عهدي بها قدام تلبس عبايه
 

[poem=font="Simplified Arabic,4,black,bold,normal" bkcolor="seagreen" bkimage="" border="none,4,gray" type=1 line=0 align=center use=ex num="0,black"]
عهدي بها قدام تلبس عبايه
=وأنا بعد قبل ألبس شماغ وعقال

طفلين نتهجا حروف الكتابه
=الله يامجمل سواليف الأطفال

كانت لنا في كل شارع حكايه
=وكنا نقول علوم ماهي بتــنقال

وكنت أتقاسم مامعاها معايه
=من آيسكريم التوت لعلك أبو ريال

وكانت بعكسي شاطره بالقرايه
=تقرأ جزء عمى وطـه والانفال

وانا لك الله من مواري غبايه
=مدري أبو نقطه هو الذال أو الدال

وكانت لأبويه تشتكي من شقايه
=وتعلمه كيف أربط الباب بحبال

ياما على ظهري كسر من عصايه
=يقول لي خلك وأنا أبوك رجال

وأمي تقول إدع لولدك الهدايه
=خوفي يصيبه كثرة الضرب بهبال

لاشفتها مع أول الدرب جايه
=ماأدري أنا اللي ملت وإلا الوطاء مال

أحس قلبي يرتجف في حشايه
=ماكنه إلا الضيف لاهز فنجال

ياما عن السعلي تخبت ورايه
=لاخوفوها فيه ثم شافت ظلال

تقول ... خلك يا(.........)معايه
=وأستانس ألعب عندها دور الأبطال

وأغاااااار حتى من عيون أصدقايه
=لاطالعوها!!!قلت...تكفوووووووووووون ياعيال[/poem]

منقول

والله رائعه يااخ فواز ةتشكر على نقلها
تحياتي

اخي ابن ثعلي
منور الصفحه
وشاكر لك مرورك

لكـ تحياتي

روعه القصيده بالحيل اخوي فواز سلمت صح لسانك ولسان شاعرها

اخي ركان العتيبي

مشكور على التواجد

لاخلا ولا عدم

صح لسان شاعرها


يافواز


إختيار رائع فعلاً


تشكر على نقلها


تحياتي

اخي فيصل المسعودي

مشكور على تواصلك الرائعه

الله يعطيك العافيه

عـهـدي بـهـا قــدام تلـبـس عـبـايـه
وأنـا بعـد قبـل ألبـس شـمـاغ وعـقـال

طفلـيـن نتـهـجـا حـــروف الكـتـابـه
الله يامـجـمـل سـوالـيـف الأطــفــال

الله يجمل حالك
مشكور يالغلا
تحياتي

اخي وليد الزراقي

منور الصفحه
وشاكر لك مرورك

لكـ تحياتي

صح لسانك اخوي فواز الشيباني

وصح لسان قائلها

وبيض الله وجهك يا الغالي


تحياتي لك ،،،،