التتن كيفٍ للرجال المناعير
السلام عليكم
أولاً التمس العذر من اخواني المدخنين وارجو عدم المؤاخذه اذا قسوت على المدخنين في هذه القصيده، ولكن أسأل الله أن تكون بمثابة النصيحة لكل مدخن. ثانياً ارجو أن تحوز على رضى الجميع.. [poem=font="Simplified Arabic,5,black,normal,normal" bkcolor="skyblue" bkimage="" border="solid,4,deeppink" type=0 line=0 align=center use=ex num="0,black"] التتن كيفٍ للرجال المناعير= يقوله اللي مدمنٍ شرب دخان مايدري ان التتن له شر تأثير= يثر على ماله ويثر بالأبدان واهم شيء الدين يانافخ الكير= وشلون بعت الدين برخيص الأثمان ماقول راع التتن له عقلٍ صغير= لكن من يتبع هواء النفس خسران النفس بالسوء تامر اللي لها مشير= من طاعها ياناس غادي وغلطان من طاعها ترميه في جمة البير= في غبة يغرق بها كل شيطان ياشارب الدخان مسيك بالخير= اسمع نصيحة ما تقدر بالأثمان كانت قديم الوقت تنباع ببعير= واليوم مازالت لها قدرٍ وشان ترى الزقاره ياولد مابها خير= خسارة عليك في كل الأحيان لابد من يومٍ تجيك المقادير= في وقتها ما تنفع ادموع الاعيان تب للإله وبدل الصحبه بغير= بدل هل الدخان باصحاب الايمان اجلس مع اللي هرجهم دوم تذكير= ما يشتمون فلان ولا سبوا فلان اهل الوجيه النيرات المسافير= الطاهرين الطايعين اهل الايمان الصحبة اللي ماوراها مخاسير= ياحيها من صحبة وحي خلان ماهي صداقة من ضحى وحدها عصير= الا صداقه تستمر عبر الازمان تبقى مع الايام من دون تغيير= ان كان مازادت فلاهي بنقصان ماهي صداقة عابدين الدنانير= الله يقطعها صداقة وصدقان الحر منزاله بروس المواكير= في قمة جبالٍ طويلات ومتان والبوم ولد البوم مايشبه الطير= لو كان له راسٍ وريشٍٍ وجنحان والله جعل للناس قيمة وتقدير= كرم بني آدم على كل حيوان والرجل يعرف قيمته والمقادير= يكرم سباله لايعود لما هان[/poem] |
[color=#CC0000]1
1 1 1 1 1 ملكي اميري وزاري لحين العوده للقراءة[/color] |
[mark=00CC00]
[color=#000000]:D ظااااااافر صح لسااااااانك والله يهدي كل المدخنين يارب والله التدخين يسبب أمراض اللهم ياكافي والادمان عليها ااكبرررمصيبه.. اتمنى من كل الي يدخنون يقلعون عن التدخين مو عشان صحتهم يتركوونه لووجه الله .. \\ يعطيك العافيه [/color][/mark] |
ظافر
صح لسانك قصيدة جزلة من شاعر جزل في موضوع جميل اعجاب مستمر تحياتي لك |
[align=center][size=5]الاخ بل الشاعر ظافر
صح لسانك وعلا شانك قصيده تحمل نصيحة عظيمة وهذا هو المطلوب من الشعر احيانا ان يترجم مالا تستطيع احيانا المواعظ ان تصل اليه لعل بعد قصيدتك اخوي نحفل بكثير من التائبين والمقلعين عن التدخين قبل فوات الاون لك كل الشكر ودمت [/size][/align] |
[size=5]صح لسانك
قصيده رائعه لاهنت[/size] |
[color=#CC0000]ماهـي صداقـة عابديـن الدنانـيـرالله يقطعـهـا صـداقـة وصـدقـان
الحـر منزالـه بـروس المواكـيـرفـي قمـة جبـالٍ طويـلات ومتـان [/color] [color=#336633]أنــا اشهــد صح لســانك وقصيدة جميلـــة الله يعز مقدار ويكفي المسلمين شر التتن [/color] |
ظافر العتيبي
صح لسانك مدد بلا عدد قصيدة جزلة من شاعر جزل تستحق الاشاده نصيحه غاليه الله يكتب لك اجرها تحياااتي |
ياشـارب الدخـان مسيـك بالخـيـراسمع نصيحـة مـا تقـدر بالأثمـان
كانـت قديـم الوقـت تنبـاع ببعيـرواليـوم مازالـت لهـا قـدرٍ وشـان تـرى الزقـاره ياولـد مابهـا خيـرخسـارة عليـك فـي كـل الأحيـان صح السانك ياشاعرنا ظافر العتيبي قصيده ونصيحه وافيه والله يعطي جميع المدخنين حريمته :cool:<<<مهوب منهم تقبل تحيتي وتقديري |
صح لسانك ولاهنت وياهلاااوغلااااا
|
جميع الأوقات بتوقيت GMT. الساعة الآن 08:13 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها