$$$ رهـــــين الســــهر والغـــــربة $$$
 

هذي قصيدة أرجو أن تنال إعجابكم والمعنى بين جنبات الأبيات///


[poem=font="Simplified Arabic,6,black,normal,normal" bkcolor="transparent" bkimage="backgrounds/39.gif" border="ridge,4,gray" type=1 line=0 align=center use=ex num="0,black"]
انا والشعر في بيت المعاني=وروض الشعر من زهره عطاني
عبير الورد واليشموم فيها=تعطر من مطايبها لساني
ثمان شهور والغربة مريرة=وميسمها على قلبي كواني
وحدتني ظروفي للمهالك=وسيف الوقت في دربه طواني
وصارت عيشتي من غير طوعي=وجور الوقت بجيوشه وطاني
اذا جا الصبح حارت بي هجوسي=واذا جا الليل جيش الهم جاني
ثمان شهور ماليلٍ نسيته=أعد الوقت فيها بالثواني
ثمان شهور لكن فالحقيقة=تعادل بالسنين أجزم ثماني
ثمان شهور وابغاها تعدي=عسى يمكن لعلي أو عساني
ثمان شهور ياذيب الغداري=اشوف الروح ضاق بها كياني
ودارت ضدي الحرب ورعدها=كما دور الجمل بين السواني
اكافح رمحها ولا المهند=وانا لادرع والساحة بياني
وكل الجيش ينظر لي بعينه=اشوف انه بطعناته نواني
يقول القايد لهم ويعناني=هذاك اللي نبي دمه مهاني
وانا من بينهم عيني بصيرة=اشوف الذل ودروب الهواني
وكانت نظرتي يم الثريا=مابين الجدي وسهيل اليماني
اساهر نجمها في كل ليلة=وبنيت بعالي النجمة مباني
وينهاني عن الهوجاس ناهي=وراع الطيب عن دربي نهاني
وعشت ايام عمري في شماته=وصار الكل بلسانه رماني
يقول الصاحب الوافي: علامك=وش اللي منه ياقلبي تعاني
اجامل كل من روحه سعيده=لاجل ترضى عيون اللي شراني
اجامل وابتسم واضحك واغني=وانا صدري به الضيق احتواني
اجامل واكتم الضيقة بصدري=وجيش الهم من ثوبه كساني
اجامل هاجسي في كل لحظة=واقول اصبر على ضيم الزماني
اصالي لاهب النار الوشيمة=وضيم الحزن من كاسه سقاني
حوادث تجعل الدنيا عجايب=عساها درس للقاصي وداني
وهذي قصتي ياطير شلوى=عسى مايرجع الموال ثاني
وهذي قصتي ماانسى خبرها=ولو طال الدهر والا نساني
ألا يازين دارك ياوطنا=تراني عاشقٍ دارك تراني[/poem]

رهين السهر


صح لسانك مليون قصيده روعه


روعه روعه

الله لايهينك

بس لو تزيح الستار عن ماورا رهين السهر

نبي نعرف صراحه ودنا نشوف الشاعر الموهوب جزل القصايد

من يكون اذا مافيه مضايقه الاجابه اختياريه

دمت بود

وحدتنـي ظروفـي للمهـالـك
وسيف الوقت في دربه طوانـي
وصارت عيشتي من غير طوعي
وجور الوقت بجيوشـه وطانـي

اخي رهين السهر

صح السانك على القصيده الرائعه

الله يعطيك العافيه ولاهنت

[color=#000000][align=center][font=Simplified Arabic]
اسأل الله أن يفرج ضيقتك

رهين السهر ..تكتب بمداد الذهب

صح بوحك ..وسلامة الخاطر:)[/font][/align][/color]

صح لسااااااااااانك اخوي رهين السهر

ابيات رائعه تستحق الحفظ

الله يعطيك العااااااافيه

صح السانك ومن ابداع الى ابداع


لاهنت

تحيااااااااااااااااااااااااااااااااتي

الأخ عبدالله المرشدي،،،،،،،،

أشكر لك مرورك العطر،،،،،،،،

ومصير الليالي تكشف لك الستار وعلى قولة الشاعر/
على خير اشوفك كان حنا من الحيين مصير الليالي تجمع الحي مع حيه،،،،

تحـــــــــــياتي لك ياولد العم،،،

عزيزي فواز ،،،،،

أسعدني مرورك الكريم،،،،،،

وصح بدنك طال عمرك،،،،،،،،،

عبدالله الحافي ،،،،،، نور،،،،،،،،

أشكر لكما تواجدكما وإعجابكما ،،،،،،،،،

وصحت أبدانكما ،،،،،،،،،،

تحــــــــــــــياتي لكما،،،،،،،،

أخوي الدلبحي،،،،،،،،،،،،

صح بدنك ولاهنت ،،،،،،،،

ولاعدمنا تواجدك ياولد العــــــــــــم،،،،