موجة تطور.........
 

[align=center][color=#000000]سداح[/color][/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا صبح نورك عليـه إثبـات=
شمسك على الكـون شعّالـه
.
والليـل لـو يستـر الغـرات=
يبدي مـن اسـراره لحالـه
.
البارحه والهجـوس أفـوات=
مابيـن رجـلـي وخيـالـه
.
شالن في صدري ثلاث اصوات=
ونوم العوافـي بـرن حالـه
.
عقلت قلبـي عـن السجـات=
وعـوّدت أسريّـه بعقـالـه
.
وروابعه عقب راحـت جـات=
تحـط حمـلـه وتشتـالـه
.
وأمسيت أجرّ النسم بسكـات=
وكبرت على القالـه القالـه
.
يا طول صبري على الميـلات=
وقت العنـا فـاض مكيالـه
.
حنا في وقت ٍ مـن الاوقـات=
يضفي على الخلـق سلالـه
.
زادت دشـوش الفضائـيـات=
وانا الفضـا مالـي ومالـه
.
جاء مع عرب سات نايل سات=
يرسـل وزانــه ويبـرالـه
.
موجة تطور على الشاشـات=
ريموتهـا يكـبـس الآلــه
.
والمجد مـن بدهـا بالـذات=
يا جعل مـا يقطـع ارسالـه
.
ما تعرض ألا ّ عبـر وآيـات=
وصلّوا علـى محمـد وآلـه
.
والسلّـه الباقيـه هيـهـات=
ماهـيـب لله وإنّــا لــه
.
قمصان نوم وعلـوم وشـات=
بـث ٍ فـال الله ولا فـالـه
.
ارسل سلامك وهاك وهـات=
وكـلٍ محـضّـر بجـوالـه
.
عسل وصل والحنونـه جـات=
دجـال يضـحـك لدجـالـه
.
ناس ٍ بلاهـا حياهـا مـات=
شبـاب الاسـلام يرثـالـه
.
الفن مـع كاشـف العـورات=
يصلـح لشـرواه وامثـالـه
.
يـا الله لاتقطـع الهـقـوات=
وتبلّـغ الـعـود فـعيـالـه [/poem]

صح لسانك يافيصل ولسان مبدعها

والشاعر سداح بلا شك موهبه خرافيه وانا من اشد المعجبين والمتابعين لشعره الجزل

لاهنت مره ثانيه

ولاعدمتك

تحياتي وتقديري

نـاس ٍ بلاهـا حياهـا مـات
شـبـاب الاســلام يرثـالـه
.
الفن مـع كاشـف العـورات
يصلـح لـشـرواه وامثـالـه
.
يـا الله لاتقطـع الهـقـوات
وتبـلّـغ الـعـود فعـيـالـه






اخوي فيصل










الف شكر عالاختيار الاكثر من رائع










وصح لسان سداح








وحسب ماسمعت انه غنامي




وهو اخو الشاعر والصحفي

نايف بندر رئيس تحرير مجلة أصايل



لاعدمناك يافيصل

منصور وانا كذلك


من المعجبين بشعره


تشكر على المرور الطيب


تقبل تحياتي

الاخ سلمان


تشكر ياغالي


على مرورك الاكثر من رائع


وتشكر على المعلومات التي افدتنا بها


عن الشاعر سداح


تقبل تحيات


اخوك


فيصل المسعودي

ابداع متواصل
تشكر على طرح القصيده
وصح السان راعيها
تحياتي