من قصائد المراسلات بين الشعراء الشاعر سعيد بلال اليامي والشاعر عبدالرحمن العطاوي
 

[COLOR=chocolate][SIZE=5][B][ALIGN=CENTER]الشاعر/ الكبير علي بن سعيد بن بلال اليامي بعث بهذه القصيدة مع الشيخ محمد بن ذيب المهان إلى شاعر هوازن الكبير / عبد الرحمن بن سعو د العطاوي : [/ALIGN][/B][/SIZE][/COLOR]

[poet font="Tahoma,4,white,normal,normal" bkcolor="transparent" bkimage="backgrounds/2.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
خطر ما خطر بالبال عمَّا تصورته = وأخذت القلم والحبر والبوك حضَّرته
وممَّا جرى سجلت وحيال ما طرى = تخيلت طاروقٍ من الشعر واخترته
طريفٍ وقافيته ثلاثٍ حروفها = لشاعر هوازن وافي الوزن صدرته
أبا أقطف لابو نواف قفرة طرايفه = صديقٍ يحيي مقدمي كل ما زرته
الى عددوا شعارنا اليوم كلهم = مع اللي يشيد منزل الشعر قدرته
وانا يالعطاوي صاحب العرف صاحبي = ولو صار عن عيني بعيدٍ تذكرته
وانا لا سريت الليل واصبحت للمثل = تقديت بالقطب الشمالي وناظرته
واحب التجاوب مع هل العرف وافتخر = خصوصاً بسر الشاعرية ليا درته
ارابع هل الاثنين والخمس والبحر = على النحو هذا لو عصى القاف سخرته
والى شفت حرف العين والخا تداعبت = عن الصاد حرف الزا على طول باشرته
اخاف ان رياح البحر تغرق سفينتي = ووجهت رأيي للعطاوي وخبرته
ولا كل من يلبس من الشعر ظاهره = على ما يحز بمخزن السر شاورته
واحب التجارب والشدايد وكونها = وصديقي بها مادمت انا حي ناصرته
ومنيع بن سالم والخلاوي دليلهم = هو المتبع في دربي اللي تنحرته
صدوقٍ مع من ينطق الصدق مطلقاً = ولو هو خصيمٍ لي شكرته وبررته
الى صرت جاهل في هل العلم أبا أقتنع = وفعل الخطا لو بأضعف إيمان غيرته
وكم قايلٍ قوله دليلٍ يدلني = وكم قايلٍ سمٍ سما الفكر وانكرته
ولا ني بسئولٍ عن الصح والخطا = ولا كاملٍ في كل ما اعلنت واسررته
لكني الى احتجيت زكيت حجتي = ولا ينهدم بيتٍ على ساس عمّرته
وبحيز الجود الخمس تروي وترتوي = وبرهانها سر المعاني الى اظهرته
رموزٍ تفسرها قلوب العباقره = وقلبي عن اللي يجهل الحل حذرته
فخذها يا بو نواف واسرع بردها = على ضو مضمونٍ نظمته وفسرته
تدلك محاريفه على كل ما حوى = ولي الحق لا نادمت مثلك وسايرته
لأنك تحكم الراي وتحقق الهدف = سمعت الحقائق منك والراي قررته
وتقبل سلامي عد ما ذعذع الهوا = وانا بانتظار الرد وان وصل قدرته
بعد عرف قومٍ غطوا الحق بينهم = خطر ما خطر بالبال عما تصورته
[/poet]

[COLOR=chocolate][SIZE=5][B][ALIGN=CENTER]وهذا رد شاعر هوازن الشاعرالكبير/عبدالرحمن العطاوي على الشاعر علي بن بلال اليامي : [/ALIGN][/B][/SIZE][/COLOR]

[poet font="Tahoma,4,white,normal,normal" bkcolor="transparent" bkimage="backgrounds/2.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
لفاني عزيزٍ بالتراحيب باشرته = وعن اهل إيدمه قدام يجلس تبشرته
هلا ما هما هملول وسمٍٍ علي الوطا = وكسا الارض غبه رونق العشب وزهرته
بابن ذيب نزه العيب مقدم حمايله = شهيرٍ ولوما بالتماثيل شهّرته
عطاني هدايا من هل الجود والوفا = كتابين كلٍٍ ذوب الذوق بثمرته
وتمليت مافيهن مليٍٍ وشاقني = وحلى ما حوى مهداك يا علي ذمّرته
صفا البال يابن بلال ساعه قريتهن = تماثيل مثل الحلم بالعلم عبرته
لك الشكر عمّا في معانيك خصني = ولك العذر عمّا يا علي فيك خسّرته
ومدى الميد يابن سعيد لو يبعد المدى = وعديم الجدى لو بالتماثيل قامرته
تعص بعصا موسى عن السحر يا علي = على شاعرٍ ساحر بالاشعار ساحرته
تحاورت ويا الحور حورا وحايره = ولا احترت يا حبرٍ بالالغاز حاورته
عرفنا بحور الشعر يا علي كلها = يهود الصدور ودين الاعجاز نصرْته
على ما تبي عليت يا علي علله = عموم العلايم عامياتً ولا أبصرته
اجر اليرى فالطرس والشعر جرني = واجاري زميلٍ كبر الشعر واكبرته
ولى من صدوف الواو والدال صادفت = بالاقدار مع من عن عوانيه حجّرته
رمع له وانا اورد رد واردك رامعي = وعدلت اليرى مع عدلت القلب وعجرْته
خلت من خليلي غير قلبي منازله = ولامن ولو طيفٍ بالاحلام سامرته
ولا من نديمٍ لي ليا ناموا الملا = سوى الزاج والازعاج بالزاج صورته
هميم وهامت بي همومي وهايمت = بي النفس مع هيا متى الوصل وسرْرته
الا يا جريح القلب مثلي من الهوى = تعبّر وعبر معبر العبر وعبرته
وراهم يحبسون المساكين كلهم = ورا يا بن سالم نصف مملوك حررته
وورا ما تقول لمدّعى العرف صاحبك = على ذاك علمك يا بن الاجواد زورته
الا يا بعيد عن المواريد كلها = لك الله لو تبعد عن الداب وشجرته
غدت بي هواجيسي مع الشعر والشقا = وعلى رد شاعر يام ما صام فطرته
الا يا طروشٍ يم نجران بلغوا = سلامي على من يدهل الرمل وحجرْته
وعلى من سكن باعلى القرى داخل القرى = من اهل الوبر في منطقه يام ومدرته
وعلى علي ردوا لي سلامي وسلموا = علي كل ياميٍ تحزم بخنجرته
[/poet]

[COLOR=chocolate][SIZE=5][B][ALIGN=CENTER]تحياتي للجميع

أخوكم ذعار[/ALIGN][/B][/SIZE][/COLOR]

شــكراً عل النقل الرائع .



وأبدع الشاعرين :

صفا البال يابن بلال ساعه قريتهن = تماثيل مثل الحلم بالعلم عبرته