منتديات عتيبه - مـا للبيـوت العـامـره طـعْـم يــا حـمـود=إذا خلَـت فـي يــوم مــن حــسّ شـايـب

قصيدة أعجبتني وحبيت انقلها لكم ولايعرف شاعرها

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مـا للبيـوت العـامـره طـعْـم يــا حـمـود=إذا خلَـت فـي يــوم مــن حــسّ شـايـب

بيـبـانـهـا طــرْمــا وجـدرانـهــا سُــــود=ويـصـفـق نـوافـذهـا قـــويّ الـهـبـايـب

فـي كـل ركـن لحزنهـا اثبـات وشـهـود=عـلــى فــــراق مـهَـوِّنـيـن الـصـعـايـب

النادريـن أهْــل الـشـرف منْـقـع الـجـود=شيبـانـنـا الـلــي يحْـسـمـون الـطـلايـب

إخـوان مـن طـاع الولـي خـيـر معـبـود=الـلــي مـكـارمـهـم مــــن الله وهــايــب

ما يعرفـون الزيـف فـي اليُسْـر والكـود=صـــدْق وبـيــاض ورحـمــةٍ للـقـرايـب

ثباتـهـم فــي حــزة الـضـيـق مـشـهـود=وإيمـانـهـم يـــزداد عــنــد الـمـصـايـب

كانوا هنا .. وكـان السعَـد مالـه حـدود=وكــان الـرضـا يـمـلا قـلـوب الحبـايـب

كـانـوا هـنـا .. مفـاخـر آبــاء وجـــدود=ونـــور وأمــــان ووقــفــةٍ فـالـنـوايـب

واليـوم كـل اللـي مضـى صـار مفـقـود=وَلا بـقــى غـيــر الـجــروح الـعـطـايـب

يا حمود لوّ أبكي سنَـه حـزن ..واجـود=بـدمـوع فـقْـدٍ مـــن عـيـونـي سـكـايـب

علـى الـذي ذكْـره مـعَ الـنـاس محـمـود=الطـاهـر الـلـي مـثـل وبْـــل السـحـايـب

أبوي .. وانت ادرى .. وَلا بالحكي فود=مـا يندمـل جـرحـي وَلا الكـيـف طـايـب

الوضـع غيـر ومـا بـه سهـود ومـهـود=مــن يـــوم خلّـيـنـاه حـــدْر النـصـايـب

نـهـار غـابــت بسـمـتـه ذابـــت كـبــود=وشفنـا مـا عفنـا فـي زمــان العجـايـب

لـيـت المنـايـا لا لـفـت تـطـلـب الـــزود=مـــا تــاخــذ الا النـاقـصـيـن الــزلايــب

روس ٍ كساها الشيب ما صانت عهـود=ومـن ظـن فيهـا يصـبـح الـظـن خـايـب

هـرّاجـة المجـلـس حـجـا كــل مـقــرود=بـيّـاعــة الــذمّــه بــســوق الـجــلايــب

الـرَّجـل فيـهـم لـــه عـضــلات وزنـــود=هيـكـل فـحَـل والـقـلـب فـالـغـيّ ذايـــب

ذلـيـل .. لا يـحـذف ولا يجـمـع حـيــود=نقـص ٍ علـى الأجـواد حاضـر وغـايـب

يـا الله يـا معْطـي العطـا غـيـر مـحـدود=وإيمانـنـا بــكـ مــا دخــل بــه شـوايـب

إجـعـل مـقـرّ ابــوي فــي ظــل مـمــدود=بجـنـات عــدْن أم الغـصـون الـرطـايـب

وأحْسـن عزانـا فـيـه يــا خـيـر معـبـود=لــولاكـ مــا نصـبـر بــلا حــسّ شـايـب[/poem]