محاوره لشعر الذي يحمل المعني والشعر الحقيقي بين مطلق الثبيتي و عبد الله المسعودي@
 

بسم الله الرحمن الرحيم
السلام عليكم ورحمة الله وبركاته
هذه محاوره تحمل كثير المعاني الجميله والشعر الحقيقي الذي يكاد ينعدم في الاونه الاخيره وهذه المحاوره بين علمين كبيرين هما الشاعر مطلق الثبيتي رحمه الله و الشاعر عبدالله المسعودي رحمه الله و وأرجو أن تحوز على رضاكم.


مـــحــــاوره مــــــــــطـــــلـــــق الـثـبـــــيـــتـــــــي و عــبــد الله الـــمـــســـعــودي ::






عـــــــــبــــــــــدالله الـــمـــســـعــودي



ماني باجيب الفصاحه غير عند الفصيح
امشي مع النـاس واعطيهـا قوانينهـا
ام الصفا والصفيح اللي من اول تصيح
راحت على موت ابوها حنت ايدينهـا



مــــــطــــــلـــــــق الـثـبـــــيـــتـــــــي



بعض المعاني تعنيني وانا مستريح
وام الموازين لاتصغي موازينهـا
قلب بنعمه وقلب من زمانه جريح
قبل امس تقسي وهذا اليوم يالينها



عـــــــــبــــــــــدالله الـــمـــســـعــودي



انا على مرقب عالي بديت استضيح
وان ام عامر تهز انصاب سكينهـا
الهجرة اللي يامطلق جات تنقح نقيح
ايعيش نمرودها ويموت مسكينهـا




مــــــطــــــلـــــــق الـثـبـــــيـــتـــــــي



يازند ياللي على الايام تقـدح قديـح
ليالـك السـود ماترقـد شياطينـهـا
اشوف لي شيخ في نعسه وكفه شحيح
حتى الاوادم مشارك فـي دكاكينهـا



عـــــــــبــــــــــدالله الـــمـــســـعــودي



اشوف قربة عقيد القوم تنضح نضيح
والثوب الابيض تفرق بينه وبينهـا
ابليس لو جرها يمكن عراها يطيـح
وابليس شريان من ماها ومن طينها




مــــــطــــــلـــــــق الـثـبـــــيـــتـــــــي



النار من تحت قدرك مار عيا يفيح
خلا العرب للعشا تدني مواعينهـا
يقلون باب يجي ياصاحبي منه ريح
سده وتسلم من الدنيا ومـن دينهـا





عـــــــــبــــــــــدالله الـــمـــســـعــودي



ولد الهوى يوم غنى لام خـد مليـح
ما احد يلومه وهو مفتون في زينهـا
الذيب ماهو عشا لام اللبـن والتليـح
ان شافت الذيب الاشهب دنهرت عينها





مــــــطــــــلـــــــق الـثـبـــــيـــتـــــــي



ولد الهو مبتلش فام الصفا والصفيـح
اللـي لياشافتـه رفـت كراعينـهـا
ام الكباير على الاجواد تضبح ضبيـح
والسوس من ظهرها واصل ضلاعينها





عـــــــــبــــــــــدالله الـــمـــســـعــودي



قمرية الفن الاخضر ملحهـا مايميـح
الحب في حلقهـا ماياصـل ابطينهـا
ان كان ابا امدحك ماينفعك كثر المديح
ان كان ماجبـت للقصـه براهينهـا



تقبلوا خالص تحياتي أخوكم :[font=Times New Roman][color=#000000] أبـــــــ كــلــيــب ــــــــو الــمــنــجــومــي الــثـــبـــيـــتــي@@@[/color][/font]

لاهنت يابو كليب على نقل هذه المحاوره الرائعه للشاعرين العملاقين رحمهما الله
تحياتي لك

[align=center]يعطيك الف عافيه

مشكور ياغالي

لاهنت[/align]

مشكور يالعزيز و الغالي على الرد الجميل والرائع والله يبيض وجهك.
أخوك : [color=#666666]أبـــ كليب ـــو المنجومي الثبيتي.[/color]

رحمهما الله جميعاً

وين نلقى مثلهم هالأيام ؟؟

شكر لكل من رد على هذا الموضوع وبيض الله وجيهكم.........

مع تحيات أخوكم:
[move=up]أبـــ كــلـيــب ــو الــمــنــجــومــي الــثــبــيــتــي@[/move]

[font=Comic Sans MS][size=6][color=#000000]لاهنت على مانقلت يابو كليب

الله يرحم مطلق والله يرحم عبدالله والله يرحم جميع موتى المسلمين أموات لايريدون منا غير الدعاء لهم

أطيب التحايا[/color][/size][/font]

تسلم يمناك لاعدمناك...

تقبل مروري..:)