منتديات عتيبه - ( يابو محمد يا بعيد المراقيب= ياصاحب عن كل الأمثال سامي ) عيد بن لاحق القثامي

[align=center][size=4][color=#FF0000]هذة المساجلة الشعرية بيني وبين أخوي الشاعر/عيدبن لاحق القثامي
المشرف على صفحة قصائد الأعضاء بمنتدى القثمة الرسمي .والذي بادركعادةالشعراء بمداعبة ليصنع من الحبة قبة على قال المثل ليكسرحاجز الصمت الذي قلما يداعبه الأمل بوجود من يشاركة معاناة السأم والملل لما يقرأ ويشاهدفي الحياة اليومية.
وأحببت أن يستمتع الجميع بها [/color][/size][/align]

وهذة أبيات أخوي الشاعر/ عيد بن لاحق القثامي

[poem=font="Simplified Arabic,4,red,bold,italic" bkcolor="skyblue" bkimage="../backgrounds/16.gif" border="none,4,purple" type=2 line=0 align=center use=ex num="0,black"]

(يابـو محمـد يابعيـد المراقـيـب=يا صاحبٍ عن كل الامثال سامـي)

(ما تنزل الا مثل عكـف المخاليـب=في ماكرٍ فـوق الشواهيـق زامـي)

(لك عندنا حشمـة ومقـدار ياذيـب=ونكنّ لك وسط الضمير احترامـي)

(ابشر بما يرضيك طيبٍ على طيب=رضاك عندي فوق كـل اهتمامـي)

(الامر يا راع الوفا ما هو اصعيـب=اسمـع كلامـي يارفيـع المقامـي)

(لو الجبل فوقـه تهـب الهباهيـب=واللا غشاه من البسيطـة عسامـي)

(ما يشتكي ثابت على الخبث والطيب=طبع الجبال الشامخـات العظامـي)

(الله جعلهـا للبسيطـة مناسـيـب=وضرب بها الامثال يابن الكرامـي)

(وانته جبل ما فيه شـكٍ ولا ريـب=شامخ على طول الزمن ما تضامي)

(الامر ظني صار من دون ترتيـب=طلقة سهم ما هي من يدين رامـي)

(انا درسته مـن جميـع الجوانيـب=ما احدٍ قصد يرسل عليك السهامـي)

(اقولها وانا رجل ما اعلـم الغيـب=لكن اشوف الامر ما بـه ملامـي)

(انته حشيمٍ اليا ذكرت الاصاحيـب= والكل فـي دار اجمعتنـا حشامـي)

(هاذي علـومٍ مثـل درّ المحاليـب=تمخضت من فكـر عيـد القثامـي)[/poem]

وهذة أبيات أخوكم / برق الحجاز

[poem=font="Simplified Arabic,4,red,bold,italic" bkcolor="skyblue" bkimage="../backgrounds/16.gif" border="none,8,purple" type=2 line=0 align=center use=ex num="0,black"]

(ذيب عوى وأناعلى صوته أجيب)=وإن أفتخر بالشعر بعض الأسامي )

( الفخرفي يمني عطيب المضاريب=اللي يصدر وارد الخصم ظامي )

(والله يسمح درب راع المواجيب=اللي عن الطالات دايم يحامي )

( ياعيد وافي ما تجيك العذاريب=ولا أنت هادي داله القلب عامي )

( دنياك هاذي يالعتيبي تجاريب=ياما نشوفه كل يومن وعامي )

( أحد تدرهم له بسمر العراقيب=وأحدن تلقيه اللودر والجهامي )

(وإن كان طاوعناالطيورالمهاديب=الصقريصبح جوف عش الحمامي )
(ياما يعكر صفونا من غثاريب=لكن ما تثني قوي الحزامي )

( وألامرعادي صافيات المشاريب=لوقادها راع الجمل بالخطامي )

(ماني بمن يثنيه شذب العراقيب=عن ماقف العزوة نهارالزحامي )

(حنا خلقنا ياطبيب المصاويب=للي لها يبلن صم العظامي )

(وإن غرت الجهال بعض الهناديب=نشوم عن بعض اللغاوالكلامي )

(شرهاتنا دايم لعكف الأشانيب=وأصدورنا بالنور تجلا الظلامي )

( وأسلم وسلم لي على كاسب الطيب=اللي لزلات الرفيق امتعامي )[/poem]