الطيب ورث اللي على الجزلة يحـوز*****وفي المرجلة نـال الشهـادة بإمتيـاز
هذه القصيدة من تأليفي وأرجوا أن تنال على إعجابكم
يجوز شي .. وشي لا يمكـن يجـوز لكن ما ادري كيف تالي الوقت جـاز ياصاحبي لو كنت أنا طيـب وأنـوز قـلبي من أفعال الزمن والوقـت نـاز صدري مولّع مثـل توليـع القـزوز حتى الزمن من فوق ناره صب قـاز كيف البنادم فـي حياتـه مـا يجـــوز عــــن مبـدأ الخبـث العلـن والإنتهـاز سهمٍ بجوفي يا مـلا صـار مغــروز هشّم ضلوعٍ كسرهـا كسـر القـزاز وكل الهموم أضوت على القلب اللزوز وصارًا على قلبي وخفّاقـي عـزاز تدافعت بين الحنايـا جـوز .. جـوز من دون تأشيـرة ولا حتـى جـواز وياصاحبي ما دمت غالـي ومعـزوز سجّل علومي مثـل تسجيـل الجهـاز كل النفوس اللي بـلا مذهـب تبـوز وكم واحدٍ من خوّة أهل الخبـث بـاز ونهايتـه ضـرب المكينـه والفيـوز يومن غيره في علـوم الطيـب فـاز الطيب ورث اللي على الجزلة يحـوز وفي المرجلة نـال الشهـادة بإمتيـاز والضعف ورثٍ للعجوز أبن العجـوز اللـي بفعلـه لا يجيـز ولا يـجـاز والماكر اللـي مـا تعـلاّه محجـوز والبوم عمره ما يجي في وكـر بـاز والذيب ما ينهـاز هـوّ اللـي يهـوز وإذا أنكسر نابه من الحصنـي يهـاز واللي يجي في الماقف العسر مهزوز يصبح ضحية من ضحايـا الإهتـزاز أبرز لخصمك وأنت ضاري بالبـروز في نجد والا يوم كنتوا فـي الحجـاز من لابةٍ يوم اللقـا تشبـه ( كـروز ) أقولهـا مـن دون ميلـة وانحـيـاز يا صاحبي أفهـم بعـد فـك الرمـوز أفهم ترى قلبي مـن الرديـان جـاز وفـي ملعـب الدنيـا إذا ودك تفـوز خلـك بتشكيـل المواجيـب أرتكـاز وشت من يعيبك يا عميل الخير بـوز وخلك لربعك بـاب فخـرٍ واعتـزاز وياصاحبي لاشفت شـيٍ مـا يجـوز أبعـد وخلـك عـن بلاويهـم مجـاز [align=center]وسلامتكم[/align] [align=center]أخوكم الشاعر/ عبدالعزيز جري السليس أبو سناء[/align] |
صح لسانك اخوي ابو سناء
قصيده الحقيقه جميله جدا تقبل شكري بعد اعجابي . ______________- ياليت احد المشرفين على الشعر ينسقها . |
[align=center]صح السانك .. صح السانك ..
واعتلاااا شاانك , يعطيك الف عافيه على هـــ الرائــعه مشكور تحياتي[/align] |
[align=center]صح بدنك يا الأديب
صح بدنك يا عمر مشكورين وما قصرتوا وأنا لي الشرف أنكم تقرون قصائدي وتبدون رأيكم على مواضيعي ولا أستغني عن رأيكم ولكم جزيل الشكر [/align] |
السليس
صح لسانك وعلى شانك وسلم بنانك وحياك الله تقديري |
[size=5]صح بدنك يا عبدالله
والله يبقيك ولا تقاطع[/size] |
السليس
صح لسانك وعلى شانك قصيدة جزله من شاعر جزل تقبل ودي وتقديري |
صح الله لسانك
|
[size=5][align=center]صح بدنكم جميعًا
وترقبوا كل جديد من أخوكم عبدالعزيز السليس تحياتي وتقديري[/align][/size] |
صح السانك بارك الله فيك
|
جميع الأوقات بتوقيت GMT. الساعة الآن 08:43 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها