۩۩Ξ كرمت ودمت۩۩Ξ
 

[size=6][font=Comic Sans MS]الا يـالله يـاللي تحـت هيبة سـلطنتك اسـلمت
لك المسلم يسبح لك بحمـدك والك الاسـلامي


احمدك واشكـرك واثني عليك بمـا علي انعمت
وزودني وفاء قدر العشير وصـل الارحامي


ولجـك الفجر ياليل الذهول اللي علي اظلمت
يعرضـك واقع الماضي عليه عـرض الافلامي


ولهتك يالنديم اللي على صافي وفـاك اضرمت
بصفحة ذكريات العام واللي من ورىالعامي


بعد تقـرير مشـوار الـتجارب نجحـك واجزمت
بأن السيف يبغى والعصا والمحزم احزامي


ضمنتـك راس مـالـي مكسبي في كل ماسـاهـمت
قفـلت ابواب حيطان الحسايف والتندامي


عـطتني عـزلـة اخلاصي معك نسيان من نـادمت
كتبتك وانطوت صـحفي عليك ورفعت اقلامي


ابــاهـي لاابـالـي واتبيسـط كـل مـاقـدمت
واشـب النار قدام العرب واشيد اخيامي


نهـــاري حر شمـسه يستحي منها لسان الشمت
ولـيلي ترجـم انـجومه ملامة كل من لامي


علـى ضـوء الكلام اللي كشف عنا ستار الصمت
عرفت اني تحت برق الامل في روض الاحلامي


احـسبـنك تـيمم بـاتجـاهـي ويـن مـايـممت
اثر مانته ورايه بالطريق ولانـت قدامي


مصـيبه لاتـردت قيـمتك فـي عين مـن قيــمت
يشوفك فالسهل وانته تشوفه فالسماالسامي


كثر ماحـن قلبي للونيـس وكـثر مــادرهـمت
فجر صدري حنيني واتعب الاقدام درهـــامي


عيون الصد وعيون التجافي "حول"مهما اكرمت
تشــوف المجتهد كسـلان والبناي هـــدامي


مادام ان جانبي شام لجنابك وانت عني شمـت
كثر خيرك وانـا لاني بلا جايع ولا ظـــامي


اشوف انه علي واجــب ليـا مـريتكـم سـلمت
مرور اكرام تربطها الكرامه عند الاكرامي


على شـان الخفوق اللي على عرشه قعدت وقمت
وحجب عنك الدجا لين اشرقت لك بيض الايامي


ختـام السـالفه يـاطيب العشـره كرمت ودمت
هذا حقك علي وحـق هقواتي على اوهـــامي


مصير الوقت يشرح لك دروسه وان غفلت ونـمت
يصحيك الزمان اللي يصحي كـل مـن نــامي


تذكرني لامنها خــابت اوهـامــك بمـن وهمت
وعرفت الفرق في حب الخشوم وحـب الاقدامي

للشاعر الكبير/ سعد بن جدلان


[/font][/size]

مشكور يالعصيمي على حسن الاختيار ولو ان لي ملاحظه على لفظ (سلطنتك) كون السلطنه خاص بالخلق ولو الشاعر قال تحت هيبة (عظمتك) كان اجمل وابلغ

[size=6][font=Comic Sans MS][a7la1=33CC33]مشكورع المرور العــــطر
دمت بوووود وسعادهــ[/font][/size][/a7la1]

[size=6]صح السانك والسان الشاعر الكبير سعد بن جدلان ويعطيك العافيه على النقل المميز [/size]

[font=Comic Sans MS][color=#A0522D][a7la1=CC9933][size=9]مشكور ع المرور
دمت بوووووووود وسعادهــ[/color][/font][/size][/a7la1]

[color=#000000][size=4]إخـــوي الغالي


[color=#FF0000]العصيمي البرقاوي[/color] ..


لله درك على النقـــل الجــزل ..



وصح لسان الشاعر الكبيــر / [color=#FF0000]سعــد بن جدلان[/color] ..


لله دره حتى يرضـــى ..


والله لايضـــره ..


ولـ الجميــع خالص تحياتي ..[/size][/color]