منتديات عتيبه

منتديات عتيبه (http://www.otaibi.info/vb/index.php)
-   منتدى الجزيرة العربية التاريخي (http://www.otaibi.info/vb/forumdisplay.php?f=41)
-   -   معركة بين الغييثات و الشيابين و جد تها في منتدى الدواسر (http://www.otaibi.info/vb/showthread.php?t=5160)

الحصان 10-07-2005 10:57 AM

معركة بين الغييثات و الشيابين و جد تها في منتدى الدواسر
 
من لديه عنها خبر يوافينابه


...........................................


غزوا الغييثات بقيادة الشيخ بداح الحطيم غرب ويوم جاؤا ديار عتيبه لين الشيابين هم الموالين على (دلقان) احد الموارد في نجد .

شرفوا السبور وقالوا البل ياهل البل ويوم كدوا على البل وصفقوها (أخذوها)
لين عليها وسم الشيابين من عتيبه.

قال الحطيم: وطوهاا ، الماء خالي من العرب الحين ،وخلونا نشرب قبل تلحق الفزاع البل ذي بيجي لها طلبٍ عجل(يقصد الابل الماخذوه سيأتي أهلها فازعين).

المهم يوم ظهروا من الماء لا الخيل داقتٍ بهم في مقدمها الشيخ( جهز بن هذال)يزهمونه ربعه وهو على فرسٍ سابق، يقولون له : رد البل علينا.

يوم قرب من الغييثات الغازين ، حول له شبنان بن صليل الغييثي وضربه لهو طول حبالها
ولهي تطحس داقٍ غاربها منكسرةٍ رجله ( رجل جهز بن هذال).

ولوالله ان الشيخ هذال بن فهيد أمير الشيابين لاحقٍ يحدا.

يوم قرب من الغييثات فيحول له زابن المنداع الغييثات ويضرب فرسه لينها على لحويها ( اي عقرها)

ويلحقونه الشيابين ويعطون اميرهم فرس، ويلحق الغييثات ويحول له زابن المنداع ومثل الأوله(عقر فرسه) ، ويلحقونه الشيابين ثالثه ومثل الأوله ويثلث زابن ويقول مخاطبا الشيخ هذال الشيباني:

ثلاثي اركب خشبةٍ ونا بن غياث ولله لولا شحي

لولا شحي بك ، أي ان (زابن المنداع )لم يرد قتل (هذال) حيث ان الأولين يشحون بقتل الرجال الطيبين والشجعان خصوصا أمثال امير الشيابين المشهور هذال.

اعتقد زابن المنداع أن (شبنان الغييثي) ذبح (جهز ابن هذال الشيابين) في ساعتها، وفي الحقيقة تصوّب الشيخ جهز بالمعركة وقد مات على اثر صواب الغييثات له بعد فترة.


المهم ماقصروا الشيابين عند ابلهم والغييثات اقفوا بالبل .

ويوم انفك الطارد من المطرود.

ولين واحدٍ من القوم محزمه مانقص منه ولا طلقه فقال شبنان بن صليل الغييثي



[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
لحقوا هل البل مثل وردٍ محيمين=يومن ولد الاش طارت رياياه
اختف جوفه يوم لحقوا الشيابين=مايدري ان خلاق الأرواح ياقاه
لحقو هل البل مثل دولة سلاطين=من فوق قبٍ بالملاقا مضرّاه
وكثرة عقايرهم وكثرو المثارين=ومنهم (جهز )شرقي( اذقانٍ )طرحناه[/poem]

وقال الشيخ بداح الحطيم في هذه المعركه



[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
يالله يالمعبود ياعالي الشان=تجعل لنا حظاً نهار الطرادي
انا احمد الله يوم طير السعد بان= رحنا بطرعات العشاير عنادي
يشهد بها يومٍ على جال ((دلقان)) =يوم (اخو هملا) جنب البل وحادي
و(جهز) طريحٍ من مضاريب (شبنان)=وعاداتنا بالهوش جدع العوادي
وخمسة عشر منهن جواد( بن قطنان)=يقطعك ياهرجٍ بليا وكادي
((غييثيةٍ)) لامن علا الجو دخان=نرمي وتالي رمينا بالوكادي[/poem]



أخو هملا : الشيخ هذال بن فهيد أمير الشيابين من عتيبه
جهز : الشيخ جهز بن هذال بن فهيد
شبنان : الفارس شبنان بن صليل الغييثات
بن قطنان : من فرسان الشيابين عقرت جواده ذاك النهار

النـايــــــف 10-07-2005 07:04 PM

بيض الله وجهك يالحصان


على هذه المعلومه

حسام هوازن 10-11-2005 10:04 PM

[color=#0066FF]مشكوووووووور يالحصان

على المعلومات

ولك كل التقدير[/color]

بدر الشيباني 10-25-2005 12:47 PM

ياوجه الله
 
ياوجه الله ياهالدوسري هذا مار ذبح الشيابين كلهم ما اقول الا ياويل الشيابين من الدواسر وياويل الدواسر من الله :)

منصور الشيباني 10-25-2005 03:11 PM

اخوي الحصان

مساك الله بالخير

اخوي انا نزلت المعركه الحقيقيه بين الشيابين والغييثات في كون دلقان في قسم المعارك ودللت عليها بالمصادر .

تحياتي

ابوعبيد 04-14-2008 02:39 AM

[size=4]المعركه هاذي أول نسمع بها يابو فهد [/size]

سعود 07-03-2012 10:38 PM

الاقتباس غير متاح حاليا
وقيان ال نصار امير قبيلت الغيثات قاطبه ونعم بميرنا

اول واحد 12-19-2012 05:14 PM

لاهنت على الطرح


جميع الأوقات بتوقيت GMT. الساعة الآن 04:50 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها