منتديات عتيبه

منتديات عتيبه (http://www.otaibi.info/vb/index.php)
-   منتدى الجزيرة العربية التاريخي (http://www.otaibi.info/vb/forumdisplay.php?f=41)
-   -   معركة النقيرة بين العوازم ومطير (http://www.otaibi.info/vb/showthread.php?t=5837)

الحصان 11-07-2005 05:50 AM

معركة النقيرة بين العوازم ومطير
 
سبب المعركه النقيرة هو ان الشيخ المرحوم هابس بن رفاعي بن سدير بن عشوان شيخ العبيات من مطير اغار على ابل بعض العوازم في ضلع اسمه الشنيطي يقع بالمنطقه الجنوبيه بالكويت في عام 1924م وهم اساسا جيرانه وسلب ابلهم من نوع الشعل وهي من احسن انواع الابل
فاشتكوه العوازم لدى الملك عبدالعزيز بن سعود رحمه الله لانه احد رجاله فرد عليهم بانكم تستطعون عليه فرد قائد العوازم الشيخ شويمي بن سويحان بالايجاب فاذن لهم بذلك ووصل الخبر الى هابس بان العوازم سوف يغيرون عليه وانه يجدر به رد ابلهم وحقن الدماء الا انه ابى وتكبر
وفي ليله عرسه اغار عليه فرسان العوازم في هجرته المسمى النقيره
ويذكر الشيخ سليمان بن بسام بمخطوطته المسماه ب(تاريخ القصيم ) بان العوازم حشدوا له وقصدوه في بلدته المسمى النقيره فقتلوه هو وابنه الذي لم يبلغ الحلم ونحو خمسين من قومه واستنقذوا مااخذه منهم مع بعض نعمه ويقال ان من قتله هو دهلوس الكريباني او عايش الصواغ والراجح ان احدهما رماه واكمل عليه الاخروقالو العوازم الكثير من القصائد بهذه المعركه منها قول
[align=center]الشاعر محمد الحجي الجهراني الصابري العازمي[/align]
[frame="7 80"][poem=font="Simplified Arabic,5,white,bold,italic" bkcolor="teal" bkimage="" border="ridge,5,crimson" type=2 line=0 align=center use=ex num="0,black"]

نحمد الله لفانا اليـوم طرشانـي=وهاضت الكبد من مرن لجا فيها
اندلج مع مضيق الريع جدعانـي=واستوت هيتن كلن حكـا فيهـا
يوم مخلف تدين وابن عشوانـي=ياخذ البل واهلها ما حسب فيهـا
يقتزق من لبن حلوات الالبانـي=ويرقد الليل مـا ثمـن قوافيهـا
ما درى ان بلانا طيـر حورانـي=صيدنا نفس ابو تركي نداريهـا
يوم جاه الرباعي وابن سبعانـي=قالوا البل وقال الشعل ما اديهـا
ويوم جانا شويمي بالخبر ثانـي=قال برهه تراني مرخصن فيهـا
يوم سمع المثارا نار عشوانـي=وهرجته للرباعي ما صمل فيهـا
ثم جينـاه دولـة روم سلطانـي=تسعت جموع وين اللي يلاديهـا
اول الجمع ابو فالـح ورجعانـي=وابو فراج وشويمي مشو فيهـا
وابن حبينان في زوقات الاذهاني=كل ما كبرت القالـه يحاضيهـا
وطاح هابس عشا للذيب سرحاني=بندقن صابته لا صيـب راعيهـا
بالنقيره ذبحنا طيـر حورانـي=واقمحي يالبويضا عقب راعيهـا
بين عايش ودهلوس الكريبانـي=طاح في سهلتن تذري ذواريهـا
واحمد اللي تسبب لابن عشواني=هيتة ٍ فوق راسه وانعثـر فيهـا
وامتلى الجو ديحانـي وبرزانـي=والعبيـات ذبحـنـا نوابيـهـا
يشبع الذيب والطير ابو جنحاني=وهجرته لابتـي دقـوا مبانيهـا
ما بقى بالنجيره كـود نسوانـي=ما لقن يم جريـه مـن يوديهـا
[/poem][/frame]
[U][B][color=#FF0000][size=5][align=center]
[/align][/size][/color][/B][/U]
[align=center]ومن القصايد ايضا في وقعة النقيره وهي للشاعر سعود الصقلاوي العازمي[/align]
[frame="7 80"][poem=font="Simplified Arabic,5,white,bold,italic" bkcolor="teal" bkimage="" border="ridge,5,crimson" type=2 line=0 align=center use=ex num="0,black"]

يوم ابن عشوان باق المعازيبي=ورد عبد الشيخ والحرب يسعابه
يحسبنا اهل القراياالحواطيبيـي=وم مندوبـه يكـزه بمشعـابـه
ياهل الجدعاتطيـع الاصاعيبـي=صاح هابس بينكم ما حدن جابه
ناد ياطيـر الخليليـن للذيبـي=والوعد جو النجيره تعشـا بـه
جا نهارن فيه جدع الاصاويبيـي=صبح الشايب صبين ضحكنا به
واستهجنا بوشهم والرعابيبـي=واقتفينا اللي ورى العد عزابـه
ناروا البرهان من شوفت الريبي=وقصرهم خلوه والبوم غنا بـه
ياعلي هابس مروي المغاليبـي=شيخك اللي ترثع القصر ترعا به
جا عشن لمعكفـات المخاليبـي=وقبله ابن حسين نايف رمينا به
وجمعهم من جمعنا ذاب تذويبي=مثل غزون خمه السيل والوابـه
[/poem][/frame]
[U][B][color=#FF0000][size=5][align=center]
[/align][/size][/color][/B][/U]
[align=center]وقال الشاعر رجا الفزير (الرجاوي )هذه القصيده

[/align][frame="7 80"][poem=font="Simplified Arabic,5,white,bold,italic" bkcolor="teal" bkimage="" border="ridge,5,crimson" type=2 line=0 align=center use=ex num="0,black"]

هاضني كون ياعله على العايل يعود 0=عزه النا والندامه لهابس واخوياه

وهقه كون الشنيطي يا عله مايعود =ما درى ان الله يدير الفلك ناخذ قضاه

جاهم شويمي زبون الونايا والجرود=يقهر اولهم يبي كونهم بعد الصلاه

مع صلاه الفجر حس الفشق مثل الرعود=لين اخذنا طرش هابس وملك الموت جاه

ذبحنا منهم ثمانين رجال وزود= كلبوهم من بني عم هابس واقرباه

يصبحن مطلقات طويلات الجعود =من سبايب ضربنا ياخذ العاشق هواه
[/poem][/frame]
[U][B][color=#FF0000][size=5][align=center]
[/align][/size][/color][/B][/U]
[align=center]واذا اردنا ان نعرف عدد قتلى مطير في النقيره فالبسام في تاريخه اورد ان عددهم نحو خمسين قتيلا اما الرجاوي فيذكر ان العدد اكثر من ثمانين قتيل
وبعد انتصار العوازم غادر جيش العوازم المكان اي النقيره ولم يبقى منهم الاالقليل منهم وتقديرهم اقل من خمس جيش العوازم بعد ان هد موا النقيرة
وهربت نساء هابس الى الشيخ هايف الفغم في هجره قريه تستفزعه وفزع رحمه الله واغارعلى المتبقين من العوازم وكسرهم في موقع اسمه الجبجوب بعد ان غادرت قوات العوازم المكان ويقول احد شعراء مطير وهو الشاعر المعروف فالح الديحاني ردا على الجهراني العازمي[/align]
[frame="7 80"][poem=font="Simplified Arabic,5,white,bold,italic" bkcolor="teal" bkimage="" border="ridge,5,crimson" type=2 line=0 align=center use=ex num="0,black"]

كنت يا العازمي واصبحت ندماني =ماتهنيت باقسوم تلاديها

مات هابسوجاكم هابس ثاني =غب كونك وقومك مرثع فيها

[/poem][/frame]


[U][B][color=#FF0000][size=5][align=center]
[/align][/size][/color][/B][/U]

حسام هوازن 11-10-2005 08:40 PM

[color=#0033FF][size=4][B]مشكور يــ الحصان

على الموضوع

وعلى القصة المذكورة

ودمت بألف خير[/B][/size][/color]

بنت* عتيبة 11-11-2005 03:38 PM

[color=#996600][size=5]يا سلام عليك يا الحصان عز الله انك حركت ها القسم والله يرعاك.[/size][/color]

الحصان 11-20-2005 11:59 AM

حسام هوازن

بنت* عتيبة


شكراً لكم على المتابعة

فارس 11-20-2005 05:35 PM

الحصان

الحرب سجال يوم لك ويوم عليك
ولما انتصر العوازم امس في النقيره هزموا في الجبجوب ...
وهذه الايام (دوَله بين الناس )

جراح العتيبي 11-20-2005 06:15 PM

صدقت يالحصان



الايام يوم لك ويوم عليك



ياسلام الله يعطيك العافيه



مواضيعك في غاية الروعه

الحصان 11-22-2005 05:03 AM

فارس

جراح


مشكورين على المتابعه

عزام الوسمي 11-29-2005 11:18 AM

الحصان
مشكور على الايراد,,,,, والله يعطيك العافية

الحصان 12-11-2005 05:09 AM

لاهنت ياعزام الخيل

إبن ثعلي 12-13-2005 03:53 PM

مشكور يالحصان على هذه المعلومات التاريخيه الموثقه
تحياتي


جميع الأوقات بتوقيت GMT. الساعة الآن 02:32 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها