ياهـاجـس الشــعر
 

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياهاجس الشعر جملني بشعرن جميل = شعرن مصور من الواقع ونسج الخيال
مثايل حاليه واحلا من السلسبيل = افضل من الكيف الاصفر من حلوق الدلال
اليله اليل عندي صار ليل طويل = وامست هجوسي تزاحم بين جالٍ وجال
ونضمت شعرن فريد من العيار الثقيل = يشرح عن الوقت والدنيا وسود اليال
يا قلب لاتشتكي لو اليالي تميل = ايامنا تاليتها للفنا والزوال
اعنز على الخالق الي للخلايق كفيل = الواحد الي عليه يعنز الاتكال
الناس ماعندها مقدار شين قليل = يامخبل الي يحط الناس له راس مال
يالله جودك ولا مدت يدين البخيل = تسدني عن حرامك بالحلال الزلال
لابد منساعتن فيها يحين الرحيل = ومحاسبن عن مصادر كل قرش وريال
ونروح ونخلي الي نجمعه من حصيل = يالله عفوك ولطفك ياعزيز الجلال
كم واحدن بالزمن هذا يحط ويشيل = ويقول انا راعي العليا كريم السبال
مايذكر الحشر في ذاك النهار المهيل = في ساعتن مايفيد المرء مال وعيال
لاكن يالله في درب الهدا والدليل = تدلني للهدا والخير في كل حال
اشوف ناس تحاول تعمل المستحيل = مدري مرض صابها ولا دخلها هبال
تجري وتركض مع الايام مركاض خيل = وحموله ماتقومبها ضهور الجمال
والدين يضعف وينقص جيل من بعد جيل = عقب الرجال الكرام الي تسما رجال
حماية الدين بسيف الرهيف الصقيل = الي لياناش روس القوم جاهم جفال
كم راح منهم نهار المعركه من قتيل = وايامهم كلها غزوه وساحت قتال
واليوم الاسلام في وضعن ضعيف وهزيل = المسلمين ضعفو بعد الوفا والكمال
ماهمهم لوتنوش النار راس الفتيل = والشرق الاوسط يجي لنار فيه اشتعال
سقوط بغداد والبصره تراه دليل = والقدس خمسين عام يصارع الاحتلال[/poem]

صح لسانك وبيض الله وجهك

وبانتظار المزيد

وياهلا

[i][grade="00008b ff6347 008000 4b0082"]صح الله ألسانك ولاهنت راقت لي ... وبأنتظار أبداعاتك ... تقبل مروري ,,,[/grade][/i]

والدين يضعف وينقص جيل من بعد جيل = عقب الرجال الكرام الي تسما رجال
حماية الدين بسيف الرهيف الصقيل = الي لياناش روس القوم جاهم جفال
كم راح منهم نهار المعركه من قتيل = وايامهم كلها غزوه وساحت قتال
واليوم الاسلام في وضعن ضعيف وهزيل = المسلمين ضعفو بعد الوفا والكمال
ماهمهم لوتنوش النار راس الفتيل = والشرق الاوسط يجي لنار فيه اشتعال
سقوط بغداد والبصره تراه دليل = والقدس خمسين عام يصاره الاحتلال


بيض الله وجهك على هالقصيدة الشامخه والرائعه

وأسأل الله العلي القدير أن يعيد امجاد المسلمين ويرفع راية الجهاد وينصرهم على عدوهم


اخوي فهد من الممكن أن هناك خطأ مطبعي في
والقدس خمسين عام يصاره الاحتلال
أتوقع بدل يصاره كلمة يصارع
والقدس خمسين عام يصارع الاحتلال




صح لسانك مرة اخرى وبإنتظار جديدك


أحترامي

[color="navy"]الله يبيض وجهك

يافهد

اشهد بالله ان قصيدك يجمل
اعنز على الخالق الـي للخلايـق كفيـل
الواحـد الـي عليـه يعنـز الاتـكـال
النـاس ماعندهـا مقـدار شيـن قليـل
يامخبل الي يحط النـاس لـه راس مـال

هذا الكلام

صح لسانك مدد

ننتظر المزيد من الابداع

تقبل اطيب تحيه[/color]

صح السانك يابو سعد قصيدة رائعه لايعلى عليها

[size="5"][color="purple"]الله الله
صح لسانك مليون ولا يكفون
راقت لي جدا [/color][/size]

الاخوان الافاضل اشكر مروركم ولاهنت ياوجودك يكفي على الملاحظه حيث تم تعديل الخطاء المطبعي

صح لسااانك

وعلى شانك

يافهد بن شجاع

نص رااائع رائع

لاهنت

تقبل مروري

[size="5"][color="darkolivegreen"]صح لسانك وعلااا شانك

سلمت ودمت يافهد وابيات رائعه ولا انت في حاجة شهاده
بيض الله وجهك



العطـــ خليجي ــاوي[/color][/size]