رجلٍ له من بدّ الثلاثه شان (محلول) من وجودك يكفي صح لسانه
 

عدنا من جديد وبهذا الانتاج أتمناّ أن يرقى للمستوى المرضي كـ رقي أفكاركم النيّره

[poem=font="traditional arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


للّغز رمعه والهدف نيشان =وين أنتَ ياللي بالرّماه اتْصيب
رجلٍ له من بدّ الثلاثه شان =تلْقى له بين الناس خبْث وطيب
يكْفي عن رفقة أكثر الخلاّن =ويبقى معك مثل الصّحيب اصْحيب
[/poem]

صح لسانك ياخليجي ولاهنت على اللغز الجميل

لوقلنا إن الثلاثة هم اللي يرافقون الميت فيرجع اثنين ويبقى الثالث .. عمله وأهله وماله .. يرجع الأهل والمال ويبقى العمل مع صاحبه

الظاهر انك قضيت عليه ياولد ثابت وننتظرالخليجي ويش يقول

صح لسانك ياخليجي
الظاهر
مابعد رمعة ولد ثابت رمعه

صح بدنك يارييس ماشاء الله مايطوفك لغز بأيّة حال

العمل الذي يتبع صاحبه عند مماته ،، [size=4][color=#800000]عن أنس ـ رضي الله عنه ، عن رسول الله صلى الله عليه وسلم قال : ( يتبع الميت ثلاثة : أهله وماله وعمله ؛ فيرجع اثنان ، ويبقى واحد : يرجع أهله وماله ، ويبقى عمله ) متفق عليه[/color][/size]
[size=4][color=#800000][/color][/size]
[size=4]العمل الصالح هو من يتبع المسلم مع من يتبعه من اهله وماله فـلا يتبقى سوى عمله يتبعه بعد مماته نسأل الله ان يجعل أعمالنا أنيسةٌ لنا في قبورنا ويكتب لنا ولكم حسن الخاتمة والعافية ، وأن يتولانا وإياكم بعنايته ورعايته إنه جواد كريم . [/size]

مايحتاج انتظار يابوعبدالرحمن الله لايهينك ، نعم قضا عليه الرييس ومراقبنا العزيز وانتهى

:)

صح بدنك ياجااابر ،، تأييدك في محله

الله يجزاك خير ياخليجي اعجبني كثير معنى اللغز وصيغته
وماشاء الله عليك ياولد ثابت
الحين انتم ورى ماتحجبوون اللغز عن ولد ثابت وابن ثعلي لين حنا يالبسطاء نرمع برمعاتنا ونفكر شوي ههههه

صح بدنك ياكابتن خليجي وبيض الله وجهك يارفيقي

[quote=جااابر;1151311]
الحين انتم ورى ماتحجبوون اللغز عن ولد ثابت وابن ثعلي لين حنا يالبسطاء نرمع برمعاتنا ونفكر شوي ههههه[/quote]

ههههههههههههههههههههه والله إذا كان فيه احد يمنع من الرمعات الظاهر إنك اول واحد .. ماشاء الله عليك ياجاااابر