. . قصيدة الأبل . .
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاضاق صدري وانكرت نومها العين "=" والهـم جالـة بالخفـوق اجتوالـي
سجيت رجلي مع فجوج الخلا ليـن "=" واخترت من روس المراقيب عالي
فكيت ازاريري وقلت الهواء ويـن "=" وعرضت صدري للهبوب الشمالي
يدق جوالي .. واقول الـة بعديـن "=" ملحوق يالمجمـول سمـح القبالـي
اجلـي همومـاً ضايقتنـي ببيتيـن "=" يبردبهـا جاشـي ويرتـاح بالـي
في خالياً مادوجوا بة هـل الضيـن "=" السيل عـادة عقـب سيلـة ليالـي
ابرا لوضـحً مارعوهـا السفاهيـن "=" اهل الشبـوك معاقبيـن الحلالـي
ماصلفقت بالرعيـة يسـار ويميـن "=" وعن دربهـا مارددوهـا العيالـي
علط الرقاب مطيشـات السلاطيـن "=" امطيرات النـوم سحـر وجمالـي
وضحً تماري (بالنعـش) فالمياديـن "=" صورة من الخالق عظيم الجلالـي
لاجاء المزاين وازدحـام المزاييـن "=" تتلأ هـذاك اليـوم ماجـات تالـي
مادوج الشراي في وسطهـا ديـن "=" ولخشمها ماكرمت خشـم الريالـي
لاصوت الراعي ولدت لـة بحيـن "=" وركبت على درب الرحول العجالي
طوحت بالغترة سـوات المجانيـن "=" والحقتهـا طاقيـتـي والعقـالـي
تزهر لـي الدنيـا ورود ورياحيـن "=" وكني ملكت الكـون كلـة لحالـي [/poem]

صح لسانك قصيدة جزله من شاعر مبد ع في ابل ٍتستاهل




و نامل من الله سبحانه ان يوفقها وتاخذ المركز الاول وهي جديرة بذالك

صح السانك ياسعود وبالعون انك راع البل اللي يستاهلها
وتحياتي لك

طوحت بالغترة سـوات المجانيـن "
" والحقتهـا طاقيـتـي والعقـالـي
تزهر لـي الدنيـا ورود ورياحيـن "
" وكني ملكت الكـون كلـة لحالـي
ابن وديد رااااااااائع وشاااااعر غني عن الاشاااادة بلغ تحياااااتي لخالد بن بااااادي

أخوك القثاااااااامي