سمعت لي كلمتن
[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
سمعت لي كلمة مدري وش أقصاها = حزت بصدري وأنا ماني بهارجها لو كل كلمة ليا جتنا طردناها = بعنا الثمينة بسعر ما يخارجها لو مرت السمع ماكنا سمعناها = ونقفل الراس عنها لايبرمجها ومن يم هذا لهذا ما نقلناها = والناس واجد وتلقى من يروجها من جابها بين خلق الله و وداها = لو به مراجل ترى نفسه يسمجها من عامل الناس في سابق خطاياها=يقعد بدار خلا ما داج دايجها في كنة تشوي الجربوع رمضاها=تابس غصون الشجر من حر واهجها والناس بالحق حكم الشيخ ماأرضاها=ماترضي الناس لو إنك تحججها ياللي تبى الطيبة خذها وعطناها=وخل الطريفة طرية لا تثلجها واقضب طريق الآوادم وأمش ممشاها=واتبع دروب العرب وأدرج مدارجها وارسم لنفسك حدود لا تعداها=من حط نفسه بدرب الضيق يحرجها وإن كان نفسك هواها قام ينحاها=حط الأعنة بروس الخيل وأسرجها وفكر بمنكافها قدام مغزاها=وأضرب حساباتها وتشوف ناتجها وإن كان توك على صدرك تهجاها=حنا ترانا ندرس في مناهجها لو هي صعيبة ليا أنعاجت عدلناها=واللي تجي مستقيمة ما نعروجها نهتم في وزنها وإبرام معناها=ومن الكرستال واللولو نتوجها مثل الجواهر ليا منا نضمناها=وسلوكها من جديد الزري ننسجها مخايل ترتدم والصدر منشاها=إن دك بالبال داكوك يهيجها وليا أمطرت ضاقت الوديان في ماها=تأخذ ليا الحول مايبست مدالجها إن صدت الناس عنا ما أعترضناها=ماتقفي الناس عنا وأنتولجها وإن جاتنا الطيبة بالطيب زدناها=الطيبة بالعسل والسمن نمزجها وإن جاتنا الثانية نصبر ونرفاها=يمكن ليا فاق راعيها يعالجها وإن عادها عودة ماعاد ينساها=من حربة في صميم الصدر نولجها مسمومة يبلش الدكتور بدواها=مايقنع الخبل لين إنه يلامجها وســـــــــلامتــكــــــم[/poem] |
صح لسانك والله يعطيك العافيه
|
سلمت يمينك اخوي ساري على النقل الرائع وصــح لسانك ولسان شاعرها
الشاعر عبد الله بن زويبـن الحــربـي |
[color=#996600][font=Comic Sans MS][size=4][align=center]صح لسانك
وسلم بنانك على النقل الرائع وصح لسان الشاعر المبدع حقا[/align][/size][/font][/color] |
ساري
سلمت يمناك على النقل الرائع والجزل بانتظار روائع جديدك |
صح لسانك اخوي ساري
وصح لسان شاعرها وبيض الله وجهك يا الغالي على هذا الاختيار الرائع تحياتي لك ،،،، |
جميع الأوقات بتوقيت GMT. الساعة الآن 10:58 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها