باحساسكـ المرهف

جميل الى الامام

الاخوه الاعزاء
اشكر كلا من " الخال - ابن ثعلي - البارع - عربجي عتيبه - ولايف - شموخ طفله - المورقي1
على المرور الاكثر من رائع اما بالنسبه للاخوان الذين نقلوا موضوعي الى الشعر المنقول فالله يسامحهم فانا صاحب القصيده ولقبي وذنان وشكرا

قصيده رائعه صح لسانك اخي
ودام ابداعك
والنعم من عتيبه وكل القبايل

شكرا لك