منتديات عتيبه - &محمد الأحمد السديري في الحكمة&

[align=center][img]http://zmzm.net/images/bsmlah.gif[/img]
[color=#990000]قصيدة فيها من الحكمة الشيء الكثير للشاعر الكبير / محمد الأحمد السديري[/color][/align]

[poem=font="Andalus,4,blue,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللـي كـل حـي يراجيـه =ياللي بما يخفي على الناس عـلام
يا من دعاه أيوب من جور ما فيه =وأنجا الخليل وذل عبـاد الأصنـام
تفرج لقلبـن كاثراتـن طواريـه =تارد همومه بالحشا فـرد وأتـوام
لو صاح بأعلى صوت يمه مناديه =ما ينتبه فكره بجـو الفضـا حـام
ما ينتبه من جايرن وسط خافيـه =زود عناه وشتـت أفكـاره أقسـام
كن السعاير بالضمايـر تحاضيـه =ومن العنا كنه علـى كيـر فحـام
عزي لمن كثر الروابـع تناجيـه =إن هام شرق أدوا على نقرة الشام
وبالغرب كن معالج القلب يدعيـه =وعينه بنجم سهيل يوضي بالإظـلام
العبد يـم الخيـر ربـه يمشيـه =إن جاد حظه بدل المشـي درهـام
أبوصي اللي ما لقا مـن يقديـه =وصيتين تبقـى لنـاس بالأرحـام
وصيتين بيضا تكاشـف معانيـه =فيها الدليل لنا يـم مـا بعـد قـام
بيتك عن الأنـذال بعـد مبانيـه =قبلك ذياب الخيل عن ديرتـه شـام
وبالك رفيق السو حـذار تباريـه =ونظف حلالك مـن حـلال الأيتـام
لا تلحق المقفى عبار ومشاريـه =انسه ولا يلحقـك لومـه اليـا لام
ومن لا تحمل زلتـك لا تصافيـه =خلـه ولـو إنـه لرفقتـك عـزام
وراعي الخيانه بالخلا لا تخاويـه =ما ينومن قلبه على الغـدر مريـام
وراعي النمامه بيناتـن مواريـه =تلقاه عنـد مـدور الحكـي خـدام
درب الردى ماشيه والحظ مهفيه =أسود ولو ثوبه جديدن مـن الخـام
ياكل عروض الناس وبليس مغويه =عن السفر ممشاه بدروب الإظـلام
ومن لا يبش بوجه ضيفه وعانيه =ياطا دياره ما وطـا ديـرت دهـام
رافـق عديـم جاذباتـه مجانيـه =امجرب يضحك حجاجك اليـا قـام
زعلك يزعل منه ورضاك يرضيـه =تلقـاه ذخـرن بالليالـي والأيـام
اللي بعدوانك تكاشـف مساطيـه =يجوز له يا مدور العـرف الإكـرام
هـذاك ملـزوم تعـزه وتغلـيـه =خلـك لحاجاتـه سريـع ومـولام
قولي لزبن إني على البعد ناخيـه =يشوف منيوب على الكـود كعظـام
يشوف من حر السمايم اتصاليـه =ـتجددت شكواه عامن باثـر عـام
همه بصندوق الضمايـر مخفيـه =ومعودن قلبه علـى الكـود جـزام
شاف الحصيني ما تناتن علابيـه =وعلى رقاب الحصن ياطا بالأقـدام
سبحان من بالكون مكن عراويـه =ويقدر بغمضة عين لعـراه صـرام
بحسناك يا مرجع ليعقوب غاليـه =تكتب لنا حـظ ايذعـذع بالأنسـام [/poem]