قصيدة للشاعر الكبير محماس بن شميسان ...
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نفسي لها مقصد وفي خاطري فيض =يزج سلسات القوافي مفيضه عوبٍ ليا اوقضهنه الفكر توقيض =تسبق حداهن شبحته وتغميضه لاجالهن بين الحواني تنافيض =ناديتهن يامرضيه يامغيضه آخذ عليهنه ومعهن مراكيض =واحكم هدفهنه عجلته وريضه ماقلتهن والله دعايه وتحريض =مير السكوت عن الحقايق غميضه بعد سمعت وشفت ناسٍ مغاريض =نية خوافي والظواهر نجيضه بادرت بالانكار ماودي اريض =ومن لاقنع يجني نتايج خضيضه ياهيه ياللي للمقفي قواريض =غيب القلوب مسجلٍ فالحفيظه خلوا من اللي فالشتا لاول القيض =حقٍ على البايع يوفر قريضه ماعندكم لافشا السراير تفاويض =وراع الصواب ادنى الخطايا يغيضه والا فانا مالي فالافلام تحميض =انكر عوض وانكر طرايق معيضه عندي مناعه ضد قرض القواريض =نفسي عن الهسات تشهر حضيضه المحتمي مايحتمل للنواقيض =والصد هو طب النوايا المريضه ومن لايقفض عنه الاوهام تقفيض =يصبر على الذله شتاه ومقيضه الطير يضوي عقب مسراح للبيض =يسرح ويضوي بالغنايم لبيضه اعزم وعند مكون الكون تعويض =ماحدٍ يضيع ورب الامه حفيضه القادر اللي منه نرجي المعاويض =مارجي عطا غيره ولالي عريضه قانع ورزقي ماكتب فالمعاريض =رزقي على مجري الخيال ونفيضه ان كان للدنيا وفيها معاضيض =تلقون طراف المعاني عضيضه الله خلقنا للتحمل محاضيض =نبرك وننهض بالحمول الغليضه لو نشتكي منها اعترضنا عواريض =نخفي علشان الوجيه البغيضه لو يسهبون معقدين الملافيض =اهدافنا فوق الذميم ونقيضه مضموننا واضح وصفحاتنا بيض =طرق الوفا كتبت علينا فريضه بقلوبنا نكنز من الصبر للغيض =صبرٍ مقابيس البلا ماتغيضه عما يكن الصدر هذي ملاحيض =ماهيب في وصف الهنوف الغضيضه [/poem] الشاعر / محماس بن شميسان العتيبي |
مشكور يابو وافي على اتحافنا بهذه القصيدة الرائعه وصح السان شاعرها محماس بن شميسان
تحياتي |
[align=center]صح السانك وصح السان الشاعر
مشكور واختيار موفق تحياتي[/align] |
جميع الأوقات بتوقيت GMT. الساعة الآن 02:27 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها