منتديات عتيبه - ((عوارف عتيبة ))00وجميلهم الذي لاينسى

[poem=font="Simplified Arabic,4,black,normal,normal" bkcolor="transparent" bkimage="backgrounds/5.gif" border="inset,4,gray" type=2 line=0 align=center use=ex num="0,black"]
قصيدة بمناسبة تنازل قبيلة الثبته عن حقهم في القصاص من احد افراد قبيلة القثمة وتلبيه دعوتنا

الايامرحبـا ترحيبـةِ تشهـر بزيـن القيـل
شذاها العود الازرق حشمةِ للضيـف واقبالـه
عددنوِ تـدارج مـن هماليلـه دروب السيـل
غياث البيـد لاساقـه كريـمِ ينشـي خيالـه
اقوله من غلا ربعي اقولـه والمجـال يطيـل
يجف الحبر من بطـن القلـم ويكـل نقالـه
عسى بدع القوافي لازهمتـه مايشـح الكيـل
يجملنـي بمـده واعطـي الوافـي بمكيالـه
عدد ماذعذع الغربي وداعب زاهـر الاكليـل
وماغرد على خضر الغصـون وجـر موالـه
ومن كمل فروض الدين بالتسبيـح والتهليـل
وردد قـول لله الثنـاء فـي منطـق اقوالـه
نهلي بالضيوف وعيد ثاني ماابركه من ليـل
يشعشع بالفرح نوره وريح الورد يشرى لـه
هلا باللي لهم بالقدر منـزالٍ يفـوق سهيـل
تعلى منزل سهيـل اليمانـي فـوق منزالـه
قرانيس الحرار ان وصلت الدعوى لحط وشيل
لهم في ماضي الازمان فعـلِ تشهـد رجالـه
تسلسل فعلهم بالطيب من جيلِ يجي له جيـل
خذوا طيب السجايا من كريمِ تحمـد خصالـه
سلايل من يحـل معقـداتِ تبلـش الحلحيـل
ليا ضاقت على عمس البصيرة هون اشكالـه
(هليل) وان ذكرنا اسمه بدا للمعرفـه قنديـل
عسى قبرِ حضن هاك الحكيم العفو في جالـه
تنصـاه القضايـا والصعيـب يـذلله تذليـل
تقدا في سناء رايـه وفـودِ تقصـد حلالـه
كلامِ مابنيته مـن خيـال ولاحـوى تضليـل
شهد به منصف الأجواد فـي حلـه وترحالـه
لهم منا بياض الوجـه والتقديـر والتبجيـل
على عفو الكرام وبياض الله وجه مـن قالـه
عفو والعفو عند المقدرة من شيمة اهل الخيل
جزاه من الكريم اللـي يجـاز العبـد بافعالـه
عفو في ماقـفِ مافيـه لاصبـرة ولاتاجيـل
بعد سارت ركاب الخير باهل الخير واعمالـه
صبرنا والبلاوي تبلي العاقـل قـوي الحيـل
وساق الله مفاتيح الفـرج بالصبـر وآمالـه
ولايستغرب الفعل العجيب وماقـف التسهيـل
عوايدهم(الآد ثبيت) كسب الصيـت والطالـه
ولانـي قايـل الاجمـل الله حالهـم تجميـل
عدد ماسيق حلو ومـر فـي فنجـال وبيالـه
اقوله عن رجالٍ تكرم اللافـي بذبـح الحيـل
باسم ربعِ لهم فالمجد قصـرِ يـذري ظلالـه
اقوله في ذرى حكمٍ نبع من محكـم التنزيـل
وطابت به حياة الناس فـي حجـه وشوالـه
رضينا به ومن نادى بغيره 00مقصده تبديـل
يعيش بغربته وابليس فـي همـه وغربالـه
وخير ختام منظوم القصيد بهازم اهـل الفيـل
ومـن لايذكـر المعبـود فـال الله ولافـالـه
وصلاة الله على سيد البشر عدة نجوم الليـل
وماجر العوى ذيب الخلا فـي نايـف جبالـه
شفيع امة محمد في نهار العـرض والتهويـل
من ورود الحـوض مـع جمعـه ومـع آلـه
وســــــــــلامــــــــــة الـــــجـــــمـــــيـــــع،،،،،، [/poem]